قصيدة فكل صباح

فكل صباح يودّع البارح اليوم
ويجدد الفرصه على كل محروم
كأن شمس الصبح عذْر .. وتردّد.
يا تاركين الحلم .. اصحوا من النوم
تقدّموا لـ أحلامكم في تفاني
وتسلّحوا في بيت تحيا به احلوم
كل النجاح اوّلْه .. فكرة ورغبه
كل قصْر كان ابدايته.. حلْم مرسوم
وان بكتك دنياك ساعه ؟ تصبّر
محدٍ بهالدنيا أضحكت دنيته دوم
ترى التردد مقبرة كل الأحلام
يفوز باللذات مقدام كل قوم
ترى الفشل ماهو نقيض النجاحات
كم ناجحٍ كان الفشل صاحبه يوم
مافيه شي اسمه ترى .. مستحيله
المستحيل يصير بإصرار واعزوم
لا تشرح احلامك لمنهو بلا حلم
وش فَهَّم الاعراب في سياسة الروم
ما زعزت قو الرياح السفينه
لاصار قايدها على الصعب مفطوم
في هالزمن قوتك .. قوة ريالك
قيمتك في شيك من البنك مختوم
لا قل مالك فـ انت اردى الخلايق
ولا زاد مالك فـ انت شيخ ومخدوم
اترك خوالك عنْك وافعال جدك
ماهو بشرط القرم يخلّف اقروم
المجد .. للي قال هذي فعولي
اسمه الثلاثي قصة امجاد ، واعلوم
جاك الصباح وجات فرصه جديدة
لاتقول باجر قول ببدي من اليوم