حبك عرفتيه

السلام عليكم ورحمة الله وبركاته
احب ان اطرح لكم هذه الابيات في هذا
المنتدى الشامخ واتمنى ان تنال على اعجابكم
وتحياتي للجميع

كلن عرف قدره على قلب مغليه=
الا قليبي حايرن في ظنيني=
وانتي مثيل الناس قدرك عرفتيه=
قولي وش اللي يجبرك ماتجيني=
الحب سنه والبشر طايحه فيه=
وكل عاشق ذاق طعم الونيني=
الجرح في قلبي ولاكني اخفيه=
اخاف دمع العين لاجلك يبيني=
كانك عشقتي الغير وحبي كرهتيه=
قولي الصراحه وانا ربي يعيني=
انا ادري ان الحب قربت نواهيه=
لاكني اظحك دمعتي تحتريني=
العشق لامن زاد زادت بلاويه=
وانا اشوف العشق جاء يبتليني=
ودي تقولين الذي صار تحكيه=
وش الذي قد صار بينك وبيني=
لو هو تغلي كان قلبي رضي فيه=
وش التغلي بعد عشرت سنيني=
انا اعرف ان الحب بلوه لهاليه=
واليوم حبك صايرن مبتليني=
ارجوك ثم ارجوك قلبي تراعيه=
قولي وش اللي ناويه اليوم فيني=
قولي خلاص الحب وانا اللي انهيه=
واظهر لك الفرحه ودمعي بعيني=
ان كان لك غيري وحبه عشقتيه=
عز الله ان اليوم يوم الونيني=
لاكني ادعي له عسى الله يهنيه=
ياجعلكم دايم بضحك وحنيني=
الحب في يمناي ماضي وخنتيه=
واليوم غيري صار لعبة ظنيني=
اللي جرا للقلب والله يكفيه=
ماعاد اميز من يساري يميني=
وان اجمعتنا صدفتن في لياليه=
اقفي وانا اقفي يمكن البعد زيني=
يمكن هذا الحب ننسى بلاويه=
واعيش مثلك فرح والحب شيني=

كلمات
ابو هاجر