مو كلمن فتحلك بابه يهواك

أولاً

مو كلها أصدقاء التمشي وياك
ثق حتى بأخوتك تلكه عدوان
يصح مرات بيك لسانك يكون
وعمر يمكن تخسرك زلة لسان
لاتامن درب ما ساحكه جدام
على دروب الامانه تشوف نيشان
وليغرك حسن حلوة الفراشات
ولكن بس تلزمها تبيع الالوان
ولتغرك جبال مناطحه الغيم
لاخير بجبل يطغي على وديان
يعجبني البخور يعيش بالموت
يثبت طيبته شما ينطي دخان
ويعجبني الجرف لو زاعل الماي
يتفطر صبر ما كال عطشان
تره خطية الجكَارة تضحي بالروح
وعكَب ماتحترك نشمرها طغيان
الذيابه أهل الغدر سموهم الناس
وعليهم بالغدر ماعندي برهان
منو فينا الضحية الماكله الذيب
أحنا إنسان صاير ياكل إنسان
ذكية النار عاشت رافعه الراس
تحرك ماتجامل كان من كان
وأهي الشي الوحيد الماخسر يوم
لان مافضلت تمشي وي صحبان
ليش الغيم يفتر ما أله مجان
وخلص رحال عمره وما أله مجان
لان يدري الحمم تبدي من الأطراف
ولهذا السبب ماراد جيران
تمسكت شكثر بصحاب الي هواي
بكثر تضحيتي الهم هسه ندمان
لهات انه وتبينو صحبتي الموس
أثاري انه خسرت والموس ربحان
غيرالموت كَلي شيعزف السيف؟
وجعلت الاله نحري ورايد الحان
شتسمع من لحني ياصاحبي شبيك؟
تخيل سيف يعزفله على شريان
بعد ماصير حنه اثبت بالجفوف
لأن من سوء حظي الحطني فرحان
وتخيل كيف يمه وصفكَته شلون
وعليّ صفكَاته كلهن نفس المكان
راح من الصخر أنحت لي دلال
وأكفن كَلبي واتعنى على دفان
وأكَله تبدلت كل الموازين
السفينه يصير تمشي بدون قبطان
وأكَله تبدلت كل الموازين
الدليل الناي يحجي وما اله لسان
وأكَله تبدلت كل الموازين
مريم ما طلع والدها عمران

وأكَله العنده غيره الافضل يموت
لان كلش جريمه تغلبه غمان

ثانياً

مو كلمن فتحلك بابه يهواك
ولا كلمن يكرهك بابه ينسد
أكو مسدود بابه وكَلبه مفتوح
وأكو مفتوح بابه أو كَلبه أسود
أذا طشيت صحبانك على الماي
أثكلهم وفه جواك يركد
وخففهم يضل طافح على راي
يروح وي الجزر ويرجعه المد
أذا تحتار سافر تعرف الناس
منو أيهد القطار أو يوكَف أزيد
أكو أشده بحبل ويكَطعه ويروح
وأكو بكل الشرف علسچه ينشد
وأكو أمشيه قطارك عينه تحتار
أو باللحظه الأخيرة أوياك يصعد
وأكو أيشيل المحطه وي القطارات
ويدكَه على كَلبه أو صدره ينسد
فرق بين اليعبدك بالمحطات
وفرق بين البنالك أبكَلبه معبد
لا تأمن بشر من طينه مخلوق
بس أربع طعش طينه الجد
موكلمن ضحكاك منه ترتاح
ترى ناب الضبع كل ضحكه تنحد
ولا تحقد على كلمن يبجيك
أذا دمعك طفح صدكَني تبرد
البشر دله ويفور بداخله الضيم
وأذا يطفح دمع نيرانه تخمد
ولا تحقد على صعدوا بالجناح
معروف الصكَر لو جنحه ينشد
وموكلمن نزل يسمى مذلول
ولا كلمن صعد يسمى أمجد
أكو صاعد رغم ماهو عالكَاع
وأكو نازل يضل لو قمة يصعد
وأذا عندك جبل خلهم يصعدون
فرق بين الصعد وراد يصعد
أكو أيهده الجبل لو هد الجفوف
وأكو أيهد الجبل لو جفه ينهد

سلمُ لنا هذُآ الذوُوُق ..الذُي يقطفُ لنا..
آجمًل العبارات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...

سلمُ لنا هذُآ الذوُوُق ..الذُي يقطفُ لنا..
آجمًل العبارات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...

سلمُ لنا هذُآ الذوُوُق ..الذُي يقطفُ لنا..
آجمًل العبارات وٌآروعهـــاآ..||
ماأننحرُم منُ ذآئقتُك الجميلهُ والمميزهُ..
لآحرمنـــآآك...

ماشاء الله تبارك الرحمن

ذوق في اختيارك
وعافيه عليك وعلى الطرح الراقي
لاحرمك الله رضاه

‏لك كل
تقديري واحترامي

مجنون قصآيد

‏

قصيدة أكثر من رائعة
دام أبداعك وعطائك الراقي
لك مني جزيل الشكر والتقدير...
ودي وعبق وردي

*،




آنتقاء مميز .. مَ ننحرم من جديدك

موووضوعك رووووعة

واختيااااارك ذووووق وكله حلااااا
ابدااااع

يعطيك العااافية

نجمكم

‏نقل مميز لموضوع اكثر تميز

دليل ذآئقه جميله خلف هذا كله

‏اشكرك على مجهودك

ولك مني فآئق الاحترام

‏اخوك

‏عود الليل

طرح متميز
وانتقاء زاد به التميز
دوما يحتل صفحاتك عنوان الرقي والابداع
كلنا بشغف لمزيد مما يأتي من اناملك
سلمت بحجم هدا الكون واكتر
لا حرمناك ابدا
مودتي