 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
03-22-2018
|
||||||||||||||||||||||||||||||||
|
||||||||||||||||||||||||||||||||
بالهداوه يا دوا المشتاق خذني بالهداوه الفصل السادس عشر
البارت (( 16 ))
شوي ما حست بعمرها الا تربع خاري وتزقر حد... لكن ما لقت حد.. حاولت ادور تليفون... سلامي (( تليفوني وين.. وين... يا الله وقته..لنيه بتمووت وانا اللي يالسه ادور هالتلفون.. عنبوه ولا واحد احصله هنيه... يالله.. حتى لو فيها امل اتعيش ما بتعيش.. بسبب انه محد هنيه.. لا حول )) وتمن الافكار في راسها.. وكان اصلا التليفون بين عيونها بس من الروعه ما شافته وهي يالسه تتحرطم انه ما شي تليفون.. >>> وين عيونها... ومن كثر ربعانها.. داست شي.. وعقها.. سلامي (( يالله وقته الحينه وقته ادوس شي ويعور ريولي.. لا حوووول... اووووه هذا تليفون... هي تليفون ...)) ومسكته ولا تدري تليفون منوه وما عرفت تتصل على منوه وجان تتصل بمنصور... لانه هو يدري انه ودوم ركبت الخيل.. سلامي (( يالله بعد هذا ليش ما يرد... افففف... شو اسوي لبنيه بتروح منا... يالله ودوووووووووووم )) عبادي : انته وين سرت كل هذا ماي... عنبوه جان ما جف الطوي والسبه انته.. منصور : جب يالله اقول بطني اشعنه اتعورنيه وكل ما اشرب طشونه شرقت ثره في خاطرك.. يا اخي جان قلت انك تبا ماي.. عبادي : هيه غير السالفه... منصور : وين حمد.... عبادي : يتسابق فيا سيف.. منصور ضهر تليفونه يبا يسويله.. منصور : اووووه حد مسولي.. )) وفج يبا يطالع الرقم ((... هذا رقم منوه ومتى اتصل... اوووه الحينه متصل.. ما سمعته.. )) وشوي ولانه ثاني مره نفس الرقم داق (( عبادي : ها منوه منصور : نفس الرقم.. عبادي : انزين رد عليه مرتين الحينه متصل... منصور : لا برايه ما فيه.. المووهيم.. سلامي (( يا ربييييييييييه هذا بلاااااااااااااه ما يرد عليه... )) وسارت صوب ودوم واتحاول اتقومها ولا اطالع شو فيها.. وردت تتصل مره ثاني.. منصور : اوووووووهووووو صدق ازعاج.. عبادي : يا اخي رد سبحان الله يمكن شي مستوي.. رد.. منصور : هزرك.. عبادي : اونه هزري.. نا تبا اترد هات انا برد.. منصور : لا انا برد.... مرحبا.. سلامي : والعثره ان شاء الله لبنيه ماتت وانته ما اترد.. منصور : ؟؟؟؟؟؟؟؟؟؟؟؟ انتي منووه... سلامي : يا السبال شو انا منوه... انا ختك... منصور : لا اختي انتي مغلطه منوه اتدورين...>>> ما عرف صوت سلامي .... لانها اتصيح ومتروعه وكل بلى فيها سلامي اتروعت يوم قالها مغلطه وجان اتسكر في ويهه سلامي (( معقول اني مغلطه ودقيت الرقم غلط... ما انلام هالدموع اللي في عيوني ما خلتني اطالع زين.. يالله )) سلامي وهي اتصيح ودموعها يطيحن على ودوم : ودوووووم ... ودووووم نشي لا اتموتين.. دخيلج لا اتموتين...ودووووووووووووووووووووووووووووووم... وردت ثاني مره تتتصل على خوها... منصور : اووووووهوووو.. خلاااص قلت لها مغلطه.. بللاها... اكيد تبا اتعرف.. عبادي : نفس الرقم اللي من شويه رمستك.. منصور : هيه... عبادي : انزين اتعرف.. شو فيها... منصور : صبر.. مرحباااا... سلامي : منصوووووووووووور... منصور (( والعثره اتعرف اسميه )) : ختيه غلطانه انتي.. سلامي : انته هب منصور بن سالم.. منصور : هيه نعم.. سلامي : يا السبال عيل ليش اتقولي غلطانه.. منصور : انتي منوه..؟؟؟؟ سلامي : اونك ما عرفتنيه.. الحق ودوم ماتت.. الحق.. منصور : سلامي...!!!!! سلامي : وقتك انته الحينه ... هيه تعال .. الحق بس لا اتخبر حد دخيلك... منصور : شو بعد استوابها..خليها ويا عنادها محد قالها.. سلامي : قسم بالله يا منصور انه لبنيه ما اتنفس وما اتحرك.. الحق دخيلك يعلني الموت جاني اجذب عليك ولا اغايضك... منصور : شوووووووووووووووه... صدق ولا تجذبين عليه.. سلامي : وين بجذب عليك وانته ابروحك شايفنها... هاه... دخيلك الحق.. وفر منصور التليفون من سمع رمست سلامي بدون شعووووور واول مره يسوي جيه.. اول مره يحس بهالاحساس... اول مره يطير عقله... وربع بليا ذهن... عبادي : منصوووووووور حووووووووه... منصور ولا رد عليه وسار صوب سيارته... وشغلها وطار صوب عزبة بو محمد... وفج الباب ونزل ولا سكره. وربع داخل....