في بحر شوقي

شوقي
مشتاق لميناك اللي كله شواطي
يبي منه بس شاطي
طرف عينك يسكنه

و ن حصل هدب من اهدابها
يحرّك من رمشته
نسمة رقتك تطمنه

و تجي كلها معاني يرتشف منها
شوية هَنَا
و شويه احساس في كثر شوقي
و اقول في خدرتي
يابعدي انا
وين كنتي انتي

و يبي نبضك بعد
يدف له طرب
كلما جسته سموم العنا
وخوف البعاد عنه ينجلي

و من مخمل هرجتك يرتدي
عطرك اللي في هواه يتلمسه
شوقي انا

يا مهجتي
مشتاق لذيك الضحكة
تلمس جوفي و تضْحّكه
و خفة الظل في بسمتك
عروقي منها ترتوي

يا سعدي لو تحقق بعض المنى
و انا اشكي
و اشتكي لوعة غياب و فرقته
و الحضور انتي دوحته
كل ربيعك لي ينتشي

شواطي عينك لو طرفها يرضى اجي
اسوق مجداف وجدي و ابحرك
و اسولفك لكل موجه تبعدك
تعالي معي لشاطي
مثلك عمره ماجربه

و ارجع كما كنت وسط مقلتك مبتهي
مثل ما كنتي تقول لي
" أنت روحي و روحك عشقها
ياصل سما
مانساك لو كلشي ينتسي
و نا مطرك و في ديمته
الَبْسك للزهر ندى
و النحل يتم فرحته
يعطيك شهد من رحيق فتنتي "

و أجوع شوق و من وجودك اشتهي

ثمن اكتب كلام يخطه لك وله و ينسقه
و يبقى انا و انتي
وسط كلمة " أحبك و انت تحبني "
ياعمري أنا
**
دفتري القديم