السعودية تبث صور الإنتحاري وتسجيلا صوتيا لحديث الأمير معه

أصدرت بيانا توضيحيا لملابسات محاولة اغتيال محمد بن نايف
السعودية تبث صور الإنتحاري وتسجيلا صوتيا لحديث الأمير معه

إيلاف من الرياض: عرض التلفزيون السعودي مساء اليوم تفاصيل المكالمة الهاتفية التي جرت بين الأمير محمد بن نايف مساعد وزير الداخلية للشؤون الأمنية، والإرهابي الذي حاول اغتياله في قصره في جدة الخميس الماضي، والتي على أثرها تم التنسيق بين الأمير والانتحاري عبدالله طالع عسيري على اللقاء وإعلان التوبة. كما عرض التلفزيون أيضاً مشاهد وصورا تعرض لأول مرة للإنتحاري بعد تفجير نفسه، مع تحذير للأطفال وممن يعانون أمراض القلب بعدم مشاهدتها.

كما أصدرت وزارة الداخلية اليوم بياناً حول حادث الاعتداء الذي تعرض له الأمير محمد بن نايف، مؤكدة على مصدر في الوزارة أن مرتكب حادث الاعتداء هو أحد المطلوبين الذين سبق الإعلان عنهم وهو عبدالله بن حسن بن طالع عسيري الذي قدم إلى المنطقة الحدودية مع الجمهورية اليمنية مستغلا الجهود المتواصلة والتنسيق القائم مع الأشقاء في اليمن لاستعادة المرأة السعودية وأطفالها التي سبق وان غادرت البلاد بطريقة غير مشروعة ومن دون علم أولياء أمور الأطفال حيث زعم هذا المطلوب بأنه ينقل رسالة من المرأة وأطفالها ومجموعة من السعوديين الذين يعيشون أوضاعا بالغة السوء ويرغبون في العودة إلى الوطن وذلك بعد ان اتضحت لهم الرؤية وندموا على ما بدر منهم وأنهم يطلبون الأمان من ولاة الأمر من خلال الاتصال بسمو مساعد وزير الداخلية شخصيا .
وبعد وصول عسيري إلى السعودية تمكن من الاتصال الهاتفي بالأمير وفي ما يلي مقاطع مما تضمنه ذلك الإتصال.

الأمير محمد بن نايف: السلام عليكم الاخ عبدالله
المنتحر : نعم نعم
الأمير محمد بن نايف : كيف الحال .. القوة
المنتحر : الحمد لله كيف حالكم
الأمير محمد بن نايف: بخير كل عام وانتم بخير
المنتحر : وانت بخير ان شاء الله
الأمير محمد بن نايف: كيف صحتك
المنتحر : مبروك رمضان
الأمير محمد بن نايف: الله يبارك فيك عسى ماتعبتوا
المنتحر : الحمدلله
الأمير محمد بن نايف: وشلون اخوك ابراهيم عساه طيب
المنتحر : طيب الحمد لله
الامير محمد بن نايف: ابشرك ترى الوالد والوالدة كلهم طيبين ولله الحمد امورهم
زينه وكل شي زين
المنتحر : اللهم لك الحمد
المنتحر : ونسأل الله عزوجل ان يتمم
الأمير محمد بن نايف: اللهم آمين اللهم آمين
المنتحر : عسى الله بيسر الامور
الأمير محمد بن نايف: ابد الأمور متيسرة ما دام الانسان يحط الله بين
عيونه اموره متيسره
المنتحر : ان شاء الله
الأمير محمد بن نايف: في ذهنك شي ودك تسألني اياه
المنتحر : والله علي أني اقابلك
الأمير محمد بن نايف: انا وانا اخوك في جده وانت بعيد شوي محلك
المنتحر : انا ودي اقابلك حتى اعطيك الموضوع كامل لك متى
ماتيسرت عرفت
الأمير محمد بن نايف: هو أهم شيء الان عندنا اول شي ابسأل سؤال تجاوبني
عليه جواب لأطمئن
المنتحر : أبشر
الأمير محمد بن نايف: طمني عن زوجه سعيد وعن الصغار عسى ماجاهم شي
المنتحر : لا ابد طيبين مره اللهم لك الحمد
الأمير محمد بن نايف: هذولا وانا اخوك لهم اهل فلابد تراعونهم قبل كل شي
انتبه عليهم تراهم عندي اهم منكم اقولها لك بصراحه
المنتحر : بيض الله وجيهكم
الأمير محمد بن نايف: الحين وقلك حطها في وجهي ابيك تطمني عنهم قبل كل شي
المنتحر : اعجبنا وضوحكم معنا عرفت حتى الشباب مستغربين من
تعاملكم
الأمير محمد بن نايف: ليه انتم عيالنا ليش مستغربين هالتعامل
المنتحر : بيض الله وجيهكم
الأمير محمد بن نايف: هذا واجب احرصوا ترى الاشرار يبون يستغلونكم في كل أمر حطوا الله بس بين عيونكم وتعالوا لديرتكم
المنتحر : وهذا رمضان بأذن الله رمضان خير
الامير محمد بن نايف : آمين آمين ان شاء الله دائم
المنتحر : والله ان شاء الله نسأل الله ان يكفينا الشر ورمضان هذا
رمضان خير
الامير محمد بن نايف: آمين
المنتحر : ومتفائلين ان رمضان هذا يعني بيكون نقله
الأمير محمد بن نايف: يحول الله اول نقله وانا اخوك تقرعين اهلك فيك هذا اول شي .. ثانيا انا والله ماني كاذب عليك ودي المرأة هذي وعيالها يجون سالمين غانمين لأن النساء عندنا اولويه في كل شي
المنتحر : صدقت والله
الامير محمد بن نايف: والله اقولك والله يخيروني هالحين بينكم كلكم والاهم كان لا انتم اقعدوا وخلوها تجي
المنتحر : صحيح والله لو تشوف كيف بنته الصغيره وكيف يوسف
يعني نسأل الله ان يتممها على خير.

