وينك جلست انتظرك

وينك جلست انتظرك ابطيت ما جيـت


طـب دق دقـه أو ارسلـك رسالـه


بالحيل محتاج لـك يعنـي ماحسيـت


وشلـون تسهـر ومحبوبـك لحالـه


معقول يعني ماتسـأل حـي أو ميـت


معقـول هالحيـن مستانـس ودالـه


تعبت أنا من الفـراق ارجـوك مليـت


وان كان تمزح ترى ما هو مجالـه !!


البعد يذبـح وانـا مـا يـوم حبيـت


إلاّ انت يا ضحكـت الخاطـر وفالـه


لي بس طلب واحـد اترجـاك ياليـت


حكـي الحواسيـد ذا مالـك ومالـه


خلّه على جنب .. واضحك لا تقهويت :


صبحك ، وقمت اشربك حتى الثمالـه


ساكن شفايفك جمر وألـف عفريـت


والتيـه ياخـذ مـن عيونـك دلالـه


الله علـى الخيـزران ليـا تثنـيـت


أخاصم الـدرب وامشينـي بدالـه !!


أضيع واحـلا ضياعـي يـوم دليـت


أن الضيـاع بصباحـاتـك دلالــه !


اشم صوتك لو انـك وصـت تكريـت


واقرا شعرك ان تثنـى مـن ظلالـه


حافظك صم اسأل الما كـان شكيـت


يا كيف اشوفـك بصـدره يـا زلالـه


يا شعر يا شعر اصوت كانك اوحيـت


مـا بينـي وبينـك حقـوق وجمالـه


الغالـي اللـي ألـذ مـن التناهيـت


ماقسا من البعـد عنـه إلاّ وصالـه


أنبـش أيّامـي ومـا يـوم لاقـيـت


إلاّ جروحـه وانـا كـلـي حـلالـه


قلّـه أحبـه ولطفهـا بـكـم بـيـت


واكيد ما راح يسـأل ميـن قالـه !!


أنا فطمته علـى شعـري ومديـت :


كل الإجابـات ، لـو يطـرح سؤالـه


أن هزّني في هـدب عينـه تهاديـت


وان ما قطف في يمينه في شمالـه !


جدايلـه ليـل وخــدوده دنامـيـت


وان ما مشى كل مـا فينـي مشالـه


مـا أذكـر بيـوم نادانـي وصديـت


ويا علّ فرقا الغضي ما هـي طوالـه


حلمـت واجـد ولكـن مـا تمنيـت


إلاّ أغمـض والاقيـنـي قبـالـه !!

جلب راقي جنون يسلم قلبك غاليتي امتناني وكل الورد

طرح رـآئع
لآعدمنـآ جمـآل ورؤعه جلبكِ وـآنتقآئكِ ـآلمميز
سلمت يمنــآك من كل مكروهـ
طبت

طرح رائع قلبي

روعه جنون تسلمين
حبيبيتي

كل شي راقي

و عندما يأتي الطرح بهذا الجمال
فمن المؤكد انه سينال الاعجاب

بل
يدل على ذائقة تستطيع ان تجذب
كل قارئ
لهذا الموضوع المتكامل والانيق

من اعماق القلب اشكرك

اخوك
محمد الحريري

فيِض من العُذوبه أغرقتنا بها
نبض يلامس الوجد
وأنسكاب مِدجج بالجمال واللغة وألاحساس

بعيد كل البُعد عن التكلف
سلمت يمناك ياقدير/ ة
وكُونـــ/ ــي بخير وسعادة

مودتي

يسلمو ع المرور

عود يسلمو ع المرور

وصوف يسلمو ع المرور