أسّـست لكـ بالقلـب مبنــى علـى ســاس ...

لازلـت بالخاطـــر و لا زلـت بالــــرأس
و لازلت أشوفـك ويـن ما حـط ّ عينـي

أنت الغـلا يا سيّــد الخلــق و النــاس
و أنت السـوالف بين نفســي و بينـي

شفـت الميـاه إشلـون تنصـب بالكــأس
الكأس عمـري و أنت مويـــة سنينـي

دخلت قلبـي دون رنّـــات و أجـــراس
و تستاهـل إقلـط دام روحــك تبينـي

أسّست لك بالقلب مبنـى على سـاس
بنيتـــه إبحبـي و أساســه حنينـــي

تـدري صـدور النـاس بالحب تنحــاس
و تـدري بصـدري حب محتـاس فيني

مثل الشجر لا طـاح من ضربة الفـاس
بالحب أحـس الضـرب دايـــم يجينـي

ترا أنت بالخاطر و مشغل لـي الرأس
ومـن ويـن ما ناظـرت.. زولك بعيني