بنات الهوامير

يا صاحبي طنش بنات الهاوميـر الـي مقامـك عندهـا بالريـالات



ماتعرف المبدأ ولا تعرف الخيـر وفي سلمها مثلك يسـد الفراغـات



ماجربت تاقف ولو بأخـر السيـر ولا فكرت تعطي البشر الاحترامات



كل شي تريده ياتي بـدون تاخيـر لو كان عمر انسان ما تحسب الآت



تمشي دلع تجلس كبر تكره الغيـر متغطرسه وتحب جـو المزاجـات



تحكم على المظهر وحجم الدنانيـر كن البشر سلعه وظمن الحسابـات



اكبر جريمه عندها خير يا طيـر تنحل لو وصلت كبـار الجنايـات



وشفيه لو صارت اميره من آميـر يلعن ابوها روس ترضى المـذلات



فقران عشنا ما شعرنـا بتقصيـر نكبح جماح النفس عن كـل زلات



نطغى معا امر الحق قومه وتنويـر ونبقى على عهد الوفا طول الاوقات



ماغرنا طبع الزمن نتـرك البيـر نارد ولو شحت بنـا هالـزلالات



نطنـخ حميـا لا لفانـا مساييـر ونفزع ولا خفنا من الموت حزات



مـا ضرنـا ان بـداوا مناعيـر سلالة الشيمه ورمـز الحظـارات



كـم عايلـن منـا لفـاه المناذيـر ولا قعـد الا وحـنـا بـغـارات



فينا الكرم والطيب لكـن مغاويـر ورد المصايب عندنا يشفي الـذات



نشرب دم الخاين ونوفي بتسطيـر وافعالنا فـوق الزمـن للكرامـات



على دروب العز سقنـا المشاويـر ما نتبع الهيـن لعيـن الصعيبـات



ما ننحنـي لـو الليالـي معاسيـر ما ننحنـي الا لـرب السمـاوات



فيا صاحبي هـذى بنيـة هواميـر وترى مقامك عندهـا بالريـالات



وانا عطيتـك سلمنـا بالتصاويـر ويالله عسى دربك سفير وسهـالات



منقـــــــــــــــول