ليلة زفافك كلي أحزان وجروح

ليلة زفافك كلي أحزان وجروح
وجفت دموع العين من حر مابي


ليله عناها دمر أحلام وصروح
وصرت أتحراالموت من كل بابي


أنا أعتبرها ليلةً كلها نوح
وأنت أعتبرها هي بداية عذابي


يحيابها غيري وأنا صرت مذبوح
ومنحقي أعلن في زفافك مصابي


أخفيت حبي لكن الحب مفضوح
خلاني أنشر قصتي في كتابي


عزي لمن فارق عشير" ومملوح
ليله حزين ولو حسب له حسابي


وإن عشت أببقى دون غايه ومصلوح
بطرد ((سراب)) ولا يفيد ((السرابي))


سرً كتمته وأصبح اليوم مبيوح
قاسيت جوده من بداية شبابي


وجدي عليها وجد من صارمطروح
مبطي سجين ولا لسجنه أسبابي


أو وجد ((مظلومً)) لهالباب مفتوح
تقوده ((العسكر)) بتهمة إرهابي


هذا وجود اللي من الحب مجروح
لاذاق نوم ولا تهنى بالشرابي