رواية جفاف وردة بيضاء في رُكن الذكريات / 22

‏إذا شئت كانَ النجمُ عندك شَاهِدي
بلوعةِ مُشتاق ومُقلة سَاهدِ

سَليني عن الليل التَّمامِ قطعته
بزفرةِ مُشتاق وأنفاس واجدِ .

" ابن دارج القسطلي"
.
.
فتحت عيناها ونظرها يقع على هاتفها المرمي جانبها سحبته وبعينان نائمة فتحتة وبتذمر هتفت : الله ياخذها شبكة , دايم طافيه عند اهلي .
نظرت ب استغراب لرسالة الواتساب من نورة " حبيبتي ابرار، ماجد مانع اجيك او اشوفك ، بس وعد اول مايطلع من البيت اجيك - فيس حزين –" .
تاففت ابرار وهي تجلس وبضيق من صوت معدتها الفارغ : انا ناقصتك بعد .
اتجهت للخزانة واخرجت منها بجامة سوداء ، فصخت الفُستان الذي كانت تردتي رمته لابعد مساحة في الغرفة ودخلت الحمام .
خرجت بعد وقت ليسَ طويل ربطت شعرها المُبلل على شكل كعكعة ، وتنهدت نازلة بخطوات بطيئة للاسفل .
..
سمع صوت الخطوات النازلة ، فتح باب مكتبة وبعينان مُتاملة بدا يُراقبها وهي تتجه للمطبخ .
تبعها واتكى ع الباب وتكتف رافعاً حاجبة .
ابرار فتحت الثلاجة وبعينان باحثة عن وجبة دسمة تملى معدتها الفارغة من الصباح ، تاففت ضاربة باب الثلاجة بقوة : مايفكرون ان فيه انسانة عايشة معهم بنفس البيت .
اتاها صوت ماجد : لاتكسرين باب ثلاجتنا .
شهقت ابرار برعب مُلتفتة له : بسم الله من وين طلعت انت .
واكملت هامسة بغضب : وليش ماتتكلم ؟! .
دخل ماجد ساحباً كُرسي طاولة الطعام الصغيرة : سوي لي اكل جوعان .
ابرار نظرت له وبسُخرية : لك وجه تجيني بعد وتقول سوي لي .
ببتسامة مُتعبة نطق : لية ي قلبي وش سويت .
ابرار بقرف : ايش ي قلبي ، قلبو عليك سبعة بليلة ظلمة .
هتف ماجد بعد تإمل طويل :الا ع الظلمة ، انتي وش سالفتك ع ذي الالوان .
انزلت ابرار راسها لبجامتها السوداء ثم سريعاً مارفعته : وش دخلك ؟! .
ماجد هز راسة واخرج هاتفة ب امر : طيب ، سوي لي اكل .
ابرار بغضب اقتربت : ماتسمع ، اقول لك وجه تقول سوي لي .
انزل هاتفة وعاد بظهره للكرسي رافعاً ذراعية خلف عُنقة وب استغراب : قلت لك وش سويت ومارديتي ؟! .
ابرار جلست امامة وببطء : سمعت انك مانع نورة تجيني .
انفجر ضاحكاً : سمعتي ؟! ، خلاص شوفيها جاتك .
ابرار بملامح غاضبة : ترى مافية شي يضحك بالموضوع ؟! .
ماجد بملامح لازالت ضاحكة اغلق ثغرة بكفة : خلاص ماراح نضحك .
ابرار بعينان مُشتعلة : سالت انا وش يضحك ؟! .
ماجد ببتسامة : تقولين مانع نورة ، وشوفيك قابلتيها وهلت الشريط عليك كله .
ابرار نظرت له ب اشمئزاز : لاعاد تخترع شي من راسك .
واكملت مُبعدة نظرها عن عيناه التي تُراقبها : هي كتبت لي بالواتس .
ماجد بهدوء مصدوم : كتبت لك ؟! .
نظرت له ابرار وحركت راسها بتذمر : ايه صح سجلت صوتها لي ، مو انا عندك ماعرف اكتب ولا اقرا .
ماجد ب اهتمام : وانتي تعرفين تقرين صدق ؟! .
وقفت ابرار : انا جوعانة بعد ، متى ماسويت عشا لك نادني .
مسك ذراعها وبهدوء ونظره على الطاولة امامة : درستي ؟! .
ابرار سحبت ذراعها وبضيق : وانت وش دخلك ؟! .
ماجد بنرفزة : ابرار ردي ع قد السؤال ، ترى ماليت من كلمة وش دخلك .
ابرار بتافف : طيب لو جاوبت وش بتستفيد ؟! .
رفع نظره لها : بس كذا فضول .
ابرار بدون مبالاة : خلصت ثالث ثانوي .
ب اهتمام : تبين تكملين جامعة .
ابرار حركت راسها برفض : مابي .
ماجد ب امر : لا مو ع كيفك ، صح ان التسجيل والقبول قد انتهى ، لكن راح اجيب واسطة وبكلم نوف تساعدنا ، هي دكتورة بعد .
نظرت له وبعينان اشتعلت : قلت نوف ؟! .
ابتسم ماجد وهو يتذكر صفعتها لنوف : نوف ماغيرها بنت خالي .
انحنت له وب اشمئزاز مُستفز : لو مايبقى بالدنيا غيرها ، م اذل نفسي لها .
مسكها من كتفيها وببتسامة : خلاص ولا يهمك .
سحبت ذراعيها بقوة : فكني .
وقف وهو يثبتها امامة : ممكن اعرف وش معصب فيك ؟! .
ابرار ثبتت حادقتيها في عيناه الناعسة وخصيصاً حادقتيه : تحسبني نسيت اللي قلت بالعصر .
تافف ماجد وهو يطلق سراح ذراعيها من كفيه : ماتنسين .
