الورود تغار من خده

يا حـلـو مــن غـازلـه قلـبـي وغـنـى لـــه لـحـالـه
يــوم هــب الـبـرد تـالـي اللـيـل فـأطــراف المديـنـه

أنبسـط وأرتــاح وأسـلـى كــل مــا شـفـت اتصـالـه
وأفـرح إن قالـوا فــؤادي صــار خـاتـم فــي يميـنـه

وأنثـر أحلـى الشعـر لا منـه سكـت وأسـرف دلالــه
ما أغلى من صمته ولا أجمل من لغة رمشه وعينه

الــورود تـغـار مـــن خـــده وتـرحــل مع خـيـالـه
ويـامـا باسـتـْه الــورود النرجسـيـة مـــع جبـيـنـه!

مــن لمجـدولـه ولإحـسـاسـه ولأنـفـاسـه وشـالــه؟
لا تمـايـل خـصـره الـلـي مـثـل طـــوق الياسمـيـنـه

وصف ميّـاس الاراك اللـي الهـوى العـذب استمالـه
ينطبـق وصفـه علـى خصـره فديـت أغـلـى سنيـنـه

مـن مـلامـح يوسـفـي الحـسـن فــي بـاهـي جمـالـه
وثـغـره البـسـام وأشـكـال الـهــوى بـيـنـي وبـيـنـه

أستشفـيـتـه وطـــن روحــــي وخـفـاقــي وآمــالــه
لأن قلـبـي مـلـك لــه مــا هــوب لعـبـة فــي يديـنـه