قصائد سمو الشيخ حمدان بن محمد - فزاع - قصائد مكتوبه

من هو فزاع

أنا عنواني اشعاري واسمـي فـي معانيهـا وأوّل بيت أنا قلتـه غـدا تاريـخ ميـلادي
إذا تنشِدْ عن أخبـاري مـن اوّلْهـا لتاليهـا أنااشعاري هي اخباري على ما اْريد تنقادي
وانا أمّي إماراتي ولِدْت وعشـت أنـا فيهـا وابوي أمجاد عرباني وطاري ماضي اجدادي
واخواني أنا المليار مسلـم فـي أراضيهـا وانا القرآن والسِنّـه غَـدَوا زادي وزوّادي
أعيش هْمومي وفَرْحي ولا لي نيّـه أخفيهـا وأكبر همّي المقدس وطفـلٍ جنبـه يْنـادي
يهزّ بْصَرْخته أرضٍ نوى الصهيون يمحيهـا من التاريخ، والعالم وقَفْ مكتـوف الايـادي
وانا ايّامي هـي اسْتـاذي تعلّمنـي لياليهـا فـلا خيـرٍ بإنسـانٍ يِفـادْ ولا بَعَـدْ فـادي
و(زايد) قِدْوِتي (زايد) و(زايد) من يزهّيهـا بلاده شانهـا عالـي باسمـهْ دايـمْ تْشـادي
وروحي (محمّد المغوار) ابن راشد يغذّيهـا من أشعاره من أفكاره، بنيت بْمجدهْ امجـادي
مرَبِنّي على الجودْ وعلى المعروف واحميها بلادي حبّي الأول ولا لـي غيرهـا بـلادي




أنا في الشعر..

أنا في الشعر ابن هذاك إذا إنته تعَرْف الشعر أهيجْ في البحور أمواج، أمشّيها على كيفي
واقول لك لا تجاريني ترى أمشي بدربٍ وعر واذا تبغي تجاريني ترى لك صامدٍ سيفي
ولا تضمن تحوز النصر وانا بحرٍ وانته نهر واذا عارضت تيّاري تبرّى موجي وْسِيْفي
وكم من واحدٍ غيرك تعرّض لي وجاه الكسر ودارت به هبوب رْيَاح في أقوى عواصيفي
تهاجم سايل الأقلام وسطرٍ ما يهزّه سطر وإنته وينها افكارك عن بْيوتي وْتهديفي
تبا روس العلا وانته تحوّل في طريقك حدر تحاول بس ما تِقْدَرْ بأن توصل مشاريفي
نجوم الليل ماتنوِرْ إذا بيّن شعاع البدر وش اللي يجمع الوسمي على سحب ورْعد صيفي
تشوف الجاذبيّه لي في هالدنيا تجرّك جر أنا عكسه أفرّك وين ما أبغي على كيفي



ثمــــار الهـــــوى

ليــتك معي يوم الهـوى نود نسناس من الــفرح والله ما تـدمـــع العـــــــين
نــاس على تعذيب ناس لهـم نـــاس وهــذا الهـوى ياخـــذ قــلـوب المحبين
لكن لا يطري على بـــالك الـــــيـاس ذوق الهــوى دامـك تعيش العمـر حـين
خذ من عطر ورد مع طيب الانفـاس واقطف من اثمار الهوى في البساتين
خلك مع حلو اللما عـذب الالعــــاس الجـــادل اللــــي فايــــق بكـــــل تكوين
لا تحط نفسك بين وعـرات الاطعاس وافهــــم بــأن الحــب عـذب مــلاييـــن
الحــب مــرجع للمحبـيـن واحسـاس والحب هـو فـي قـلب الاحـباب نوعين
على كيف ما تبغي لك تـدق الاجــراس والشـــــاطر اللي يمـــلك الحب بيدين


