09-04-2016
|
|
|
طلبتك إلاهي الكون تحفظ شبابه
[align=center]
تناظر عيوني ترتجي شوف غالي..
تمر الليالي ياعساها تشوفه..
رحل من احبه قد تركني لحالي..
وقلبي تكدر يوم شد الرحالي..
سهير الليالي صورته في خيالي..
وما فارقت عيني ملامح طيوفه..
صدق من يقول الحب بين المحبين..
مواجع وحيره منها تبكي العين..
أذوق الأسى والمر ايام وسنين..
على من احبه زاد قلبي بخوفه..
أمر بديار قد سكنها حبيبي..
وإحساس قلبي قال إنه قريبي..
أجس الاثر واسأل ولا حد يجيبي..
وأعود الى موقع لقانا أطوفه..
يزيد الألم والهم والحزن فيني..
ومن يوم غادر ضاعت اجمل سنيني..
عساني ألاقي نور قلبي وعيني..
ويهنأ زمانه بعد قسوة ظروفه..
طلبتك إلاهي الكون تحفظ شبابه..
تطول بعمره دوم ما شر صابه..
ويرجع إلينا بعد طولت غيابه..
وياليت يدي ما تفارق كفوفه..
|
] |
|
العرض الشجري