بضيق هتفت : كيف انسى ؟! .
ماجد نظر لها وبهدوء : نقول ان شاء الله تنسين .
نظرت له وبعينان تكون فيها الدمع : ايه ان شاء الله .
اقترب براسة قليلاً وانحنى لجبينها قبلها قُبلة صغيرة وابتعد هامساً وحرارة انفاسة ترتطم بجبينها : ابرار والله تعبان خلينا ننسى ع الاقل الحين ، ولكل حديث وقته .
ابتعدت عنه وبملامح توترت : بس ذي الساعة لاني جوعانة .
ابتسم من حديثها الطفولي وتحرك بخطوات هادية لثلاجة : احب المكرونة ، تعرفين تسوينها ؟! .
لحقته وبغيض : وش ذا السؤال ، اكيد اعرفها .
اخرج طماطم وببتسامة لازالت مرسومة على ثغرة : بس ماتعرفين الطريقة اللي احبها .
سحبت منه الطماطم وهتفت رافعة حاجبها الايسر : اذا ماعرفها ، بسوي طريقة بتعجبك .
اعطته قفاها وهي تُخرج اللوح الخشبي الخاص بالتقطيع .
اقترب وادخل انامة في خُصلات شعرها الطويلة وشدة لاسفل : ليش مانشفتي شعرك قبل تنزلين .
مسكت رسغه وهي تُبعدة عن شعرها : والله جوعانة ماقدرت افكر .
وقف جوارها وبحماس : طيب وش اساعدك فيه ؟! .
ابرار نظرت له وبعينان خبيثة : قطع البصل .
عاد كم خطوة للخلف وبقرف : لا مستحيل ، خلاص بجلس اشوفك .
رمت السكين واتجهت له وهي تسحبة : مو ع كيفك ي حلو ، كلنا جوعانين وكلنا بنطبخ .
ثبت اقدامة في مكانة وبخبث : صدق ؟! .
وقفت وب استغراب : وشهو ؟! .
ماجد بغمزة خبيثة : اني حلو ؟! .
تجمد نظر ابرار في عيناه الناعسة وبخجل ابعدتها بُسرعة : لاتصدق نفسك .
نطق ماجد بصوت جدي : وانتي بعد حلوة .
رفعت نظرها له وبتلعثم : حنا هنا عشان نطبخ .
اقترب ماجد بوجهه لوجهها : وفوق ؟! .
دفعته صارخة : وش ماكل انت ؟! .
انفجر ضاحكاً : والله ع عشاي من امس .
زفرت ابرار ب ارتياح وهي تعود لتقطيع ماكان بين يديها : وانا زيك .
اقترب ماجد هامساً : يعني القلوب عند بعضها ؟!.
نظرت له ابرار بغيض : ماجد اسلق المكرونة .
تحرك وببتسامة : ابشري .
واكمل بفضول : كم عندك اخوان ؟! .
نطقت بهدوء : وحيدة اهلي .
استدار ماجد وبصدمة : صدق ؟! .
هزت راسها : ايه ، بس بنت خالي مها مو محسستني اني وحيده اعتبرها اخت واكثر .
ضحك ماجد هاتفاً : ام لسان ؟! .
ابرار تخفي ضحكتها ناطقة : ماتنسى .
نفث ماجد حول نفسة : بسم الله علي .
واكمل بتذمر وهو يفتح كيس المكرونة : لو يشوفوني طُلابي مدري وش بيقولون .
ابرار ب استفهام : مو صغير ع انك تكون دكتور بالجامعة .
جلس ماجد وبهدوء مُتذكراً الماضي : عمري 29 اي صغير ، وترى تعبت بالدراسة ، بوقت الاجازات كنت ادرس ماطلع لسعودية .
ابرار اعطته قفاها وهي تحمس البصل والطماطم والفلفل الرومي ناطقة : اي فعلاً 29 شايب ، شوف فرق العمر بيني وبينك .
انفجر ماجد ضاحكاً : 6 سنوات مافيه فرق .
اغمضت ابرار عيناها من صوت ضحكتة وتنهدة بخفوت من نبضات قلبها التي بدت تخفق بسرعة .
..
اشار له : انها هُناك .
فصخ الكاب ومدة له وبحركة سريعة بدا يُعدل شعرة واتجه لها بخطوات واثقة و سحب كُرسي الجلد وجلس ناطقاً : السلام عليكم .
نظرت له وببتسامة عدلت القميص العاري الذي ترتدي وبلكنة انجليزية : لستُ مسلمة .
نظر لها جابر بتقييم وبتعجب : فعلاً ؟! .
نطقت ب اعجاب : نعم .
جابر هز راسة بتفهم : اها ، مرحباً .
ابتسمت : اهلاً بك .
واكملت بعينان باسمة : لقد طلبت مني موعد ؟! .
استقام بظهره وضمم كفية وبجدية : هيلدا ؟! .
هيلدا ببتسامة عريضة : نعم .
نظر لشعرها الاشقر وبهدوء : تعرفي السيد انس العايد ؟! .
هيلدا ب استغراب من الاسم : ماذا ؟! .
اعادة ببطء : انس العايد ؟! .
هيلدا بملامح مُستغربة : لا لاول مره اسمع بهذا الاسم .
جابر بعينان ساخرة : لماذا الكذب ي جميلة ؟! .
هيلدا رفعت كاس الماء وارتشفت هاتفة : ولماذا اكذب ؟! .
جابر اقترب ناطقاً بحدة : لماذا لا تسالي نفسك ؟! .
هيلدا بعدم مُبالاة : انا لا اعرف السيد انس ولا اعرفك ايضاً .
جابر بغضب صرخ : لا تكذبي .
هيلدا نظرت بربكة وخجل من نظرات زبائن المطعم لهما : لا تصرخ .
واكملت هامسة : انا لا اكذب .