فهمت العشق
فهمت العشق لى يطلب من الإنسان ذَرْف دْموع
فهمت العشق لى يطلب من الإحساس كل أوجاع
فهمت العشق لى يفرض على الإنسان يعيش بجوع
فهمت وما فهمت اللي سكن في داخله فزّاع
فهمت العشق بحر أحلام غزير غزير بليّا قوع
فهمته بحر أحلامي بحر عشقي بليّا قاع
فهمته نبض فهمته لمس فهمته روح ولا مسموع
فهمت ان العشق فرصة عمر متخبّيٍ بِقْناع
قريته درس فهمته عِلْم أعيشه روح بنور شْموع
بكيته دَمّ جرحته لا عرفت انّ الصراع صْراع
فهمته.. له قوانينٍ ولكنّه بلا ممنوع
فهمته أصعب دْروبٍ مشيناها بلا مرجاع
فهمت ان العشق غصن الوعد في خافقي مزروع
فهمته ملجأ الإحساس ولكنّه بَعَدْ ضيّاع
فهمت ان العشق أحيان يشبه فِ النزول طْلوع
عيشه في اختلاف الوقت مثل ما تختلف الاصباع
فهمته جامع ويجمع وجمّعنا بلا مجموع
بلا مرسى بلا مينا بلا شاطي وبلا مرباع
فهمته عالم الوحده شعارٍ رايع ومرفوع
فهمته كوكبٍ ثاني.. يبيع الكلّ ما ينباع
فهمت العشق لى يطلب من الإنسان ذَرْف دْموع
فهمت العشق لى يطلب من الإحساس كل أوجاع
فهمت العشق له أنواع وعشقي من فريد النوع
فهمت وما فهمت أَصْلاً وش اللى داخله فزاع


يامشعل القلب

يا مشعل القلب تكفي خفّف شويّه القلب من كثر صدّك ويلي لْحال
دامه يحبّك ولا له غيرك بْغيّه وش له تحطّه في دنيا الهمّ وتْناله
انته حبيبي لقلبي نوره وْضيّه تحلا بعيني وقلبي صِرْت تحلا له
وانته ربيع الخفوق وْشمسه وْفَيّه وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّه إنته مهَدّي الغرام وانت زلزاله
للموت انا لك حبيبي صورةٍ حيّه ميّت بحبك وحبّك صِرْت انا اسعى له
يا بو عيونٍ مثِل عين الدمانيّه حورا هَدَبْها مظلّ ودعْج قتّاله
كاسِنّك الحِسْن واوصافك خياليّه ومن راد يوصف جمالك أيتهيّا له



قلب خلك
ما عاد لك في قلب خلك مكانه
لو كنت أمامه يجهل أنك عيونه
منته الذي تتملكه في زمانه
صعبه حبيبي عن رماتك حصونه
يامن تعود عالغدر والخيانه
الحب غالي لو انكم ترخصونه
ارخصت قدرك يوم خنت الامانه
وين الوفاء لي عندكم تتدعونه
لقيت عقبك من الغراشيب دانه
حصباه منك والآلي مخزونه
جمال حسنك ما يساوي بنانه
فتون زينك ما يحرك غصونه
عود يشابه لادن الخيزرانه
عازل هضيمه بين حيب ومتونه
أبغي وصوفه لكن الوصف خانه
حرت بجماله وتوهتني عيونه
لأني صويب مرهف من سنانه
وعزه لقلب نازفات طعونه
يقولها لي قالها من كيانه
يحسب حسابه قبل لا يحاسبونه


الفصول الأربعة

أنساك كلمه مالها أيّة وجود بمرجعي والقلب لامنّ هوى غيرك حبيبي بامنعه
تنتابني ذكراك ما بين الوعي واللا وعي ماكنّك الاّ بحرحلمي والمشاعر الأشرعه
من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه
مع إن فرعك لو رميت الشمس به عيّت تعي إن الدجا يسري لها من دون ما تتوقّعه
إن الدجا يكنز عبيره للنسيم المطلعي كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه
تحتاج تتعبني وأنا أحتاج لك وأنته معي بعض المشاعر تتعب العشاق لكن ممتعه
موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه
وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه
القلب ملكك والفصول الأربعة من مطمعي دام التقت في مبسمك كل الفصول الأربعه




ماقــد عصـــاني

ما قد عصاني بعيشتي عمر دنياي. . ولو اني ابحكي كيف اقدر احاكيه
مادري وش اللي جاب هالحظ وياي.. كل من شكيت لشخص لقيتها فيه
بلوه اصلا كل هالعمر بلوه .. راضي و يا ليت اقدر اقول وافي
لا اني بعطشان و لا شارب الماي و لا اني انا ماخذ و اقول معطيه
لا اني انا المذكور و لا اني بمنساي .. مادري انا اللي غالي او اني اغليه
احسب خطاي و كل خطوه بممشاي .. امشي برمش رضاه لو رمش بمشيه
عشق و غرام الموت واحساس بلواي مادري لايه غربه اليوم بنفي
ذوبت لك عمري مثل سكر بشاي.. عمري الحياه يا سكر العمر اغليه
كل الحواس تقول وش جاي وش جاي. خايف تضيع اصابعي باصبع ايديك
ابغي اشبه نظرتي ترسم خطاي.. حتى القصيده ما لقت اي تشبيه
مادري عاد تعود بحزن و الناي ماقدر اذمه ولا بعد اقدر اغليه
قالولي هذا حزنك و قلت (ش)الراي.. اية حزن اية اباسميه
يومي انا هذا انا عشت دنياي .. ليل وراه الليل وش عقب يجي
عشت بزمان قلت للطير مولاي .. كل من رفع جنحاه فزيت لبيه





