الزمان مالــهـ امــــان.,:.,:

هاااااااااااااااااااااااااااي

كييييييييفكم ؟؟!!
المهم بحط لكم روايه تجننننن

يله نبدا



قبل كل شي ذكرو الله(لااله الاالله)
الجزءالأول:
تعريف للشخصيات:
ابوخالد:ناصر
ام خالد:نوره
خالد:الأبن الأكبر متزوج عمره ٣٤سنه يشتغل بشركة ابوه اسمر ومملوح
هدى:زوجة خالدعمرها٢٩سنه سمراء عيونها سوداء طويله لون شعرها قجري
اميره:متزوجه عمرها٢٦سنه جميله جدآ بيضاء عيونها جذابه لون شعرها اشقر نعومه
فهد:دكتور عمره٢٥ سنه ابيض عيونه عسليه له سكسوكه طويل جذاب جدآ
حصه:اصغرعيال ابوخالد دلوعه امهاوابوها عمرها٢٠سنه الكل يشبهها بالفنانه هيفاء وهبي مسويه في البيت حركه وحس لسانها طويل
عزام:الأبن الوحيدلخالدعمره١٣سنه؟؟؟؟
واليكم البداايه؟؟

عائلة العالي عائله معروفه بين التجاروالناس الكل يذكر هل عائله بخير كثيرين الصدقات على الفقراء ويوقفون مع الناس وقت الشده

الساعه9صباحآ ابوخالدوام خالد جالسين يفطرون بغرفة الطعام،،نزل خالد مستعجل ويصوت هدى يالله بسرعه تأخرت ع الدوام،،

هدى:لحظه البس عبايتي،،

ابوخالد:خالد تعال يابوي افطرمعنا،،
خالد:عليكم بالعافيه بس انا مستعجل والملسونه اخرتني،،هدى ياللله،،

ام خالد:طيب خلها تروح مع السائق،،
خالد:قلت لها بس ماطاعتني،،

اميره:السلام عليكم،،
الكل:وعليكم السلام،،

ام خالد:هلاببنتي حياك الله،،

خالد:هدااااااااااااى
ابوخالد:وجع يوجعك فقعت اذاننا،،
هدى:تراك ازعجتني ازعاج في ازعاج،،

خالد:الساعه الحين تسع ونصف وانتي تقولين الساعه8جاهزه،،

حصه:ان لكيدهن عظيم،،

اميره:اعوذ بالله منك قايمه بشرها سلمي اول شي،،

حصه:البيت بيتنا والضيوف يطردوننا،،

هدى:اقول انتي ووجهك قولي الأمثال زين بعدين تكلمي،،

ام خالد:يالله صباح الخير الصبح تتهاوشون،،

حصه:هم بادين كل ماتكلمت بوحده ردو بعشره،،

ابوخالد:كل شي الا بنيتي حصوصه اللي يزعلها اذبحه،،

حصه:احم احم
اميره:والله دلعكم الزايد بيذبحها،،

حصه:حرره غايره

خالد:يالله هدى انا في السياره،،
هدى:توصون ع شي انا رايحه لأهلي،،
الكل:سلامتك

حصه:واذا وصيناك وش دعوه بتجيبينه،،

هدى:خاصه انتي لو تبين شي وهو عندي ماراح اعطكياه،،

حصه: اعوذبالله منك ياام قحطه،،

هدى:مع السلامه
الكل:الله يسلمك سلمينا عليهم

هدى:يبلغ

خلصوا مفطرين وجلسوا بالصاله وزي العاده يتهاوشون شوي ويسولفون شوي،،

حصه تستهبل:اخ اخ عو عو

ام خالد:حصه متى بتهونين على هل حركات،،
حصه:اي حركات يمه

اميره:ياعيني كأنها ماتدري،،

حصه وهي منقهره:انتي وش دخلك انا اكلم امي منيب اكلمك وبدال ماتجين لنا كل يوم ودي اشوفك مره قاعده في بيتك زي الحريم من تصبحين لين الليل وانتي عندنا استحي كأنك مااعرستي،،

