طااااح وجهك يالفرح

تشوف الشوق في قلبي تكلم وزفرت عبره

.................................... يداعبني حنيني حيل ولا أدري وين وداني


وسط صدري يبات الهم يهفهف ناره وجمره


..................................... حلف مايبتعد عني وما اظـنه تعـداني


أنا ياعاشقين الحرف تعبت ولا ظهر فجره


.................................... يساهرني يبكيني لعب في حسبه أزماني


يصبرني بكم كلمه ولا منه عـجز يشره


...................................... يعاملني بهوى نفسه وحبه حيل أشقاني


الا ياعمري الفايت تحطم وانتهى صبره


....................................... كفاني مامضى منك كفاني كل ماجاني


ضميت الفـقد ياقلب متى بس ينفتح قبره


.................................... تريحني طواري الموت اذا وقتي تحداني


ابد ماعاد تعنيني حياتي لو بها دبره


...................................... يدبرها الرحيم اللي يدبر كل الأكواني


أبكتم همي بصدري واساير واقعي وعمره


.................................. وبأنسى فرحي الطـايح وأجمع باقي أحزاني