طــال الغـــيـــــــــاب

قصيدة الشاعر
بندر المحيا
http://www.youtube.com/watch?v=TeaBmv3anEE

_ _ _ _ _ _ _ _ _ _

طال الغياب اللي برا ناحل الحال
.من قبل لا يبرا الضلوع النحيلـه

لو أنها شرهه على دمع رجـال
..تهـون لكـن المدامـع بخيلـه

هذا زمان الصمت عن كل الأقوال
.يالزمان اللي قليل (ن) حصيلـه

لو لشجر قدره على الغصن لامال
..ماشفتها تاقـف حزينـه ذليلـه

امواعد(ن)عشره ولا انته بجمّال
...قبل تفكر تتـرك الحمـل شيلـه

مجنون هذا الوقت عاقل وعقّـال
..هذا الزمان عقولهـم مستهيلـه

مصيبه بهذا الزمن ضرب الأمثال
...الحال هذا صعـب تلقـا بديلـه

هذا ترك خلّـه وهـذاك رحّـال
..وهذا نسا يمسح مدامـع خليلـه

هذا كذب عذره وهو عذر دجـال
...وللي يصـدق كذبتـه عزتيلـه

لو الضما يقسا على شفاه الأمال
...منت بلاقي شخص يبرد غليلـه

مافالزمن شخص لقا راحت البال
.يرتاح في لليله ويتعب في لليله

أحد(ن) يقدّر قيمة الدمع لاسـال
..وأحد(ن) يشوف قيمته في مسيله

لو أن من يصبر على الهم يكتال
...صبره فعزيلـه وعـزي لكيلـه

أحسن توادع بعد غيبه وترحـال
..من ليلة فرآق الصوال الطويلـه

ياشين من عايش حياته بالأمال
..شخص بليا أمال مهـدود حيلـه

الله يبيض وجه شعر لآ ينهـال
..يطرد عماس ألآسئله ريح هيلـه


* * * * * * * * * *