جابر ب استفزاز : كاذبة .
وقفت وبحدة : طاب مسائك .
اشار بعينية لمن خلفها .
انتفضت وهي تشعر بالرجل الضخم الذي سحبها وهمس : عودي حالاً لكُرسيك .
شهقت ساحبة ذراعها : لان اعود ، ماذا ساتفعل ؟!.
همس : اقتل عائلتك .
نظرت له برعب وعادة بخطوات مُكرهه وجلست هاتفة : ماذا تُريد ؟! .
نظر جابر لها وبمتعة : كيف حالك ؟! .
هيلدا : ايُها السيد ماذا تُريد ؟!.
جابر ببطء : السيد انس ماعلاقتك بة ؟ .!
هيلدا بغضب : اقسمُ اني لا اعرفة .
اشار جابر خلفها وحرك شفاهه : اُريد الظرف الصغير بالسيارة .
نظرت له بعدم فهم .
هتف : انا وجدتك تكذبي لان يُخلصك احد من بين يداي.
بملامح رُسم عليها القرف : هل انت مجنون ؟!.
سحب جابر الظرف وبغضب اخرج مابداخلة ورماه ناحيتها : ماعلاقتك ب انس ؟!.
هيلداً رفعت الصور وبتإمل : يبدو انني رايتة بمكان ما .
جابر ابتسم : ننتظر الحقيقة .
شهقت مُتذكرتة وب استغراب : نعم عرفتة ، من اين تعرفة ؟!.
جابر بفحيح : انتي من اين تعرفينة ؟!.
هيلداً ابتسمت : انا لا اعرفة .
صرخ جابر ناطقاً بالعربية : ي حيوانة تستهبلين ؟! .
هيلداً : ماذا ؟.
جابر بغضب وعيناه تشتعل : ماعلاقتك بة ؟!.
هيلداً ببتسامة عريضة زينت ثغرها الاحمر : انا حقاً لا اعرفة ، لكن رايتة يوماً ما مُتعباً وعرضت عليه المُساعدة ، واعطيتة كرت ارقامي حتى نتعرف اكثر .
وبخيبت امل : لكن لم يُعرني اي اهتمام حتى لم يتصل .
جابر بتفكير : لكن رايتة بمطار السعودية يحمل كرتك ، هل هُناك رجل يحملها من بريطانيا لسعودية وهو لا يرغب بها .
اتسعت عيناها : حقاً ؟!.
اقترب الحارس هامساً : سيد جابر ، عائلة العايد سيعودون لبلادهم .
انتفض جابر واقفاً : متى سيعودون ؟!.
الحارس : العاشرة مساءاً .
نظر لساعتة التي تُشير لرابعة عصراً : قوم بالحجز لي معهم بنفس الطائرة .
ابتعد الحارس رافعاً هاتفة : حاضر سيدي .
تحرك جابر : كُنتي مضيعه للوقت فقط .
هيلدا لحقتة وبهدوء : هل فعلاً السيد انس يمتلك كرتي ؟!.
جابر استدار لها وب اشمئزاز : فعلاً ، لكن ماذا يُريد منك .
هيلداً بغرور : ان يُقيم ليلة في احضاني .
انفجر ضاحكاً : هل العرض فقط لسيد انس .
اقتربت بخبث : لا ، العرض لبني جنسة .
جابر عاد وبقرف : لا تحلمي بالاقتراب مني .
هيلداً بصدمة : لماذا ترفضني ؟! .
جابر بعينان حالمة هتف ببطء : لاني اُحب فتاة ولا ارغب في احضان غيرها .
هيلداً بغيرة : ومن هذه الفتاة ، وهل هي اجمل مني .
جابر ب استفزاز : اجمل منك بكثير فعيناها وشعرها ذو اللون الأسود .
واستدار جابر مُبتعداً ، وقف وملامح الصدمة ترسم طريقها على وجهه مما هتفت به .
هيلدا : هل هي اُخت السيد انس ؟ . !
جابر بغضب : ماهذا الجنون .
هيلدا وقفت امامة رافعتاً حاجبها الايمن : السيد انس يمتلك حادقتين باللون الاسود وشعره كذلك .
جابر ابعد عيناه : وهل نقول اخته ايضاً تمتلك نفس اللون .
هيلدا ببطء : لماذا توترت ؟! .
جابر بتافف : لم اتوتر ، هيا ابتعدي عن طريقي .
هيلداً مدت ذراعيها معترضة طريقة وبرجاء : انني ارغب بالسيد انس .
جابر بعدم فهم : ماذا ؟! .
هيلدا عدلت شعرها وب اعجاب : لقد احببتة ويكفي انه يحمل كرتي معة .
ضحك جابر وبسُخرية : متى م اتصل بك اخبريني .
هيلدا : واذا لم يتصل ؟ .
حرك جابر كتفية : لا اعلم ماذا تفعلي ، لكن الاجمل تقتلي نفسك .
صرخت بتذمر : ماهذا ، هل تسخر مني ؟! .
جابر ابتسم : نعم اسخر ، كيف احببتة بسرعة ؟! .
هيلدا : حُباً من اول نظرة .
ابتسم جابر بخبث وبدهاء هتف بالعربية : والله تبشرين به ، ومنك بنستفيد كثير .
اشار للحارس وبهدوء همس بعد ان جاوره : ابحث عن معلوماتها بشكل ادق , فهي ستبدا بالعمل معنا من اليوم .
..
ضغطت على زر التشغيل وبغضب : افتحوو .
اتاها صوت الخادمة من السماعات : اهلاً ؟ .
نطقت بسرعة : انا ناهد .
فتحت الخادمة وببتسامة : اهلاً سيدتي .
ناهد دفعتها وعيناها تبحث عنة : وينة ؟! .
الخادمة : من ؟! .