وبليا ذهن... منصور : سلااااااااااااااااااااااااااااااااااااامي >> بكل ما فيه من صوت في احباله الصوتيه ^_* سلامي متيه صياح ولا رامت اتشوف خوها زين لانه عيونها فوووول من الدموووع... منصور : وينها... )) وجان اتأشرله عليها... وسار صوبها ونزل عمره عليها وحاول يقومها.. (( منصور : ودوووم.. )) وحط ايده على خشمها يبا يطالع في نفس ولا لاء... (( شوي ولانه منصدم انه لبنيه ما في نفس.. او نفس متقطع... وبدون شعور مسكها وشلها كما الزلمات.. وربع ابها بدون احساس الى الرنج مالته وحطها عداله يعني يلسها جدام... ويسدح الكرسي ويخلي الكنديشن صوبها وباغم على سلامي ... منصور : سلااااااااااااااااااااااامي والعثره... تعالي يالله بنسير انقفضي.. سلامي : وين بسير وانا هب لابسه عباه ولا شياته... منصور : وشو الترين... سلامي : عباتي هناك في عزبتنا... منصور: ركبي انزين بوديج يالله...)) وسارت تربع وركبت ورى منصور .. وركب منصور..(( منصور : هوي عليها ..... سلامي : انزين.... المهم.. وسار مسرع وغبار السياره طاير فياهم.. تراهم يمشون على الكدش...)) كدش = شارع غير معبد ومكون من طين و حصا منطحن تقريبا ..... لونه ابيض تقريبا.. و كلمة كدش تسميه محليه للبدو واهل الامارات وطبعا الكدش متواجد اكثر شي فالبر وعند العزب ((... ويوم وصلوا عزبتهم.. منصور : والله ان اتأخرتي بعمرج والله لدعمج وخلاف بسير الدختر.. سلامي : ما ببطي عباتي عند الباب...)) وسارت وما شاف غير غبار ريولها.. من السرعه اول مره اخته تربع جيه (( وطاروا صوب تواااااااااااااااااااااااااااااااااااااااااااااااا اااااااااااااااااااااااااااام حمد : بلاه منصور ليش جيه مسرع..؟؟؟!!! عبادي : ما ادريبه سار عني ولا قال شي.. حمد : اكيد شي مستوي.. ولا ليش بيمشي جيه مسرع... عبادي : بسويله...)) وسوا له لكن منصور ما رد عليه يفكر بودوم.. ومسرع (( حمد : هاه .؟؟!! عبادي : ما يرد... اتصدق.. بديت اشك.. حمد : وانا بعد.... ومنصور كان يمين يسار عالشارع .. يجاوز هذي السياره وهذيج السياره وحتى لو زحمه ما يسوي سالفه...واذا اشاره حمرا يخطف منها... ولا يسوي سالفه لاي حد.. ومن الخاطر مسرع... ومتروع على ودوووووم... ودوووووم كره حياته.. خااااااااااااااااااايف عليهاااااااااااااااااااااااااا... خااااااااااااااااااااااااااااايف لانها ما تتنفس.. ويوم اتجاوز دوار الديوان.. لف يطالع ودوم... منصور : شو فجت عيونها ولا ؟؟؟؟ .. تتنصخ ؟؟؟ سلامي : تتنصخ شوي وتقطع.. بس عيونها لا ما فجتهن.. منصور يحاول يعدل المكيف ويخليه صوبها... والله سلمهم ما اندعموا لانه كان مسرع وقابض السكان بايد وحده والايد الثانيه عند المكيف وونظره صوب ودوم... سلامي : حاااااااااااااااااااااااااااسب... منصووووووووووووور.. وتم ما يشوف حد جدامه الا مستشفى تواااااااااام... >> اسميني ما اداني المستشفيات.. اخخخخخخ الموووووووهم... جنه كانت الشرطه خاطفه وشافت واحد خبله مسرع بالله وبغير الله.. طاير كما الصاروخ السريع... وجان اتشغل اللواحات.. وترد وتلحق الرنج البيضا اللي عليها رقم احمر ثلاثي..>> اتحيدون كان قبل عليها رباعي بس شلاه وحطاه على النيسان وحط الثلاثي على الرنج.. والشرطه يالسه تلحق راعي الرنج.. واتحاول اتوقفه.. وراعي الرنج هب مسوي سالفه .. وخاطف.. سلامي : خييييييييييييييييبه الشرطه ورانااااااا... منصوووووووور الحق.. ياااااااااا ويلي... يالله منصور يطالعهم من المنظره ومطنش لو ما يبا يطنش بس ما يروم يوقف لانه لبنيه بين الحياه والموت والطيحه اللي طاحتها هوب سهله.. الا الله يسلمها... >> ادعولها بسلامه... سلامي : يااااااا ويييييييييييلناااااااااااا... منصور مفول وواصل حده يسد اللي فيهم : اص صه.. عنبوج.. اتولولين.. هبي... ما يخصج الله بينقذنا منهم.. سلامي استغربت من منصور... والمعنى في بطن الشاعر يعني مب لازم اوضح ليش استغربت ^_^.......... المووووهم وصل المستشفى وفج الباب حتى بعدها السياره ما وقفت وطف من السياره ربع يزقر حد.. والشرطه كانت محاصرتنه من كل صوب.. خاصه يوم شافوه ما وقف اتصلوا بربعهم.. وحاصروه في توااااااام وتوه بيضهر بيسير صوب السياره عسب ينزلون ودوم ولانه الشرطه نازلين من سيايرهم وياين صوبه.. ومسكووه.. سلامي مب متروعه.. الا ميته من الروعه...