يا طيب القلب
يا طيب القلب حكم قلبك الطيب
اخرت غيرك وبعدته وقربت
ليه التباعد مع انك دايم قريب
من وين مااصد في عيوني تخيلتك
ليه انت ناسي وذكري عندك مغيب
تنسى وانا اذكرك وانسى اني تذكرتك
صارحتك بما يكن القلب ياحبيب
والظاهر اخطيت في ظني وصارحتك
لو بعزى الصبر دونك قال ماثيب
المشكله ياطول العمر مشكلتك
الصبر شيب وشوق القلب ماشيب
لازال يلعب في قلبي كل ماشفتك
كم احسن الظن فيك وترجع تخيب
كدرت بالي وانا مايوم كدرتك
اليوم حتى شعوري منك متريب
هذا خفوقي يحذرني وحذرتك





جيتك على الموعد

جيتك على الموعد ولا جيت وش عن لقانا مانعنّك
كنك عن الموعد تخلّيت يا ويل ياللي عاشقنّك
ليتك لصوت المغرم أصغيت أوتار صوته يعزفنّك
كل حرف منّك يستوي بيت وأربع حروفٍ ينطقنّك
يا ما على شانك تحدّ سود الليالي و أسهرنّك
منّك أنا لا حي لاميت لا ميّت و لا حي منّك
يوم بنظر عيني تربّيت و آمرت بامرك طايعنّك
ليش التغلّي والتعنّي آهات صدري ما كفنك


يتبع

صبري ملني

لِمِّني في مَحْجَر عْيونك حبيبي وخلّني خلّني آشوف نفسي في عيونك واطمئن
دامِك إن سَلْهَمْت بالرمش الظليل تْفِلّني لعنبو ذا الرمش كيف انّي من اسبابه أجِن
حبّك اللِّي تَلّ قلبي من بَعَدْ ما تَلّني صِدْق أنا ميّت بحبّك كانها عيونك كَفَن
إجْمَعْ اللِّي باقيٍ منّي شتات ودلّني شوفني ذاك الغريب اللي يدوّر عن وطن
صَدّك اللي هَدّ حيلي والجفا لي علّني ليه قلبين المحبّه بالمحبّه ماالْتِقَن
قلت ابـ اصبر والصَبِر من زود صبري ملّني وقلت ابـ انسى واثر طيفه صارله عقلي سجن
ضاعت دْروب المحبّه والحزن ما ضلّني يا حسافه ذي الليالي.. ذي الليالي ما انصفَنْ
لا تهلّ دْموع من عينك أخاف تْهِلّني خايف أطْلَعْ من عيونك لا من بـ يومٍ بكن



برج العَرَبْ

في عبَارات العيون أشْيَا كثيرة تسألك دَمْعَها حَكي وْندَاها بَلَّل الخَد النديّ
ما قدرت أرضي غرورك واستحيت آزَعّلِكْ كلما لك وانت تنْهِيْني وانا ارِدّ ابْتِديّ
دام نَظراتك مَدارات وْرجَا قَلبي فَلَك كَم عـن برج العَرَبْ يبعد مدى برج الجدي
قلت تقريباً عدد ما عاشِقْ بْحبَك هَلَك تقصد الا عدّ نِصّ جْروح قلْبي يَا بْعَديّ
قلت لك لا لا ترد تْقول لي مَا قلت لك المشاعر ما تنام الاّ انت قلت لْهَا ارقديّ
وانت يوم الله عَطَاك أحلى الوصوف وْكَمَّلك كيف تتركني على شَطِّك وانا قلبي صديّ
والله ان عروق قلبي كلّها ترتاح لك ليتك الاّ مثل ما خذت بْيدك خذت بْيديّ
من لمَسْت ايدك وانا اتْفَداك واتْفَدَّى هَلِكْ ما دريت أنَّ الهَوى والعشْق باللَّمْس يْعَدي؟







روح وروح
روح و روحابعد بدنياك…
يا متعب قلبي بصــدك …
الدرب لي ضحك بكـاك…
موت تكوىبنار حقـدك…
كم في العذارا ناس شرواك …
بحر الجــمال يفوق مدك…
اليوم الي بيصـــير وياك…
باكر معاك الايــام ضدك …
تذكر زمان كــنت اهواك …
انت الوحيد ومـــين قدك…
ودك ادورغير لقيــــاك…
ودك ادور غــــير ودك…
انا نســيتك قبللانساك ...
وحتى خـفوقي اليوم هدك…
وبكل صــراحة واتحداك…
اوقفمكـانك عند حدك…
لقياك اصــبح مثل فرقاك…
والبـــحر مده غيرمدك…
والـدرب لي ضحك بكاك …
موت وتكوى بنار حقـدك