ناهد صرخت : يعني من يكون ، السيد حمد ؟! .
الخادمة بتوتر من صُراخها : انهُ في مكتبة .
تحركت وبعينان اشتعلت : شغلك عندي .
لحقتها الخادمة وبخوف : سيدتي لا يمكن لك ان تدخلي الا باذن .
نطقت وهي تفتح باب المكتب : مايحتاج , باخذ الاذن انا منه .
رفع حمد عيناه عن الاوراق امامة وببتسامة اشار للخادمة : خلاص روحي .
واكمل وعيناة تستقر في ناهد : ي هلا ي هلا من طول الغيبات جاب الغنايم .
ناهد بغضب : لا هلا ولا مسهلا .
حمد ب استغراب : عسى ماشر ؟! .
ناهد بوجه احمر : شر ي اختك شر .
حمد وهو الذي يفهمها عاد بظهره للكرسي خلفة : وش سامعة بعد ؟! .
ناهد : وش قايل لجابر ؟! .
حمد بملل : وش قال لك ؟! .
ناهد بغضب لازال مُسيطر عليها : من قبل امس وانا على اعصابي .
واكملت : جابر جاي يسالني عن بنت الجابر ، وعذره انه لاقي جريدة في مكتبك .
حمد بقلة صبر : وليش يكذب ويعطيك اعذار .
ناهد اقتربت وبفحيح : لو مايكذب كان بيقرا ان عمة زياد الراشد هو اللي قتلها .
صرخ حمد : اسكتي لاحد يسمعك .
ناهد : لا ماراح اسكت ، انا ماراح اشوف الظلم والقتل والخراب قدامي واسكت .
وببكاء : كل شي ولا جابر ي زياد ، انا بقدر اتحمل كل شي الا انك تدخل جابر بمواضيعك .
وقف واشار لها : اطلعي .
ناهد : تطردني ؟! .
حمد فتح الدرج واخرج سلاح واشار به ناحيتها : اطلعي .
سقطت باكية : اعرفك تسويها لانك نذل من يومك .
حمد وقف فوق راسها وبفحيح : لاتدخلين بيني وبين جابر .
رفعت عيناها وبحدة : لا اتدخل فيك صح ، بس جابر استحالة .
سحب ذراعها رافعها له : ناهد متى بتعقلين ؟! .
دفعته وبقرف : مفروض تقول كذا لنفسك .
حمد بعينان اشتعلت صرخ : تراني ساكت عنك عشانك اختي ، ولا تصرفاتك مهيب عاجبتني .
ناهد صرخت : وانا ساكتة عنك تدري ليش ؟!.
همست بقهر وغيض : عشان جابر بس ، مابي اصدمة ب عمة اكثر .
حمد رفع السلاح : لاتخليني اسويها .
ناهد تحركت مُبتعدة : قد ذبحت زوجتك ، ماستبعد تسويها .
حمد بفحيح : زين انك عارفة .
سقط سلاحة بعد خروجها هامس وهو يرجف مُتذكراً الماضي بإلم : ليتني ذبحتها صدق ، ولا اعيش كذا ضايع .
في الماضي قبل عشرين عاماً من هذا اليوم .
شهقت وهي تشعر بفوهت السلاح بجانب راسها واتاه صوتة : وين اريان ؟! .
منال بقوة وبهدوء جلست : في غرفتها ؟! .
صرخ وهو يسحب ذراعها متجهاً بها للغرفة المجاورة لغرفتهما : تستهبلين فوق راسي ؟! ، البنت مالقيتها بفراشها .
منال بتمثيل مُتقن : انا متاكدة انها بسريرها .
شهقت وهي ترى السرير فاضي : وين راحت بنتي .
سحبها من ذراعها : دوريها الله ياخذك مو وقت تختفي البنت .
منال ب رجفة سحبت ذراعها : طيب شوي شوي ع يدي .
بدت تبحث بخوف اصطنعته ، بعد دقائق سقطت في منتصف الصالون صارخة : بنتي ي زياد دورها .
صرخ : احد ينام وبنته مالها اسبوع بعيده عنها .
منال بتوتر بدت تبكي : مدري مدري .
اقترب زياد وبعينان اشتعلت : ادعي مايكون لك يد بالموضوع .
منال برجفة وبكاء : تشك فيني وهي بنتي .
صرخ زياد : اليوم لازم تكون موجودة ، طلعيها لي من تحت الارض .
منال بضعف : لية اليوم بالذات ؟! .
اقترب دافعاً لها : وش دخلك ؟! .
سقطت وبإلم تحاملتة ووقفت : زي ماهي بنتك هي بعد بنتي .
زياد نطق بصُداع داهمة : اريان ماهيب لنا ، راح نجيب غيرها كثير .
صرخت : انت مجنون ، هذي بنتنا كيف راح نجيب غيرها .
صرخ هو الاخر : منال ، البنت طلعيها لي ، مستحيل اختفت من الباب والطاقة ، اكيد انك مخفيتها .
منال بقوة وصرامة : وش بتسوي اذا انا اخفيتها .
زياد : قسم بالله اقتلك اذا كنتي فعلاً مخفيتها ، الرجال ينتظرني .
منال برجفة : تبيع بنتنا ي زياد ؟! .
نظر لها بصدمة وبتبرير : من كاذب عليك ؟! .
منال اشارت لاذنيها : ماحد كذب بس انا سمعت .
نظر لها وبغضب : يعني تعترفين انك اخفتيها .
منال حركت راسها : لا ، بس سبحان الله يمكن ربي يبي ينقذها من تفكيرك الوصخ .
زياد : انا ابوها لاتخافين ، طلعيها لي .
منال بقلة صبر : اقولك البنت مدري وينها .
رفع السلاح وبغضب : تكلمي وين البنت ؟! .
منال بقوة وثبات : مدري .
