وبعيني آصبك

مدخل


واقول لو ماقلت والي خلقني..
اشتقت لك .والي خلقني لك اشتقت



انت اضمنك والشك بك ما لحقني
لا شك لو كنت اضمنك مااضمن الوقت

عمق





جيت بقناعة فكر والا الزمن ساقك
والا تبي تقرا مشاعر محبّك

عشقتني واستقر العشق بأعماقك
وانا عشقتتك قبل تغمرني بحبّك

آعشْق فيك الحسن والذوق واخلاقك
وآخذك عن درب حسّادك واجنبّك


اشتاقلك واشفق لشوفتْك واشتاقك

واتخيّلك عود ٍ ازرق وآتطيبّك

واضماك واروى ضما لا لاح براقك
واذوّبك في يدي ّ وبعيني آصبّك

وأشرب ملامْحك واطلب عفو خفاقك
واستقبل بصدري النسناس ويهبّك

واقول لايزعلك حرصي على فراقك
ولا تترك الخوف والا الشك يلعبك

وان سالت دموعك الزرقا من احداقك
امسح مدامعْك وإرضْ بما قسم ربّك

اخذ هداياك ، واخذ الورد ، واوراقك
ماابغى آتذكّرْك ولا امدحْك وآسبّك

باستاذنك والله يعينك على اشواقك
ماودي اجرح شعورك وآتلاعبّك

تدري وش اللي يصبرني على فراقك
خوفي على سمعتك من كثر ماآحبّك





مخرج



مابـيـن تقلـيـب الـمـواجـع والاسـبــاب
فاصل رقيق من التعب ..والكئابه..!!

مابين تغيير النوايا والاحباب

.
.
.

دمعه ..

و صوت ..

وذكريات ..

وكتابه ..






لأرواحكم النقيه