اميره:بسم الله كلتيني اذا صار بيتك وجيت لمك اسحتيني،،

حصه:لاتوصين حريص

ام خالد:ابروح اصلح الغدا يالله وراي،،
اميره:ان شاء الله يمه

حصه:يمه لاتنسين تحطين سلطه،،

اميره:حصه استحي على وجهك ميب لهل درجه عاد قومي خل نعاون امي،،

حصه:تعبانه راسي يوجعني فيني نوم،،

اميره:حححصصصههه

حصه:اف يالله قومي

دخلو المطبخ وقعدو يصلحون الغدا،،

حصه:يمه مافيه مداسات

ام خالد:الا فيه وشوله

حصه:مدهنه بكريم ‏lkvi

اميره ذبت الصحون وبصوت عالي:هاهاهاهاها

ام خالد:زعقت وش فيك فيك شي

اميره:هاهاههه مافيه شي بس اضحك عليها وش عاده تلبس مداس لا واسم الكريمlkvmjموب lkviوالله انك مضحكه،،

ام خالد:الله يهديك والله انك خبله،،

حصه:الحمدلله العقل نعمه

ام خالد: شوفو من يتكلم

رن التلفون،،،

حطت حصه الي بيدها وراحت تركض وتقول اخيرآ لقيت شي يطلعني من المطبخ،،

ام خالد:وجع شوي شوي كسرتي البلأط

اخذت حصه السماعه
ااالووو قالوا كلي زق وسكروا السماعه في وجهها
وانقهرت وقعدت تدعي عليهم،،
تمشي بخفيف علشان ماتسمعها امها واختها ورقت فوق قعدت في غرفتها شغلت المسجل وحطت اغنيه هيفاوهبي
رجب وربطت قعوها وجلست ترقص،،

اميره:موب كأنا حصه تأخرت لأالحين تكلم،،

ام خالد:خلي راسي يخف شوي الله يعافيها خليها تنقلع،،

عزام:السلأم عليكم
الكل:وعليكم السلام
حب راس جدته وجلس ع الكرسي،،

اميره:عزاموه وانا مالي رب وراه ماتسلم،،

عزام:وش دعوه تبيني اضحك يوم انام وانتي فيه قمت من النوم وانتي فيه اسكتي بس،،

اميره:عزاموه استح انا عمتك وراه ماتبوني،،

عزام:وش فيك زعلتي لاوالله نبيك البيت بدونك وع بس امزح معك وهذي بوسه ع الراس ياغاليه،،

اميره:ييووه ياحبيلك والله

ام خالد:عزام رح قل للسواق يجيب امك من بيت اخوالك الحين،،

عزام:ان شاء الله

اميره:عزام رح قل لحصه يسد خنبقه في التلفون وخلها تجي،،

عزام:وش تلفونه اصلآ حصه قاعده ترقص في غرفتها هي اللي قومتني من النوم مطوله ع الأستريو للأخير،فيه اوامر ثانيه،،

اميره:حيوانه انا اوريها

ام خالد:شوي شوي عليها ترا ابوك نايم اذا سمع هواشكم بيذبحكم،،

فهد:قوه يمه وحبها ع راسها

ام خالد:هلا بفهود الغالي حبتك العافيه،،

فهد:يمه غريبه وين البنات اميره ماجت اليوم وابوي وينه،،

ام خالد:الاجايه توها عندي هي وعزام راحت تنادي حصه وتجي وعزام راح مع السواق يجيب امه من عند اخواله وابوك نايم،،

فهد:عزام توه ملأقيني عند الباب وهدى كل يوم تروح عنداهلها ماتقصر،،

ام خالد:هو واختك اللي من تصبح لين تنام وهي عندنا،هدى تروح الصبح وتجي اظهر،،

فهد:هذا من اهمالكم يمه مفروض تودونها لشيخ وتقرون عليها لين متى تقعد ع هل حال بكره يقصر رجلها ويطلقها،،

ام خالد:هذا اللي انا خايفه منه

فهد:ترا مابي غدا ابروح انام مقصر مره تبين شي،،

ام خالد:سلأمتك بس مر على البنات وقلهم ينزلون يعاونوني،،


في بيت اهل هدى
ناديه: مطلقه اصغر من هدى بسنه
سالم: اعزب اكبر من هدى بسنه يشتغل مع خالد بشركة ابوه له دور مهم بالشركه
ليلى:ساكنه مع سالم اصغر من ناديه بثلاث سنوات
امهم وابوهم ميتين
عائله متوسطه لم يرو الخير الا عندما تزوجت اختهما هدى لم يقصر عليهم ابو خالد في اي شي،،،
هدى:اقول بيجي اخوي وانتم ماصلحتو الغدا