زياد : طلعي البنت .
منال بهدوء : قلت مدري .
زياد بعينان راجية : مابي اسوي لك شي ، طلعي البنت .
منال ابتسمت ب استفزاز : تحملتك كثير ، يلا اقتلني ، قبل تقتل بنتي .
اشار لها بالسلاح وبتهديد : منال لاترفعين ضغطي .
صرخت منال وعيناها تستقر خلفه : لاااااااا .
لم تُكمل حديثها وهي تعود خطوة للخلف وتسقط صارخة بإلم : بنتنا ي زياد .
سقط السلاح وعيناه على الدم الذي بدا يتكون على ثيابها من ناحية قلبها ، استدار براسة وبصدمة نظر لشباك الضخم المفتوح وشخص ابتعد هارباً صرخ : امسكوة .
اجتمعو الخادمات على صُراخة وهو يحملها : دقو ع الاسعاف .
نزلت ناهد بخطوات واسعة من صوت الصُراخ في الاسفل وتصنمت قدماها مماترى .
الخادمة اقتربت منها بُبكاء واشارت لسلاح المُلقاء ارضاً : السيد زياد قتل السيدة منال .
سقط مغشياً عليها من هول ماسمعت .
..

..
جلست وبملل : مليون مرة اروح لها ورافضة تفتح .
ام مساعد : خلاص خلوها براحتها .
ابو مساعد وقف : لا وش نخليها براحتها ، تبينها تذبحها نفسها من الهم .
لحقتة اثير وبهدوء : طيب ليش عمي ماقال لها ؟! .
واكملت بضيق : ترى هو قال لي انا واسير .
استدار لها وبتنهيدة حاول ان تُخرج الهم الذي يحمل : لانه عارف انها بتسوي كذا ، ماراح تتقبل الامر وتحط في راسها امل ان الله يشفيه .
اثير جاورتة بالسير وب استفهام : وفيه امل بشفاءه ؟! .
ربت على كتفها ناطقاً : ايه فيه امل ان شاء الله .
ابتسمت : الحمدلله .
سكتت على صوت والدها وهو يطرق الباب : وتين ي ابوك افتحي .
ابتسمت بعينان ساخرة والباب ينفتح بعد ثواني ليست طويلة : تفتح لناس وناس .
همس والدها : ابي اكلمها لحالي .
ابتعدت بخطوات مُتاففة : شكراً ع الطردة .
فتحت الباب وبملامح تقشعرت من برودة الغرفة : وش ذا .
سحبت اللحاف وبصُراخ : اصحي ي بنت الدنيا ظهر .
اسير بتذمر : اثير بلا سماجة جيبي البطانية .
اثير بتافف : انتي اللي بلا سماجة الجو متكهرب تحت ومافيه احد يجلس معي غيرك .
جلست وبعينان مليئة نوم : كلمي لُجين تجينا العصر .
ابتسمت اثير : ي خطيرة وش ذي الفكرة .
رمت اللُحاف وهي تقفز لهاتفها ، استلقت وببتسامة بدت تبحث عن رقمها .
..
عبدالرحمن يُكمل ضاحكاً : قلت لها ي خالة لازم تجلسين علئ عربية العكاز مهب زين لك وانتي منكسرة وسحبت العكاز بغت تكفخني فيه .
لُجين بضحكة : كان خليتها براحتها .
عبدالرحمن يمسك بطنة من كثر الضحك : مايصير مهب زين لها ، اه ي بطني كل ماتذكرت شكلها .
عبير وهي الاُخرى تضحك : ليتها كفختك .
ام احمد : استغفرالله انتم وش تبون بالناس .
نظر عبدالرحمن وب استهبال : يمة انتي لو تشوفينها ، والله ان تضحكين .
لُجين : والله من كلامك كاني شفتها .
ام احمد نظرت له : الحمدلله اني ماشفتها .
لُجين همست له : لاتفوتك النظرات ، ترى يعني ناقدة .
عبدالرحمن همس : هي وش فيها .
ونطق هاتفاً بصوت مرتفع : يمة وش فيك ، انتي وولدك عندكم شي علمونا معك .
نظر لهم احمد وبطولة بال : متى بتسكت ؟! .
عبدالرحمن : انت وش سالفتك من اليوم ؟! .
احمد بتافف : تراني مو ناقصك .
عبدالرحمن ابتسم : تبيني اقول لك موقف ثاني ، عشان تضحك .
احمد بضيق : لا بكون شاكر لك لو تسكت .
نظر عبدالرحمن لهاتف لُجين الذي بدا يرن جانبة : لا اله الا الله مانتهنى بجلسة حنا .
عبير وهي تفهم قصدة : اثير ولا اسير .
عبدالرحمن بغيض حرك شفاهه : هو فيه اختلاف بينهم ، ليت خالتي دمجتهم ب اسم واحد وانتهينا .
بعيداً عنهم بدا يُراقب حديث لُجين مع اثير .
اتاه صوت والدته وهي تُريحة : عطيني اتطمن على وتين .
عبير بخوف : وش فيها ؟! .
ام احمد : يقولون تعبانة امس .
مدت لُجين الهاتف ناطقة : اثير تعزمنا عندهم العصر .
عبير بتفكير : ايه لازم نروح امي تقول وتين تعبانة .
لُجين ب استغراب : غريبة ماقالت لي اثير .
عبدالرحمن ساخراً : لية هي تقول شي مفيد ؟! .
سكتت لُجين وهي تلتفت لوالدتها بعد ان اغلقت الخط : وش في وتين .
حكت ام احمد ماقالت لها اثير وبضيق : الله يشفيه .
الجميع ب اصوات متفاوته : اللهم امين .
عبدالرحمن محاولاً تغير جو الجلسة الهادية : دامك ناشبة لي اخطب وحده من التوام ، ليش ماتخطبين لي وتين ، هدوء ورزانة ويكفي جمالها .
