الهوى يأهل الهوى هذي دروبه

[align=center][tabletext="width:80%;background-color:teal;"][cell="filter:;"][align=center]
[align=center][tabletext="width:70%;background-color:white;"][cell="filter:;"][align=center]

1/
طبعها في العشق مغناج و لعوبه
مهرة من صغرها محد عسفها

هرجها معسول و مليان عذوبه
كان طاعونا أهلها ولا أنخطفها

كل ما شاهدت زوله رحت صوبه
لو عليها خمار قلبي ب يعرفها


جيته فيها غرابيل و صعوبه
ليتني في حجرها ولا بكنفها

منيت العاشق ترى شوف محبوبه
ما يفكر في الحياه وفي شضفها

الهوى يأهل الهوى هذي دروبه
يلحق العاشق ذنوب ما قترفها

و من عصى قلبه ليا هبت هبوبه
ب تذبل الورده و هوا ما قطفها.

2/
قصرت رجلي عن الروحات و الجيه
العذر ي الربع أحب اعيش وحداني

صحيت عقب المطبات الصناعيه
أكلتها من حسن ظني ب صدقاني

يا كافي الشر يا كثر الحرامية
يعوزك اللي عليه تعلق العاني

من أول أغضي و أجامل و أحسن النية
و عقب الاخيرة هجرت الناس من داني

حتى الغزل و العلاقات الرومانسية
ب طلتها كلها ما جاني أكفاني

قطعت كل العلاقات الخصوصية
و صديت عما يقول فلان و فلاني

ابا اتعامل مع العالم برسمية
أحسن لي أسكر أذني و أحفظ لساني

و أقصر ب رجلي عن الروحات والجية
عن ضجة الناس أخير أعيش وحداني.
[/align][/cell][/tabletext][/align]
[/align][/cell][/tabletext][/align]