إهداء ..قلب من فصلين

مشغول في غيري وانا عنك مشغول
معاي واحساسي يقول انت مو لـي

صارحتني واقفيت عني وانا اقـول
ليته صدق يا ليت ما صـارح بشـي

حاولت اعديها على العرض والطول
بس اعترافك شـي ومبادئـي شـي

وشلون احبك وانت متقسم فصـول
يعني معاي شوي ومع غيري شوي

لو كنت تجبرني على شي معقـول
ما قلت لك اسف وأنا الحـل بيـدي

حتى الكلام اللي يجي منك معسـول
صرت اسمعه واقول يمكن ما هو في

مقتول في قربك واذا غبـت مقتـول
تتجدد أجراحي والاحزان هي هـي

كلمه وعنها لا تراجعـت مسـؤول
خذها وتكفى لا تضايق وأنـا حـي

ارحل وسافر عن حياتي على طول
وان قلت لك ارجع بعد غيبتك عـي