وقف احمد بملامح دكنت غضباً وهو يتخطاه متجهاً لاعلى .
نظر له عبدالرحمن وبصدمة : وش فيه ؟! .
لُجين بملامح بهتت : يمة اول مرة اشوف احمد كذا .
عبير هز كتفيها : علمي علمكم .
ام احمد بتوتر وقفت : اخوكم متضايق شوي من الشغل ، لاتضايقونة اكثر بسوالفكم .
عبدالرحمن ب اشمئزاز : الا اخو مريض ، اخلعني وراح هذا فايدته .
مالت لُجين ناحيتة هامسة : ي حبي لك ، لاتنسى موعدنا العصر .
دفعها عبدالرحمن : والله ماوديك ولا تفكرين .
ضحكت عبير هاتفة : لاتحاولين ، دامة حلف .
صرخت لُجين واقفة : وانت كل شوي تحلف ، خل منك فايدة ، ولا جيبو لنا سواق يودينا ويرجعنا .
عبدالرحمن اتكى بظهره على الاريكة خلفة : والله انا ماعندي مانع ، لو تبين عشر سواقين ، بس قولي لاخوك .
لُجين بتافف : خسارة السنوات الاربع ، اللي جلسها في الخارج .
وخرجت تُتمتم بغضب .
نطقت عبير وهي تقطع الصمت : شفنا اخت ماجد بحفل ام ابراهيم .
رفع عيناه عن هاتفة وبتسائل : اخت ماجد العايد ؟!.
هزت عبير راسها : ايه .
اتسعت عينان عبدالرحمن : بالله وش رايك فيها ؟!.
عبير نظرت له بصدمة : وش ذا السؤال .
عبدالرحمن هتف غامزاً : بخطبها .
عبير بملامح مصدومة : تتكلم من جدك ؟! .
نظر لها بخبث : ايه وش فيها ؟! .
عبير بتفكير : وولد عمها مهيب له ؟! .
ابتسم عبدالرحمن مُتذكراً انس : عاد لاتاخذين الوضع جد كنت امزح .
ورفع هاتفه مُشيراً بعينيه : ولا كلمة بكلم انس .
وقفت مُتذمرة : ماتنعطى وجه .
نظر لقفاها المُبتعد وهمس مُقلدها ب اشمئزاز : ماتنعطى وجه .
ابتسم بعد ان اتاه صوت انس النائم : الوو .
هتف : ارحبو مليون .
ابتسم انس : المرحب باقي .
عبدالرحمن ب استغراب من صوتة : انت نايم ؟! .
انس غطى عيناه بذراعة الايسر : متصل عشان تسال ؟! .
ضحك هاتفاً : لا قلت اعزمك تتقهوى العصر عندنا .
انس بغيض : مصحيني من النوم عشان تقول كذا ؟! .
عبدالرحمن : الصدق انك جيت ع بالي وقلت اتطمن عليك واشوف اخبارك .
واكمل وهو ينظر لساعتة : الحين الساعة ثنتين ونايم ؟! .
نهض بسرعة واشغل اضاءة الابجورة جانبة : اما ثنتين .
فتح عيناه ع اتساعها هامساً : بسم الله .
عبدالرحمن بخوف : وش فيك .
ابتسم انس وهو يسحب الوسادة من خلفة ويرميها ع النايم ع الاريكة امامة : لقيت ماجد نايم عندي .
جلس ماجد صارخاً بعد ان ارتطمت الوسادة بصدرة : ماتخلي احد ينام عندك .
انس : صل صل .
ابتسم عبدالرحمن مُقاطعاً لحديثة : تعال ليكون نسيتيني ع الخط .
انس ابتسم : لا وين انساك ي النشبة .
عبدالرحمن بُحب تنهد : اعرفك تموت فيني .
انس : لاتصدق نفسك ، يلا قفل بقوم اصلي وعندي مليون شغل .
عبدالرحمن بتذمر : يعني ماراح تجيني ؟! .
انس ببتسامة : الا انت تعال لي الساعة 9 في مقهى **** معي ناس بيعجبونك .
ابتسم عبدالرحمن : هذا الكلام الزين من اليوم
انزل هاتفه جانبة بعد ان اغلقه ووقف ساحباً بجامتة وارتداها بسرعة صارخاً : قوم .
ماجد بحدة : راسي مصدع ، بنام شوي .
انس سحب اللُحاف : وش جايبك عندي .
ماجد جلس رافعاً نظرة له : طردة .
اتجه للخزانة : لا افا عليك ، بس مستغرب .
ماجد حاوط راسة بكفية محاولاً تخفيف الصُداع وهو يتذكر جملة ابرار : انا مو جاهزه .
واكملت برجفة : ولا راح اكون جاهزه .
زفر بغيض محاولاً محي صورتها .
انس اقترب باسطاً كفة : هاك مُسكن .
سحب الحبة وبلعها واتجه ناحية الحمام .
انس صرخ : مجنون اشرب موية .
اغلق الباب بقوة مُعلنن شدة غضبة وصُداعة .
انس بصوت عالي : لاتنام بالحمام .
انحنى على هاتفة ورفعه ضارباً جبينة وهو يتصل على راكان .
..
راكان يتكي براسة على فخذ والدته : ايه هذا الاسترخاء لا شغل ولا وجع راس ، دلكي هنا يمة .
ام علي وهي تُدلك المكان الذي طلب : ماودك تفرحني بعيالك .
رفع نظره لها : الحين علي وفهد وين راحو ؟! .
ام علي دفعت راسه : قوم قوم ، اني عارفة ماراح تفرحوني فيكم .
اريان انحنت بصينية القهوه التي تحمل ووضعتها ارضاً : وتركي وين راح .