ناديه:دقي على بيتكم وقولي ان اختي ليلى تعبانه وماصلحنا غدا وخليهم يروحون مع السواق

ليلى: لا حرام عليكم قبل امس مروحين لناغداء خلينا ندق على المطعم ونطلب صدق بيهاوشنا سالم بس ارحم من اننا نتعب خالتي ام خالد

هدى:من وين صارت خالتك لهيب اخت امك ولا انتي زوجة ولدها
ناديه:مسويه فيها محترمه
هدى ناديه:هاهاهاهاهاها

ليلى: انا احبها واحترمها الحرمه حبيبه ماشفنا منها شي ويسد انها حاطتك بعيونها وكل يوم تجين لنا الصبح وترجعين اذا جاء حزت الغدا عشان ماتعاونينهم،،

هدى:تبيني اوسخ يديني علشانهم اقول تكفين اسكتي لااصكك بنعله،،

ناديه:اقول دقي يالله بسرعه ولاتنسين خليهم يروحون معه حلى،،

هدى:عطيني التلفون

عزام:السلام عليكم

ناديه هدى:اف اف وش جابك كان صبرتا شوي،،

عزام:جدتي هي اللي قايله رح جب امك من عنداخوالك قبل مانحط الغدا،،

ناديه:اف يهل عجوز دايم كذا

عزام:خاله انا مااسمح تقولين عن جدتي كذا،،

هدى:ومتى تسمح ياولدي
ناديه وهدى:هاهاهاهاها

ليلى:حرام اسكتو ماتخافون الولد يقول لجدته،،

عزام:يمه انا في السياره

ناديه:حافظك الله ياولد جدته هاها

ليلى:لتحدوني اقول لسالم اذا جاء عن كل شي،،

هدى:وه خلاص بنسكت وانتم اطلبو لكم غدا من المطعم،،

ناديه:مامعنا فلوس عطينا،،

ليلى:انا معي

ناديه: كم ياعمري ٥٠ريال

هدى:هاك بس ٥٠٠ريال

ناديه:٥٠٠ريال مره وحده الله يخليك لنا ولايحرمنا من فلوسك،،

هدى:يالله مع السلامه

الكل:الله يسلمك

ناديه:سلميني على العجوز
هدى:يبلغ

ليلى:ناديه موب زين تعبين راس البنت ترا اذا خرب بيتها راح تكونين انتي السبب،،

ناديه:تكفين اسكتي ودقي على المطعم وانتي بتدفعين الفلوس هما معك ماراح اعطيك شي،،

ليلى:طيب اجل وشوله تأخذين من هدى،،

ناديه:انقلعي بس بزره وتتكلم،ولاتخافين على هدى خالد خاتم في اصبعها،،

ليلى:نشوف ترا الزمان ماله امان ياوخيتي،،

ناديه:تراك ازعجتينا بهل كلمه كل يوم والثاني قايلتها،،

ليلى:اذا طاح الفاس بالراس وجت اختك عندنا قولي ازعجتينا،،


ناديه:خلاص لتكثرينها قومي خل نصلح السلطه ونزين السفره،،

في بيت ابوخالد؟

ابوخالد:يالله يابنات وين الغدا
ام خالد:اصبر شوي لين تجي هدى
حصه:وهو كل يوم على هل حال تجي تأكل وتغسل وتروح،،

خالد:انطمي وظفي وجهك انتي واختك خدامات عندحرمتي،،

اميره:والله ياحبيبي موب انا اللي اشتغل عند حرمك اذا سكنا في بيتك تأمر على كيفك،،

حصه:شف انا ماراح اتكلم يقول المثل اذا خاطبك الجاهلون قل سلأما،،

خالد:ياحيوانه انا جاهل لو ابوي وامي موب فيه عرفت وشلون ارد عليك،،

حصه:اقول اميره قومي خل نزهب السفره الكلام معه ضايع،،

ابوخالد:هذا وانا حي تسوون كذا اجل لواموت وش راح تسوون،،

ام خالد:بعد عمرآ طويل ان شاءالله

خالد:انت شفتا وشلون يتكلمن قدامي ومافيه احترام لي،،

ام خالد:وهم صادقين حرمتك من تصبح تروح لأهلها واذا جاء حزة الغدا جت تأكل وتغسل وترقى لغرفتها وكأن مافيه احد بالبيت ولاسوت احترام لأاحد،،