الامير محمد بن نايف: إن شاء الله يجون وتقر عين أهلهم فيهم والمرأه تجي عند والدها وأسرتها ..
فالهمام ما عندك هالحين الا الهمام تعلم اخوانك اللي بيجون قبل ما يستغلونهم الاشرار بدون أدني شك

المنتحر : بأذن الله حنا نحيكم في الله وان الامور بأذن الله تتم
وتتيسر
الأمير محمد بن نايف: أبشرك الامور زينه .. وأنا يهمني أهم شي تقر عين والدتك فيك ووالدك هذولا بعد مالهم ذنب .. والدك والدتك يتجلدون قدام الناس مايبون يشعرون أحد أنهم متأثرين ولكن من جوه تعرف قلب الوالد.
المنتحر : انت كلمتهم
الأمير محمد بن نايف: والله دائم اسأل عنهم ونكلمهم بأتصال ولا لي فضل فيها
المنتحر : انا كان ودي أدق عليهم
الامير محمد بن نايف: دق عليهم بس اذا ما كان ما يأثر عليم انهم يحكون عند احد
المنتحر : هذي شي والشي الثاني ودي اكلم انا واخوي ابراهيم مره وحده
الامير محمد بن نايف: احسن تدري وراه
المنتحر : لان لو كلمت لحالي يمكن يخافون من شي
الامير محمد بن نايف: الوالد لا ممكن يكون متفهم لكن والدتك لو تكلمها واخوك ما كلمها يتهقى فيه شي
المنتحر : والله ودي اقابلك اشرح لك الوضع كامل
الأمير محمد بن نايف: ابد حياك الله لك مني اذا جيت اقعد انا واياك وكل منا
يعطي اللي عنده رفيقه لكن اهم شي الجماعة لايبطون ما ادري وش الاوضاع عندهم
المنتحر : الجماعة قالوا الشيخ سعيد عجل تقابل انت مع الامير
وتكلم بعض الشباب متخوف شوي
الامير محمد بن نايف: وش متخوفين منه
المنتحر : مدري بعضهم متخوف
الامير محمد بن نايف: معليش محقين لكن انتم ماسألتوا عن محمد تراه طيب وبخير وفي بيته
المنتحر : جانا الخبر والحمد لله بعد الخبر ارتحت كثير وقالوا تكلم الامير بنفسه ويكلم الشباب وبأذن الله يعطيهم وجه
الأمير محمد بن نايف : ترى الا هالجين لو فيه حق خاص ابعلمك امورنا كلنا تتبع الشريعة وقد نكون مقصرين في بعض الامور ولكن عن غير قصد وما فيه احد كامل خلني اكون معك صادق . . لكن لو الانسان قاتل له كان فيه حق خاص ما اقدر اوعدك فيه لين اهل الحق يتنازلون .
المنتحر : بيض الله وجهك
الامير محمد بن نايف: ولكن الحمدلله اللي اعرفه الان انكم ما عندكم حقوق خاصه على احد
المنتحر : فإذا قدرت بأسرع وقت ترسل طائرة او اي شي بحيث اكلم انا الشباب من عندك.. لأنه اذا كلمتهم من عندك بأذن الله عز وجل خلاص بيطمئنون
الامير محمد بن نايف: خلاص اللي ودك.. انت اللي تقيم هذا الوضع اذا كان الوضع ينتظر الي يوم تجيك الطياره وبتجي الله يحيك