(( خييييييييبه ومسكته الشرطه .... يااااا ربييييييييه.. الله يستر.. )) طبعا منصور رمسهم وخبرهم انه لبنيه تعباااانه وايد وطايحه وما تتنصخ ابد ومن فتره وخايفين انها ماتت او بتمووت.. الشرطه ما صدقته ابد خاصه انه شكله واحد من الشباب الطايشين وقالوله بنشوف وبنتأكد خلاااف لنا شغل ثاني فياك وتموا مراقبينه ويلحقونه.. وخلوه يسير صوب السياره ينزل ودوم .. المهم نزلوها.. ودخلوها على وجه السرعه يتلاحقونها.. وعقب انتظار من سلامي ومنصور والشرطه ظهر الدكتور.. من عند ودوم وساروا سلامي ومنصور اللي ميلسينه الشرطه ويالسين عداله مراقبينه وطبعا سلامي كانت يالسه عدال خوها والشرطه عالصوب الثاني.. منصور : ها ددكتوووور... الدكتور : الحمدلله لو اتاخرتوا ثانيه جان راحت لبنيه منا.. او كانت حالتها خطيييره اكثر من الحينه... منصور : انزين دكتور الحينه شو حالتها.. خبرني .. طمني.. دكتور : ان شاء الله انها بتكون احسن الحينه زال عنها الخطر بس بعدنا مش متاكدين.. يبالها مراقبه.. لين ما يزول الخطر تماما.. ونتاكد انها ابخير .. عندها بنخليكم اتشلونها لكن الحينه بنخليها هنيه.. سلامي : الحمدلله... الموووووهييييييم... طبعا بعد تفاهم ورمسه مطوله مع الشرطه وبعد ما اتأكد انه لو اتأخر ثانيه جان راحت لبنيه.. وطبعا بعد ما رمست الشرطه الدكتور واتأكدوا من الاوراق... وبعدين قرروا بعد فتره طويييييييييييله انهم... انهم يلقون القبض على منصوووووووور نعم... بينسجن منصور والسبه كره حيااااااااااااااااته... كانت بتموووت... ذنبه انه فجأه خاااااااااااف عليهاااا وانقذها.... ذنبه انه فكره يساااااااااااعد روح كااااااانت بترووووح... لاااااا حوووول شو هالزمن اللي ما يقدر هالمواااااااااقف الانسانيه.. ولبنيه ولا تدري باللي صاير حواليها.. مسكييييييين حااااااالهااااااااااااااا وحكموا بالسجن على منصور وحجز سيارته.. بتهمت السرعه الزايده وتعدي الاشاره الحمرا وتعريض حيات الناس للخطر.. وتاهت سلامي بروحها ومحد عندها لا تليفون ولا شي والاهل فالعزبه... يالله.. هذي بتكون نهاية القصه.. هذي النهايه لبنيه مرقده والثانيه وحيده وضايعه بلا حد والثالث مسجووون وضايع شباااااااااااااااابه ومستقبله.. يالله.... لا اتصيحوووون مثلي... اتماسكوا.... ادعوووولهم ... لاااااا اله الا الله.... اتوقعت اكثر عن جيه... اتوقعت اتكون النهايه غيييييييييير يالله يا الدنيااااااااااااا.... قال من يشكو الى الله الامـــر... يـا مفرج هم من قلبه صبـــــور الرجا منك اليسر بعد العســـر... انـت يا علام ما تخفي الصدور طاش فكري طيش لطام البحر... والهوى شرعي تعلي به عبور ما ينام الليل من هيس السهــر... بات كن الشب في عينــه ذرور ما تفيده ونته قبل الفجــــــــــر... يوم كل الناس في الهيعه خمور آه يا من بات مشغول الفكــــر... ساهي ٍ لاهي ولا عنده شعــــور ماحد ٍ يشكي ويكي من البطـر... غير لي دولاب في كبده يدووور وان لعى الجمري على صوت الوتر... استهل الدمع من عيني احظور وان بغيته ينجلي عنك الكدر... لا تبالي كن على خلك جسوووور والختم صلوا على خير البشر... شافع الكونين في يوم النشوووور.. عد ما قال المولع فالسطــــــر... يا مفرج هم من قلبه صبوووور.. وسواااااااااااااااااااااااااااااااااااااااالم ^_^ ^ ^ قصيدة فتاة العرب (( ما ينام الليل )) >> طبعا ابيات مختاره من هالقصيده.. :::: ومنصوووووووور... اااااااااااااه يا منصور واللي صار لك انا محبوووس عن كل الاهالي.. وصدقاني مع اللي كان غالــي.. ومنهم جيت في منزل قبيـــــح.. بسجن ٍ منه يكره كل بالــــــــي.. وانا اصبحت في سجني مقيم.. ومن اجواد العرب كل ٍ عنالي.. وقدني عارف من لي صديق.. عليه صار ممنوع الخرووووج.. ومن وصل العرب ياعز تالــي.. على البيبان اقفال حديد... مفاتيحه لها من كان والــي... كذلك تايحات الدهر ترمي.. وفي الدنيا تغدر بك الليالي.. تراها كالرحى الدنيا تدور.. ولا تسعفك في كل الامالي.. وشي ٍ قدره ربي عليك... يصيبك لو تتقا في الجبال.. فقل في وقت ما تسطاب خيره ولا تكره بما بعطيك والي فلا انته عالم بما بكون ولا الاقدار تمنعها بمالي ولا يقول المرء انا مطيع وعند الله دون الناس غالي فما يكتب على غيره عليه كتب له ما يشاء خلاق عالي وسوواااااااااااااااااااااالم >> بعد من قصيدة (( الحبس )) للشاعر أحمد بن علي الكندي الله يرحمه ذا اند اوف ذا استوري ^_^ 
   
|
|
03-22-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ببباااااااااااااااااي...