خالد:مسكينه تروح عند اختها ارفقوا عليها شوي،،

ام خالد:على امرك يااستاذ خالد،،

خالد:اف اي واحد يقول كلمة الحق تزعلون منه،،

ابوخالد:اقول انطم اشوفك رافع صوتك على امك اواخواتك والله لاتشوف شي عمرك ماشفته،،

هدى:السلام عليكم وش فيكم صراخكم واصل لااخرالشارع،،

الكل:وعليكم السلام،،

ام خالد:مافينا شي،،

هدى:خلودي حبيبي وش فيكم،،

ابوخالد:يابنت الحلال قلنا مافينا شي موضوع صغير وحليناه،،

هدى:طيب براحتكم،ابروح اغير ملأبسي،،

ام خالد:مري على البنات وعاونيهم باالمطبخ،،

هدى:يوه ياخاله ابروح اغير ملأبسي شوي واجي،،

البنات باالمطبخ يجهزون الغدا

حصه:اميره شفتي هدى جت وكأن مافيه احد بالمطبخ ولاكلفت على نفسها تقول اعاونهم،،

اميره:الصراحه الكلأم ماينفع معها،،

حصه:متى يجي نصيبي وافتك من مقابل وجها،،

اميره:شوفي انا تزوجت ومااستفدت،،

حصه:لأن فيك حاله نفسيه،،

اميره:جزاك الله الف خير هذا وانتي اختي تقولين كذا اجل الناس وشلون يفهمون وشلون يقولون،،،

حصه:هو وش جاك امزح اصلآ اللي يقول فيك شي امحيه من وجه الأرض،،

ام خالد:يابنات ابوكم ميت جوع وانتم قاعدين تسولفون،،

اميره:شوي ويكون جاهز روحي وارتاحي والحن بنزهبه،،


حصه:وش صار مع اللي مايتسمى خالد،،

ام خالد:هاوشه ابوك وقاله اذا رفعت صوتك والله لاتشوف شي عمرك ماشفته،،

اميره:يعجبني ابو اميره

حصه:ققللليي واثقه من نفسك

ابوخالد:يابنات يابنات وين الغدا،،

...وعلى سفرة الغدا...

هدى:خاله الرز خانس وراه ماصلحتوا سلطة الكشري وراه حاطين دجاج انا مشتهيه لحم،،

ام خالد:وش اسوي شغل البيت كله على راسي،،

هدى:والبنات وراه وش شغلتهم جالسين وبس،،

حصه:والله ياحبيبتي الحن نتعاون موب زيك ماتزلين عود،،

اميره:ودي اشوفك يوم تشتغلين ابيك لو تغسلين الماعين،،
هدى:مايحصل ولا في الأحلام

حصه:اللهم طولك ياروح

هدى: هو وش جاهم ياخالد اخواتك عليه عساي قلت كلمه كلوني،،

خالد:خلاص يابنات اسكتو،،

اميره:سكت زوجتك الملسونه بعدين سكتنا،

خالد:ااممييررره بتسكين ولا عطيتك كف اخليك ماتتكلمين طول عمرك،،

اميره:سوها و شف وش يجيك،،

ابوخالد:ازعجتوني كل يوم تتهاوشون متى ربي يأخذ امانتي وارتاح منكم،،

ام خالد:بسم الله عليك بعد عمر طويل وانتم خلأص اسكتو،،،

هدى بصوت خفيف:هاهاهاههه

حصه بصوت خفيف تقول لااميره:والله ودي احرر رقبتها بنت الكلب ههه

ابوخالد:خالد وش سويتا بالشركه ان شاء الله الشغل ماشي،،،
هدى خاشه عرض:اكيد بيمشي الشغل دام اخوي سالم فيها،،

خالد:اخوك وش يزين وجوده وعدمه واحد،لاتخاف يبه كل الأمور زينه ان شاء الله،،

حصه و اميره:هاهاها شوفي وجها،،

هدى وجهها صار احممرر وماتدري وشلون تغير السالفه قالت اليوم اخواتي مصلحين غدا يهبل،،
عزام:يمه هماك معطيه خالتي ناديه ٥٠٠ريال يجيبون غدا لهم عشانهم ماصلحو،،