كلن دخل بحر الهوى

السلام عليكم ورحمة الله وبركاته
ابيات واتمنى ان تنال اعجابكم جميعا
وتحياتي لجميع الاعضاء والمشرفين

كلن دخل بحر الهوى يهتني فيه=
وانا دخلت البحر وبلا شراعي=
الموج يلعبي وهمي وبلاويه=
والجرح فوق الهم زاد الفجاعي=
كله من اسباب الذي دوم مغليه=
اقفى ولا ادري وين واية بقاعي=
اسهر طوال الليل والهم احاكيه=
والدمع اصبح عادتن من طباعي=
وان جيت عند الناس والدمع اخفيه=
غصبن علي ينبان فالخد ساعي=
وان جيت ابرقد فالحلم دوم اناديه=
واقوم من صوت الاهل والصراعي=
الحال صار اليوم محدن يدانيه=
وكلن يقول افلان ماهوب واعي=
واكبر مصيبه يوم انا ابوي الاقيه=
ويشوف خدي من دموعي شعاعي=
صارت حياتي بين عودي واغانيه=
والا على مزعل يطيب استماعي=
لو كان جت بظروف ربي يهنيه=
والله مااطري الجرح واقول ضاعي=
لاكني ادري غيري اليوم هاويه=
ويمشي على اقواله وسمعن وطاعي=
وادري بعد ماهو غلا يوم يعطيه=
يضحك معه والسم في الناب ساعي=
خلاص بحر الحب قلبي غرق فيه=
ماعاد لي فالحب والموت داعي=
يارب جيب الموت للقلب يشفيه=
القلب مايشفيه طب اصطناعي=
الموت هو يشفيه والقبر يرضيه=
كرهت بحر الحب ذا باقتناعي=
بحر الهوى موجه يداوي محبيه=
ياكم غريق مات فالحب راعي=
نصيحتي للي يرى الحب بيديه=
يقفي ولا يقبل بدرب الضياعي=
اسال مجرب عاش عمره يعانيه=
شفت المحبه دوم تلوي ضراعي=

كلمات
ابو هاجر الزهراني