معاملة الخدم

يسعد اوقاتكم جميعا بكل خير اليوم استوقفني منظر شفته في مطعم حيل انقهرت واستفزني صراحه يعني لهدرجه الناس ماتت قلوبها . . ولا ماعادت تحس ولا شالوضع بالضبط؟ قاعدين نتعشى وقبالنا طاوله عايله المهم جا عشاهم وهذا . . ماعطو الخدامه مقعدينها ع طرف وماسكه ولدهم الصغير توكله . . وهم ياكلون خلصوا وقاموا وهي حتى ماكلفوا ع اعمارهم لو عصير ! متخيلين الخدامه وجهها يعني شقول عورت قلبي : ( ليش وصل حال الناس كذا؟ بالاخير خدامه متغربه وتاركه بيت وعيال عشان تخدمكم وتلقى اهانه يالله بس ذنبها برقبتهم عاد تالي لاحقدت وذبحت ولدهم قالوا فيهم وفيهم هالعماله طيب عاملوهم عدل بالاول :) رايكم بخصوص هالموضوع ومعاملة الخدم . .

اشوف اللي يعاملهم بطريقه خايسه تدل على تربيتهم
والا الادميه تاركه اهلها وجايه تشتغل عشان تعيش وتعيش اهلها مو عشان تنذل

والله اتكلم معنى خادم ونحن نعاملهم بكل ادب واحترام
ظلت معنا 4 سنوات

رسولي عليه الصلاه والسلام كيف كان يعامل انس وكيف يفقده لاغاب
كيف كان يعامله ويحبه وهوا رسول حامل رساله الدعوه

لو اقتدو فيه حبيبي محمد ماكان لقيتي خادم يشكي غربه ولا جوع ولا معامله سيئه


شفت بعيوني مظاهر تحزنو في طلعاتي وكيف وجه المعاناه بحكم تاديب

والله العظيم انهم امانه ربي يرزقهم مثل ماتغربو ويسد حاجتهم ويهدي المسلمين اجمع

*،




آنتقاء مميز .. مَ ننحرم من جديدك

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

هم امانه
ومن لم يراعيهم فويله من الله