وين تعااااالوا... بعدني ما خلصت كلامي اشعنه جيه مستعيلين.. طبعا كنتوا في برنامج صادووه للقصص الطويله ^_* هع هع هع هع هع... سويت لكم اكشن صح.. لووووول... تدرون يوني ابا اسوي فاصل....... المهم .. الحينه بنواااااااااصل.. كنا قايلين انه الشرطه قررت اتخلي منصور هالمره واتسمحه وللسبب.. وقالوله انه لو هب لبنيه كانت بتمووت جان الحينه انته فالسجن ولا حد بيقدر يضهرك ... لانه اتجاوز الاشاره حمرى وكان مسرع وكان يجاوز السياير وعلى اليمين.. يعني لو هب حد تعبان وعلى وشك الموت جان منصور راح فيها... الموووهيم اعتذر منصور من الشرطه وقالهم انه ما بيعيدها.. بس لانه الظروف اقوى منه ومنهم وهي اللي خلته يسوي اللي سواه.. وساااامحوووووه... وساااااااااااامحت شرطتنا ولدنا ولد الامارات ولد العين دار الزين منصوووور ولد سالم... واتمنوا لودوم انها اتقوم بسلامه ووصوه على عمره وعلى انه ما يتجاوز حدووده في السواقه شو ما يكون الامر... وساروا عنه... واتنفس منصور وسلامي الصعداء.. الشرطه خلت منصور ولا مسكته واتفاهمت من الوضع... وودوم قالوا انها ابخير ان شاء الله... فاليووووووم الثاااااااااااني وبتحديد الساعه 9:00 الصبح فالعزبه..... سياره يايه... وكانت سياره رنج بيضا عليها رقم احمر ثلااااثي... منوه تتوقعووووووووون... ؟؟؟؟؟؟؟!!!!!!!!!!!! هيه صح... منصوووووووووووووووور وفريجه.. ردوا من الدختر... ردوا عربنا بسلاااااااامه ودوم راكبه ورى ومدوخه.. سلاااااامي ومنصور مرهقين.... ونزلوا في عزبت شيبتنا محمد الكل يالس هناك متريقين وخالصين ويالسين خاري فارشين وبارزين..(( اليد محمد – اليده عليا – ام محمد – ام سعيد - ام علي .. اما بو سعيد وبو محمد ساروا عندهم شغل شويه والباقين رقووود )) ويوم نزلوا من السياره ...الكل شهق... طبعا وديمه كانت مربوطه ريلها.. وكانت ما اتروم تمشي عليها وسلامي كانت ماسكتنها واتساعدها... اليده : بسم الله.. بلااااااااااكم ام محمد : ودوم.. شو المستوي؟؟؟؟؟ ام سعيد : منصور.. بلاهن عيونك .. سلامي وانتي بعد ام محمد : وينكم انتوا ومن وين يايين وغريبه شو موعنكم اصلا.. سلامي : خيييبه كل هذي اسئله... ودوم يت وانسدحت على ريل امها... ام محمد : واااااااااايه بلاها ريلج.. منصور كانت سفرته على جتفه طبهم شو يقولون وسار عسب يرقد.. تعباااااان خاصه انه ما غضت عينه بالنوم من هم ودوم وسالفت الشرطه... وسلامي بالمثل.. اما ودوم شبعت رقاد.. خاصه انه اليوم الصبح الساعه 8:03 قبل لا يضهرون من توام الدكتور سار يطالع ودوم واتأكد انها ابخير.. فقرر انهم يضهرونها... وساروا.. ركبوا السياره واتويهوا صوب العزبه.. عند هلهم واهلهم اصلا ما يدرون انهم ما باتوا من الاساس عندهم... ام محمد يوم اتخبرت البشكاره وين ودوم قالت لها ودوم نوووم .. ويوم سارت ام محمد اطالع حجرت ودوم لقتها مقفوله وما حبت اتغثها وحليلها تتحرها راقده في حجرتها.. وكانوا يتحرون سلامي بعد راقده فياها فخبرت ام محمد ام سعيد انه سلامي عندهم بايته وطبعا ام سعيد اتغيضت اونه عيب بس ام محمد ما طاعت اتغث البنات وهن راقدات فما قالت ام سعيد شي... اما منصور يتحرونه يهيت وكالعاده بيرد متأخر.. عقب ما العرب كلها ترقد... بس ما كانوا متوقعين انه عيالهم ما باتوا عندهم... ولا دروا بهم... اليده : علما من شر الغويلي.. بلاها ريلج.. اشوفج مربطتنها... ودوم تعبانه ومنهد حيلها وبصوت تعبان وواطي : ما من شر.. ام سعيد : وانتي بلاج.. ومنوه سمحلج اتباتين دون امريه... سلامي : امايه.. وين ابات هو بشوري.. اصلا ما رقدت امس فليل ام سعيد : واااااااااااايه اشعنه ... سلامي : رادين من الدختر نحن اصلا الكل منصدمن.. ام محمد : شووووووووووووووه ؟؟؟ سلامي : هيه امس ودوم طاحت علينا.. وتعبت وما اتنفست وخبرت منصور لانه كان اقرب واحد ويى وودانا توام ورقدوا ودوم واليوم الصبح رخصونا.. ام سعيد : والخيييييييييبه ونحن ما ندريبكم.... مسودين لويوه.. واشعنه ما خبرتونا.. سلامي : وين انخبركم يوم الشرطه ما خلتنا... محد مستوعب.. وتمت سلامي اتخبر السالفه بس طبعا مقتطفات مب بتفصيل ما لها بارض وتعبانه محد يلومها .. والاهم انها ما خبرتهم انه ودوم طايحه من على ظبيه... قالتلهم طاحت وبس... وكل ما يسألون من وين طاحت اتغير السالفه بطريقتها الخاصه..... وطبعا عالغدا محد نش من الرقاد لا منصور ولا سلامي وحتى ودوم اللي كانت شبعانه رقاد كانت منسدحه في حجرتها وتعبانه... وعقب الغدا.. بو محمد : وينهم الشباب اليوم ما شفتهم من امس... ام محمد : رقوود.. بو محمد : عنبوه من امس رقووود... اكرم انه كل هذا رقاد... ام محمد : لا تتنشد وااايد.. )) وخبرته السالفه (( وحلف بو محمد انه يذبح على سلامت بنته.. خاصه انه سمع انها كانت بتموووت ولا تتنصخ... وسار وذبح الذبايح وعزم الاهل والاقارب.. كلهم... عالغدا طبعا فاليوم اللي عقبه... وعزم من هله خواته وريالهن وعيالهن.. سلامه وفاخره ومريم.. اما خوانه تراهم عنده فالعزبه وما يحتاي عزيمه... وعزم هل حرمته عمير وفريجه.. محمد وفريجه... عبدالله وفريجه.. علي وفريجه..وشيخه وريلها وعيالها.. طبعا هذيلا خوان ام محمد وام سعيد وامتزرت البقعه من السيايير وكان صدق صدق زحمه وعرب وااايدين.. عادي ايي واحد بروحه اقصد الشباب.. تراه حد من الشباب ايون بروحهم.. عشان ديه يكون زحمت سيايير... والرياييل كانوا طبعا رباعه فالخيمه >> خيمه عوده... موجوده في عزبة يدنا محمد الله يطول بعمره... والحرمات داخل وطبعا الرياييل اكثر من الحرمات.. وديمه مربوطه ريلها ما اتروم تيلس على الارض.. فكانت يالسه على الكرسي.. شوي ولانه حمدوه بنت خالها محمد متصله فضهرت خاري عسب اترمسها تدرون فضحه انه بنيه ومب معرسه وعندها موبايل وترمس حذا الحرمات.. فسارت خاري.. وكانت تتشمى برى البيت صوب الزراعه وجان تيلس على الكرسي.. شوي توه راشد بن عمير واصل وياي بروحه وكان ما شي بقعه اصلا يوقف سيارته فسار وقفها صوب الزراعه وديمه شافت انه حد ياي وجان اتغشى راشد ما درى انه ودوم كانت يالسه هناك.. والثلاثي الشبابي (( حمد – منصور – عبادي )) كل واحد منهم في خريمه ومنصور كان واقف عند سيارته يضهر شي منها... المهم.. راشد حول من سيارته وقفلها.. ويوم يى بسير صوب الخيمه اصلا بعده ما اتحرك شاف وحده.. يالسه بروحها.. عرف انها وديمه.. وجان يسير صوبها.. وديمه (( لااااااااا حوووووووووول.. الله يستر )) راشد : السلاااااااام علييييييج... وديمه : عليكم السلام..)) وجان توقف بس بغصب طبعا مشان ريلها (( راشد : افااااااا سلاااااااااماااااااااااااااات.. يعله فيني ولا هوب فيج... يا ويل حااااااااالي... شو ياج.. وديمه : الله يسلمك ما شر.. بس اتعورنيه راشد : واشحاااااااااالج.. وديمه : ابخير.. راشد : حالن مديمه.. وديمه : ما بتسير عند الرياييل.. راشد : وينهم >> يستهبل.. ودوم : ما ادلهم.. راشد : لا جان بتدليني وبتوديني.. )) وبعده ما كمل رمسته.. ولانه منصور ياي (( منصور : مرحبااا راشد... راشد ارتبك وما عرف شو يسوي خاصه انه بروحه فيا ودوم : مرحب باجي.. واتوايهوا.. منصور : واشحالك.. راشد : ابخير ونعمه.. من صوبك.. منصور : ما نشكي باس.. راشد : يا حيك.. منصور : الله يحيك.. لكن راشد.. شو اتسوي هنيه الرياييل هناك وما يضيعون.. راشد ارتبك : ما شي وقفت سيارتيه وجان اشوف حد هنيه اتحريتها حد من عماتيه ولا شي وقلت بسلم... ليش فيها شي.. منصور : سلامتك بس ضهرت بنت عمتك.. يعني تعال ويايه مالها داعي يلستك هنيه.. راشد (( يعلك ...... جانك بتخليني اسير عن قلبي )) : صدقك.. منصور : هكم جانك بتسلم عليهم... راشد : جيه ما بتي ويايه ولا بتيلس هنيه.. منصور : لا الغالي انا ما اسوي هالحركات بسير صوب عماتك يبني.. راشد : هيه ما عليه... يالله برايكم )) وسار وهو متغيض من منصور (( راشد (( خييييييييييبه اتخيبه عظم فالبلعوم من ايلس وياها يضهري عنبوه ساحر ساحر شو دراه.. )) منصور : والعثره اتعثرجان شاء الله.. ودوم : شووووووووووووه... اتعثرك الا انته وانا شو يخصني.. واشعنه تدعي.. منصور : شو ميلسنج هنيه منظره منظره للشباب.. يالسه.. ودوم : جب ما يخصك.. كيفي.. منصور : يجبج يا السباله... شو ما يخصني..قسم بالله ان ما هبطتي داخل وانا اشوفج الحينه انه بعمرج والله ورفجتج انه بعمرج وانتي كيفج... لا شو كيفج.. اتخسين هب كيفج.. يالله بشوف.. ودوم : افففففف منك.. هب داخله وغياض فيك.. ايلس وين ابا واسير متى ابا انته ما يخصك فيني ولا هب ولي امريه... منصور : خييييييييبه>>> قالها بصوت عالي............ ما لي خص هاه... )) وجان يمسكها من ايدها ويمطها بقوه يباها اتسير وبروحها ما اتروم تتحرك بسرعه بسبت ريلها (( ودوم : ااااااااااااايييييييييي... سبال فجي ... وبعدين ريلي اتعورني.. منصور : يعلها ما تبرى ان شاء الله... عشان اتأدبين على قلت الادب اللي فيج.. ودوم : اووووووووووووهوووووووووووووو قسم بالله منصور انا تعبت منك.. خلااااااااااااااااااص كرهت كل شي... بس ملييييييييييت من هالاسلوب... وهالمعامله.. يا اخي خلااااااااااااااااااص لو سمحت ما ابا ايكون بيني وبينك رمسه خلااااااااااص.. لا اترمسني ولا اتحاول حتى اتسلم.. اعتبر انه ما عندك بنت عم اسمها وديمه.. وخلااااااااااااص بقطع كل صله قرابه تربطني فيك بس... انا تعبت منك.. بس.بس.بس منصور : وهذا يشرفني.. اكثر... وانا موافق بس جلبي ويهج وراويني غبار ريولج.. وذلفي داخل.. ودوم : بسير جيه اتحراني بيلس هنيه مجابلتنك ومجابله حشرتك... )) وسارت ما فيها تضارب فياه بروحها تعبانه (( وسارت داخل عند الحرمات المووهيم.... فاليوم الثاني... الضحى.... اليده يالسه فالليوان.. تتقهوي... اليده : عبيد... عبادي : يا لبيه.. اليده : لبيت حايه.. قم بسير فياك غمض.. عبادي : وين تبين عيوزيه.. اليده : عيزن ركبك مسود الويه.. قم بشوفك عن هالانيلاغه )) ميلوغ = منسدح ((..>> تراه كان منسدح ويطالع فلم.. عبادي : هاه عيوزيه بلاج.. اليده : ايهاااااااا.. ثرك ما تنصر عن هالرمسات المخالفه.. عبادي : مخالفه.. انزين عطيها مخالفه بدفع عادي هااااااااااااااااهااااااااااااااييييييييييي اسميني سوااالف ^_* اليده فرته بالفنيال اللي كانت اتقهوي منه.. عبادي ياه الفنيال ولا عرف مصدره فقام متغيض : حووووووووووه ما اتشوفوووون اليده : لا ما انشوف... عبادي : اوووه ثرج انتي عيوزيه.. لا خليت منج مسموووحه.. اليده : خسك الله يا الخلافه...جيه ما طلبت منك اتسامحنيه... عبادي : انزين الغاليه شو في خاطرج انا ما سمعتج زين.. وين تبين اتسيرين عيوزيه.. اليده : اص صه.. مسود الويه.. هب سايره فياك... عبادي : وليييش... افااااااااااا اليدده : ضك عنيه... عبادي وقف جدام يدته ولا خلاها اتخطف.. وكل ما اتلف يلف وياها : ما تزعلين.. ما اطيعين بنت سعيد... اليده : بتضك انته وال لا.. وينها عجويتيه.. ودوم هاتيها... عبادي : شو تبينها... اليده : شو اباها ها... انته بتضك ولا اهيسك اياها.. عبادي : لاااااااااااااااااء.. ما بضك وبتسيرين فيايه... اليده : ولا اشبر.. طبعا كانت ودوم تضحك عليهم.. عبادي طالعها : شو يضحكج...؟؟!! اليده : وااايه شو ميلسنج.. سيري طالعي منصور.. يالله ودوم : شووووووووووووووه... اليده : شو شوه بعد.. سيري بشوفج.. ودوم : ها لا ما شي.. اليده : سيري اقولج زقري منصور.. ودوم : ان... انز.. انزين.... وسارت.. سمعوا.. عربنا تراهم معزومين عند عرب... واللي سار (( يدنا الغالي محمد – بو محمد – محمد – حمد – سيف – بو علي )).. اما (( بو سعيد – علي – فلاح – والثلاثي ما سار ما عدا حمد سار يعني عبادي ومنصور ما ساروا )) ودوم اتفكر (( يالله كيف برمسه .. انا اصلا ما ارمسه.... ولا اداني احتك فياه... والمشكله مضاربه معاه... يا ربييييه... شو الحل )) كان فلاح وسلطان وعلي يالسين فالصاله.. منصور كان واقف عند الباب ويرمس علي ويضحك.. وديمه واقفه وراه ما اتعرف كيف بتبدأ وياه الرمسه.. وتمت اطالعه ولا اتعرف شو بتسوي ولا كيف بتبدا وبعد فتره وقوف عورن ريول ودوم.؟... وديمه : احم... منصور... منصور كان يضحك.. وجان يلف ويهه ويطالع منوه يزقره وجان يستغرب وتتغير ملامح ويهه من شاف انه وديمه هي اللي تزقره.. المهم طنشها وما رد عليها.. وديمه انحرقت من حركته : منصور يدوه تباك ... )) خلته وسارت عنه (( منصور لف ويهه صوبها وطالعها وهي سايره.. اليده : وينه ؟ زقرتيه... وديمه : هيه اليده : شو قالج ؟؟ ودوم : ما ادريبه قلت له وسرت عنه عبادي يالس يحاول يراضيها ويحب راسها... : عيوووووووزيه فديت الزعلانين انا.. اشعنه جيه .. اشعنه تزعلين.. اليده : فضل عنك وياها مصاخه وحبات.. خوز عني لا امرغ هالعييره عظهرك... خس الله مذهبك... عبادي : افااااااا بنت سعيد .... اهوووون علييييييييييج... اليده : هيه ... بتخوز وال اهيسك اياهاااا... عبادي : بخوز بس لا تزعلين... ويلس يغنيلها... ان زعلت برضيك وكل عمري فدااااااااااك.... والزعل مزعله يالغاااااااااالي عليييك.. لو تامر بروووحي تنقااااد لرضاااااااااااااك.... لو تطلب عيوووووني في لحظه تجيييك... ميزك ربي من الناااااس وعطاااااااااااااااك.... ميزتن واتخص ذاتك واتعنييييييييييييييك منصور هاااااااابط : هاااااااااااااااااااااي >> يغايض... وطبعا قاطع عبادي وهو يغني عبادي : الله يغربلك خربت عليه الاغنية اليده : فخشمك.. شو بعد هالرمسه.. منصور : اسلم عليج يدوه بالاسباني ^_* >> خريييط... اليده : شو ثباني بعد.. ثباني عندي وثبانك عندك الكل : هههههههههههههههههههههههههههههههههههههههههههههههههه هه عبادي : هههههههه هب ثبانج عيوزيه... اتعرفينها اسبانيا... اليده : اص صه.. ولا اترمسنيه.. عبادي : انزين ما برمسج اتعرفينها اسبانيا.. اليده : بن عروه عبادي : عيل بوديج اياها... ما شي فرت حصاه حتى ما بتتعبين... اليده : هيه .. الا في شورك انا ... يوم الا هاي رمستك هوب مدبره وياك... عبادي : افاااااااا عيوزيه ^_* بتعيبج ...احلى عن غمض.. يمدحون يسون عزب هناك..شو رايج.. جان بتسوين.. اليده مسويه اكبر طاااااااف لعبادي.. ولقبه خالف تعرف : منصووور.. منصوووووور.. منصور : انا هنيه... اليده : ويديه شو اتريا ما اتجرب السياره.. منصور : وين بنسير.. اليده : جيه ما قالت لك وديمه.. منصور : لااا اليده : وانا شو قايتلج هاه ... وديمه : يدووه قلت لج... اني قلت له تبيه وبس... اليده : وااااااااايه... انزين جرب السياره بنسير غمض.. منصور : شو تبينها.. اليده : لا اتخبر..بعد اشله اتخبر بتوديني قول ما بتوديني بسير فيا حبيب.. عبادي : لا انا بوديج حبيب محد...شرد من درى انه بيوديج.. لانه يباني انا اوديج.. اليده مع اكبر طاف : هاه منصور.. منصور : افااااااااا عليج اشقايل ما بوديج.. بوديج.. عبادي : لااااااا اذلف انته انا بوديها.. منصور : يدوووه عبادي تراه.. ما منه فايده .. خلي التلفزيون ينفعه.. افااااا لو تطلبين عيوني ارخصهن فدالج.. اليده : لاااااااااا خلييييييييت منك يا الغالي... عبادي : يا الهرم... يا مفرق الجماعات ... يا هادم اللذاااااااااات... سباااااااااااال وااااااااااااااحد مصلحجي... اليده : صه اقطع انقطع حسك يا مسود الوييه.. منصور : امايه لا اتغيضين.. براااااايه يسد اني انا موجود انا ولدج >> ويطالع عبادي بنظرات غياض.. << يتغايضووون حركاااااااااااات اليده : يالله عيل دهديه هبابنا انسير... ها وديمه بتسير فيانا.. ) من سمع منصور هالرمسه.. طالع صوبها ( ودوم + منصور وبدون شعور وفي نفس اللحظه : لاااااااااااااااا عبادي طالعهم وابتسم.. وديمه ومنصور اطالعوا بنظرات خاصه انهم رمسوا في نفس اللحظه ونفس الكلمه .. اليده : واااااااااااايه بلاكم... وديمه : بس يدوه ما ابا... ما اتنازل ...)) وطالعت منصور بنظرت احتقار (( >> ليش يقول لا منصور : يدوه بتتلوث سيارتيه بعدين كله ولا رنجي.. وديمه اتغيضت من رمسته : ماااالت... لك الشرف.. منصور : مالت عليج الا انتي.. سباله ... اليده : اييييييييهااااااااااااااا... عبادي : حوه حد هنيه بلاكم.. وديمه : لا والله ما اتشوفونه.. منصور : ااااااييييييييييه... حشمي.. لو هوب حشمت يدوه جان عرفت شغلي فياج.. وديمه : يا ويلي اتروعت هنيه عصب منصور ولا رام يتمالك عمره وسار وقبضها من ايدها ولواها الها وخلاها لازقه فاليدار وابروحها ريلها اتعورها.. >>> اول مره يتجرأ يسوي هالحركات جدام حد خاصه انه قبضها من ايدها.. عبادي ربع صوب منصور وحاول يخوزه عن ودوم اليده : منصووووووور والعثره... عبادي : منصوووووور ... خلها... يا رياااااال... يا منصووور فجها..... منصور : خوووز عنيه لا احطك فوقها.. واكفخك اليده : ايييهاااااااا >>> ومسكت العجويه مالتها القويه وسارت صوبه عبادي : يتك.. فجها احسن لك... منصور : هذي الخامه يبالها واحد يربيها.. ودوم : حماااااار فجني يالماصخ.. صدق انك صايع وضايع يا الحلجه.. اليده : ايييييييهااااااااااااااااااااااااااااااا.. اني بنتك يا بويه عنها قاله >>> ومسكت منصور وحاولت اخوزه عن ودوم لكنها ما رامت له سار عبادي متغيض ومسك منصور.. ومنصور يحاول يفج عمره من عبادي وودوم رامت تشرد عن منصور واندست ورى يدتها تصيح.. منصور : هذي الخايسه هوب ويهه حشمه.. هوب منها من اللي يشفق عليها ذاك اليوم ويسوي فيها خير.. ودوم معصبه وكانت خايفه من هالشي : محد طلبك