راكان ابتسم من دفعها له : واريان صادقة ، تحرميني من التدليك الزين ، عشان موضوع تافة .
ام علي بضيق : وانتم شايفين زواج تركي وهاجر زواج زي الناس والعالم .
نجلاء اوقفت طفلها بعد ان شبع من الرضاعة ودفعته يمشي : وش في زواجهم ؟! .
ام علي سحبت الصينية : امسكي ولدك ، لا يلعب بالمعاميل بس .
اريان سحبتها منها : عنك يالغالية .
نجلاء اجلست الطفل في حجرها وسحبت فنجان واعطته اياه : حلال ابوه واجد بنشتري لكم .
نظر لها راكان ساخراً : ي ماشاء الله ي حلال ابوة .
نجلاء بقهر : انت ماعندك دوام ، يومك مقابلني ومستقعد لي .
راكان بخبث ساخراً منها : لا ، عاد وانتي الصادقة لو عندي ماقابلت وجهك .
ونطق مُشيراً لاريان : اعطيني قهوه اريح راسي من بربرتها .
ابتسمت اريان : ابشر .
نجلاء بقهر زاد : هاه يمة ارجعي لموضوع الزواج ، عشان يعرف بربرتي صح .
راكان ابتسم مُتذكراً نورة : اذا اللي ابيها بتزوجوني اياها ف زواجي الليلة .
صفرت اريان ب اعجاب وغمزت ناطقة : منهي بالله ؟! .
تنهد راكان تنهيدة طويلة : خليها ع ربك .
نجلاء بجد : اذا في راسك وحده علمنا .
ام علي نظرت له بعينان ناقدة : وانتم مصدقينه .
راكان ابتسم بضيق اخفاه : هاه شوفو امي عارفة اني مابي الزواج .
ام علي قاطعه الجدال العقيم بنظرها : الا وين اخوك تركي ؟! .
هتفت اريان فوراً : سهران مع سيف مانامو الا متاخر .
ام علي ب استفهام : سيف راقد عندنا !؟.
نجلاء مدت يدها لفنجانها : صح النوم ييمة .
همست اريان لوالدتها : ايه يمة ترى هاجر تبي حاجيات واغراض ، وتعرفين ماهيب رايحة لبيتهم تجيبها ، فخلي ولدك النايم يودينا لسوق .
هزت ام علي راسها : طيب .
نجلاء بفضول : وش تقولون فيني .
ضحك راكان : مانتي واثقة بنفسك ؟! .
نجلاء بتافف عدلت جلابيتها : والله لو واثقة بنفسي ، بذي العائلة مابة ثقة .
ضحكت اريان : والله مانتكلم فيك ارتاحي .
سكت الجميع وانظارهم تتجه جميعاً لهاتف راكان الذي دوا صوت رنينة بالمجلس .
نجلاء ارخت نظرها بعجلة وهي تلتقط الاسم من الهاتف الذي كان بينها وبين راكان : من انس العايد ؟! .
راكان سحب الهاتف : واحد ماتعرفينة ي ملقوفة .
ام علي بتفكير : مهب ذا اللي جايب خيولة بمزرعة ابوك .
ابتسم راكان : ها شوفي امي تعرفة ، خليها تعلمك منهو .
اريان بصدمة نظرت له ، وهو يُجيب ع الخط : الو .
نطق بعد مدة : لالا مو اليوم ، بكرة الموعد ، ماقدرت اليوم وكان عندي اجازة .
اجاب بعد صمت دام ثواني : مع الاهل الحين اكلمك وقت ثاني .
ام علي ب استغراب بعد ان اقفل الخط : وش يبي ؟! .
راكان بهدوء : شغل وماشغل ؟! .
اريان بتسائل : تعرفة زين ؟! .
راكان بعدم مُبالاة : توني من كم يوم تعرفت علية .
اريان : وش يبي منك ؟! .
ابتسم راكان غامزاً : شغل خاص .
اريان بتردد : هو صدق سعود خويك ولد عمة ؟! .
هز راسة راكان : ايه .
نجلاء مُتذكرة شكلة : عاد ماشاء الله يوم شفتة ، ماتوقعته كذا صغير ويهتم بالخيول ، الا وين ابوة ؟! .
راكان ب اجابة قصيرة : تعبان ويعالج بالخارج .
الجميع ب اصوات مُتفاوته : الله يشفية .
اريان ببتسامة مُتناسية المدعو انس : عاد ودي اشوف خيول بالحقيقة .
ابتسم راكان ناهضاً : ابشري من يوديك لها ، بس افضى .
اريان ببتسامة عريضة زينت ثغرها : فديتك والله .
رمى هاتفة : اشحنية طيب.
اللتقطتة ووقفت : ابشر بعزك .
اوصلت فيه سلك الشاحن ، اتسعت عيناها بعد ان راته مفتوح ، واستدارت باحثة عن راكان ، انحنت عليه بعجلة وبعينان خبيثة بحثت عن رقم سعود : ماتوقعت اني اوصل لرقمة بذي السهولة .
خلفها ام علي : بدل ذي الهذرة شوفي وين البنات مختفين .
نجلاء شربت فنجانها ب انزعاج : يمة ماهم بصغار ، كل شوي اشوف وينهم .
..
تاففت وهي تسحبها وتُغلق باب الحمام عليهما : وش فيك تاخرتي ؟! .
الجوهرة برجفة اخرجت الظرف من صدرها : كلي تبن يالله اني قدرت اطلعة من الدرج واسيل ماتشوفني .
روان سحبت الظرف : وش تتوقعين مكتوب فية .
الجوهرة بصوت قد ظهر الخوف فيه : كنت متاكدة مو من العنود لما لقيتها تراسل بالقروب .
روان فتحت الظرف ونظرت لها : الحمدلله انك ماكتبتي لها .
زفرت بقوة ناطقة : اي والله ، يلا اقري .