المنتحر : بيض الله وجهك ..
الامير محمد بن نايف: واذا كان لا ما ينتظر لا والله الهمام على اخوانك وخلهم يجون
المنتحر : اجل خلني اكلم ثامر وارد عليك
الامير محمد بن نايف: كلم وشوف وشاور وانا اخوك بس اهم شي لا تكلم الوالده اللين يصير ابراهيم عندك
المنتحر : ابشر .. وتكفى انك تسامحنا لانها والله انها يعني ما كانت
الامير محمد بن نايف: لا تنخاني يا رجال اني اسامحك انت ولدنا وابرك ساعة نبي نكسبك وتعودون لا احد يستغلكم هذا اللي نبيه
المنتحر : باذن الله
وبناء على ذلك فقد تم نقل عسيري بمرافقة أمنية إلى محافظة جدة وحضر إلى مقر استقبال المهنئين والزوار في سكن الامير محمد مساعد وزير الداخلية بعد صلاة التراويح وذلك جريا على عادة ولاة أمر هذه البلاد.
وعند مقابلته للأمير أكد رغبته في تسليم نفسه وتمكين مجموعة من المتواجدين في اليمن من العودة وطلبهم أخذ الأمان من ولاة الأمر وحرصهم على سماع ذلك من الامير شخصيا عبر اتصال هاتفي حيث تم تأمين الاتصال بأحد تلك الأطراف وبحضور المطلوب الذي كان متواجدا في القاعة نفسها وأثناء الاتصال حدث انفجار أدى إلى مقتل هذا المطلوب وتناثر أشلائه ، ولم يصب أحد بمكروه.
كما اكد البيان أن المعمل الجنائي وتقرير الطب الشرعي قد توصلا إلى نتائج تقتضي المصلحة الامنية عدم الافصاح عنها في الوقت الحالي.

الامير محمد بن نايف: إن شاء الله يجون وتقر عين أهلهم فيهم والمرأه تجي عند والدها وأسرتها ..
فالهمام ما عندك هالحين الا الهمام تعلم اخوانك اللي بيجون قبل ما يستغلونهم الاشرار بدون أدني

الامير محمد بن نايف: كلم وشوف وشاور وانا اخوك بس اهم شي لا تكلم الوالده اللين يصير ابراهيم عندك

قلبي على ولدي انفطر وقلب ولدي علي كالحجر
هذا جزاء المعروف انه خايف على اهلك ولا يبي يكدر خاطر امك

اللهم احمي حكامنا



يعطيك العافية

يعطيك العافيه على الطرح الراقي
وهج الخيال

يعطيك أألف عآإإآإآفيهـ ع الطرح
تسلم ايدك يالغلا
بنتظار كل جديد منك دووم,,
..
!!

&زهورهـ&

،


يعطيك العافية

ولاهنت لما طرحت



احترامي لكـ


،

مشعـــــل بن محمد

يعطيك العافية على الطرح الراااااااااااااقي

الله يجيبه سليم

(<>+-&يـــعــــطـــــيــــكـــ الــــفــــ عـــــااااافــــيـــــة&-+<>)

أشكركل من تواجد في متصفحي المتواضع

والله عالم ذات عقول منحرفه
ياشبخ موته ارحم له

تخلف الى ابعد مدى

الله يحمينا ويستر علينا