بروحك رزه.... ما تنلام قالوها قبلك رزت الفيس من طبايع التييييييييس... اليده : اص صه.. مسودة الويهه ابروحها ما تنصر عنه.. تراني بخليه يضربج لين اطيب نفسه.. عبادي : خلااااااااااااااااااااااااص بس عيييييييييييب .. والله عيييييييييييييييب ودوم : يدوه ليش يصكنيه عيب عليه شو يتحرى بعمره.. ما يدري انه من المحارم عليه.. هااااااااااه اليده : وانته شو تباهاااا.... منصور : يدوه ما برد عليج وانتي شايفه اليده : تعالي لو ما عليت عليه ما ياج <<< ما عرفنالج يا يدتنا مره ويا ودوم ومره ويا منصور ^_* ودوم : شوووووو ما كان المفروض يزخنيه... عبادي : اوكيييه خلاااااااااص حصل خير سيري انتي الحينه.. ودوم : وليش هو ما يسير ... انا ما اروووم اسير... اليده : ذلفي يالله بشوفج ... لا انحزج بالعجويه على ريلج ... فضل عنكم من حاله.. )) طبعا ودوم سارت وهي اتعري.. بسبب ريلها (( عبادي : يا ريال الطم ابليس عنك.. اليده : عبيد فجه فجه خله يسير يجرب السياره عبادي : ههههههههههههه بعدج مصره اتسيرين غمض هههههههههههههههه منصور عقب ما فجه عبادي سار متغيض.. وقرب السياره وسارت وركبت يدتنا عليا ونهيوا غمض.. صوب مزرعتها.. منصور كان مسرع لانه متغيض.. ودوم سارت اتصيح ومطبقه على عمرها الباب اليده : واااااااايه منصور ابويه خف السرعه.. منصور طبعا وهو متغيض من اللي استوى : ليش مسرع انا اليده : لا فديتك هوب مسرع يا غير انا اتروع >>> صخت اليده هب فيدها السكان (( سكان السياره )) عقب ما كانت متغيضه عليه ومتحلفتله استوت متروعه وتسمع كلامه...>>> سبحان مغير الاحوال.. اول ما ركبت السياره وهي اتحرطم عليه لين وصلوا عند دوار العوهه (( الفوعه )) وهي اتحرطم وخلاف اتغيرت لانه كان مسرع.. منصور تم مسرع ويلف يمين يسار واليده تقرى قوران ويمكن ختمت القران كله من الروعه وتشهد وتتدعي وكانت عايشه في رعب >> مسكينه كانت عايشه فلم رعب دام من دوار الفوعه لين ما وصلوا غمض بالسلامه.. ويوم وصلوا منصور : يالله يدوه جان بتنزلين >> كان متغيض.. اليده : ما اروم انزل اريولي ما يشلنيه منصور مستغرب : ليش.. اليده : يا بوك ينتفضن من الروعه ما ينقلنيه.. وخلى مطر ما انهي فياك مره ثانيه.. جان نفدتنيه وااااااايه يا ريووووولي... واعثرتيه جان ما صابني هاللي يسموونه.. هذا.. اللي يخلي العربان ما اتنش ولا اتحرك.. من الروعه اللي صابتنيه... منصور هنيه مات من الضحك ونسى اللي استوى منصور : الشلل يدوه اليده : اص صه لا تطريه.. كفانا الشر.. بسم الله عليه.. منصور ميت ضحك : ليش يدوه اذا طريته بييج يربع.. اليده : دوووك تراب في ويهك... مسود الويهه.... منصور : انزين اشلج يدوه.. اليده : شلك طهف.. يا مسود الويه كله منك .. خس الله مذهبك.. منصور : ليش امايه اتروعتي ؟؟!! اليده : زين ما خيست خلجاني (( خلجاني = ثيابي )) من الروعه يا وين اتروعتي اامايه <<< تطنز عليه منصور وهو يضحك : لااا الشيمه كله ولا سيارتيه اليده : واااااااااايه فضل عنك يا ربيه.. ما همه غير هالقرمبعوه مالته >> خييييييييبه سبت رنج منصور.. كله ولا رنج منصوووور.. اصلا هيه من الرنجات اليداد.. وبعدين اصلا اليده ما اداني غير الوانيت.. والكروزر واطورت شويه واتحب النسيان وبس... اما باقي السياير ما ادانيهم يداد جدام كشخه ولا غيره... منصور : ما عليه يدوه اتسبين سيارتيه.. الله يسامحج.. اصلا انتي ما اتعرفين شي فالسيايير.. وبعدين سيارتيه كشخه الكل ميت عليها وعلى راعيها.. اليده : هيه ما عندهم مونه.. منصور : انزين يدووه ما بتنزلين الحينه.. اليده : لا ما اروم ازقرهم ليه انا اريولي اتعورنيه وما اروم اشل عمريه.. منصور : ييييييييييييييييييه >> شهق... اليده : شو المستوي بعد منصور : حرت السياره ...)) وجان يبندها (( >> خريييييييط يجذب السياره ما فيها شي.. اليده : واااااااااااايه زمرك عالله ...)) وحولت من السياره بسرعه.. ولا جاف غير غبار ريول مطاير دليل السرعه منصور مات من الضحك ولا رام ينزل من السياره.. يضحك على يدته.. وغبار ريولها.. توها عداله ما وحاله من قالها حرت وبند السياره الا وهي هب عداله وصلت يمكن دبي من ربعانها ^_* هههههههههههههههههههههههههههههههههههههههههههه... سواااااااااالف الدنيا ثرها....
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