روان فتحت الظرف وبعينان مصدومة مماكتب : وش قصدة ؟! .
الجوهرة سحبت الظرف : وش كاتب الدب ؟! .
صرخت ناطقة ماكتب بقرف : ادعي لي تدرين ليش ؟! ، لاني ماقلت لاخوك .
روان : يهدد ذا ولا ايش ؟!.
الجوهرة زفرت ب ارتياح : اية مسوي يهدد بس يعني وش يقدر يسوي .
روان بملامح جدية : احمدي ربك ماقال شي لتركي .
الجوهرة قطعت الرسالة قطع صغيرة ورمتها بحاوية القمامة جوارها : يفكر يقولة بس بذبحة .
ابتسمت روان فاتحة الباب : تخيلي تسوينها .
شهقت برعب بعد ان ارتطمت ب هند .
هند بصدمة وهي تنظر لخروج روان والجوهرة خلفها وبشك من شهقتها : وش تسوون بالحمام ؟! .
روان بتوتر : يعني وش نسوي بالحمام ؟! .
هند فتحت عيناها : هية انتي وياها وش تسوون صدق بالحمام .
الجوهرة ابعدت روان عن طريقتها وابتعدت : كنا بموضوع خاص وخلصنا .
خرجت اسيل من الغرفة المجاوره : وش فيكم ؟! .
روان بضيق من عينان هند : مافينا شي .
هند حاوطت خصرها بذراعيها وهي لازالت بملامح صدمة : تعالي شوفي خواتك وش يسوون .
روان بتافف :خلاص ياخي كان عندنا موضوع ودخلنا الحمام نتكلم فيه .
اسيل ب استغراب : مافيه غير الحمام .
روان بتبرير وهي تدعك رقبتها : تقدرين تقولين .
صرخت الجوهرة من بعيد : مالكم دخل ، ولاتستقون ع روان ماراح تعلمكم بشي .
تخطت هند روان قاصدة الحمام وبتذمر رفعت صوتها حتى يصلها : متى تروحون بيتكم ؟! .
تنهدت روان ب ارتياح وهي تبتعد عنهم .
..
مشط شعره بهدوء بعد ان لبس ونزل بخطوات واسعة مُتنحنح .
اتاه صوت نورة : تعال مافيه احد .
اقترب مُقبلاً راس والدته بود : كيف الغالية اليوم ؟ .
ام ماجد بتنهيدة : ماعليك مني ، انت شفت اخوك ؟! .
سعود بهدوء وهو يفتح الجوال المُغلق : لا ماشفتة ، وجوالي من طفئ شحن ركبته بالشاحن ولا شغلتة .
نورة مدت فنجان القهوة : متاكدة عند انس .
نظر لوالدتة : كلمتي انس ؟! .
ام ماجد بتافف : ماكلمت انس ولا راح اكلمة ، وبقلعته .
ابتسم سعود : مين اللي خايف ويسال .
ورفع حاجبة ب استغراب : وانتي كيف رضت عليك .
نورة بضيق : خلها ع ربك .
ام ماجد مدت الفنجان : البنت تسمع كلام امها .
سعود عاد بظهره للخلف : الله يعين البنت عليكم بس .
نورة مُغيرة مجرى الحديث : الا وش ذا النوم اذن العصر وانت للحين نايم .
سعود مسك راسة : مدري والله ، ماحسيت بنفسي .
نظر ب استغراب لعدد المكالمات من وكيل التحقيق : وش فيه ذا .
ام ماجد بخوف : وش في اخوك ؟! .
سعود رفع نظره وبهدوء : مهب اخوي .
ام ماجد : لاتكذب علي .
سعود : بس مُديري بالشغل .
ام ماجد بخوف رسم طريقة ع ملامحها : قول الصدق .
سعود وقف مُمدداً لها هاتفه : والله يمة مافيه شي واكيد عند انس ، دقي ع انس وشوفية ، وذا مديري تبين تشوفين ؟! .
ام ماجد رفعت هاتفها وبدت تبحث عن رقم انس : لا . ..
ربطت حزام الامان برجفة ورفعت كفيها مُعدلة حجابها .
ام انس همست لها : وش فيك ؟! .
شادن امالت راسها لكتف والدتها وبضيق : ابي انام ، مو قادرة اغمض عيني .
وضعت ام انس كفها وبدت تقرا عليها ماتيسر من القُران .
فتحت عيناها بعد دقائق قصيرة ب استغراب وهي تشعر انها تشُم رائحة عطر ذلك الشخص : يمة ابي نقابي .
ام انس همست : اذا طارت الطيارة اللبسية .
ابعدت كف والدتها وبهدوء عدلت جلستها بعد ان سمعت صوت والدها : الكرسي الثالث بيكون فاضي اخذو راحتكم انا بروح مع سعد ورا .
شادن بصوت ضايق : يبة انا اسفة .
انحنى وقبل جبينها : مافيه اغلى منك بالدنيا .
نظرت لوالدها حتى ابتعد واستقرت عيناها في من ينظر لها في الكرسي المُقابل لهم ، وابتسم وهو يُنزل نظره للخاتم الذي يتوسط بنصرها .
..
.
.
..( نهاية البارت الثاني والعشرون )..

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت يمناك
طرح جميل جدا

يعافيك ربي على زاويتك الراقيه
وشكرا لَطـــرحك المُميز وإِختيارك الرائع
’’
عبق الجُــــــوري لـ رُوحِك..’

هطول ثري
وطرح رائع يشُع منه التميز
لشخصيه عذبه أكثر تميز

يسلمو ع المرور

يسعد لي مسااااااااااك

وتسلم الأناااامل على هيك

صفحة جميلة ورائعه كما تعودنااااااك


يعطيك العااافيه


وشكر لك

يسلمو ع المرور