الــســنـــيـــن الــمــاضــيــه
والله لاخلي السنين الماضيه تعني و اوادع الناس و ارجع و اخذ المعنى
يمكن حبيبي اذا غنيت يسمعني قبل البحر يا قلوب الشوق يبلعنا ..
و اللي خذاني و عيا ما يرجعني و الدرب مجهول و التفكير ضيعنا
يدفعني الشوق لو اواصله يدفعني تبادل العشق و هو سبت دوافعنا
تدرون قلبي على هجره ما طاوعني الناس تعذل و حنا ماتسمعنا
لا قلت احبه تراه الصاحب المعني و اللي مع الهجر طبعا ً ماهو ب معنا ..
لا قال دعني و انا ماقلت له دعني يالين سالت من الفرقا مدامعنا
حتى في يوم الموادع يوم ودعني بكت جميع الليالي من موادعنا ..
الله يمتعك بالقاي و يمتعني بلقاك و السحب تمطر من تمتعنا والله
لاخلي السنين الماضيه تعني و اوادع الناس و ارجع و اخذ المعنى ..
يمكن حبيبي اذا غنيت يسمعني قبل البحر يا قلوب الشوق يبلعنا
اللي خذاني و عيا ما يرجعني و الدرب مجهول و التفكير ضيعنا ..



ثلاث أيّام

ثلاث ايّام مرّن في حياتي غير ثلاث ايّام عشت الحبّ واغليتك
ثلاث ايّام واتهجّى كلام الطير كلام أعْذَبْ من اعْذبْ من تفدّيتك
رسالة حبّ شاهدْها غلا وْتعمير على فْوادي تربَّعْ واسْكنْ فْـ بيتك
أقول إشْ قد انا عطشان وانت البير دَلو فكري نَضَحْ من كلمتي ليتك
أقول الـي ما يصير لْعينك انت يْصير ولو حتى بْثرّيا الكون حطّيتك
حبيبي والغلا صوره بلا تصوير صوَرْها بكل رَمشة عين أنا ريتك
حبيبي والعطا يحتاج للتقدير إذا صرّحت أنا اللي حّيك وْمَيْتك
ثلاث ايّام مرّن في حياتي غير ثلاث اّيام عشْت الحب واغليتك
ثلاث ايّام لكن ما ادري شِ التفسير بس ادري من ثلاث ايّام حبّيتك



قصيدة ساجدة
لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنتـي
ولك غلا في صَميم الروح حَاضر حضور
واشهـــد انــك بقلبي وْلا عـن العيـن غبتي
يا سَـــنا الكــون كلّه والعــواطف بحـــور
يا ضيــا العيــن ياللي في وَسَطـــها سـكنتـي
يا بَعَد كـــــل من لي يا أريج الزهــــــــور
يا أعـذب حروف تظهر في كلامي وصمتي
يا شعـــــاع تحلّى وْلا على الـــنـور نـــور
بـس مـا غيـر نـورك يظهـــر ليا ظـــهرتي
ويْا ملاكٍ خلـقـــه الله لعـمـري ســــــرور
وش تفيد الحيــــاة بْــيــوم لا من زعَـــلتي
أعتذر لك ياعمري ولو بعــــذري قصـور
وانتي قدرك عَ راسي وْلا حشا بيـوم هنتي
إبسمي يعل ربّي يحفظـك م الشـرور
تبتســــــم لي حـَيــاتي وقت فيه ابتسمـتي
ان زعلتي عَلـّـــيه كن كــــوني مهجــور
وان رضيتــــي تسـابق ابتسامتي فرحـتـي
إنحنَـتَ لك قصــــيده ساجـــدة ع السطـــور
كــثر مـا انتي بمَـكه يا اطـهر الناس طفتي


قدّها وقدود
صدق من قال يا محمــد بأنـك سيـف ما تنصــد
مـرواتـّك علم خفـاق وفيـك المرجـله والجـود
يا ابو راشد و ابن راشد بنيـت امجــاد لك تشهـد
تجـف أقـــلامي بمـدحـك,يحير العـد بالمعـدود
إذا مــنـك بغيـت الشــــي فــلا عنـه مــرد وبــد
تطـول اللي تقـوله عـــز وانتـه قــدها وقــدود
أشــوف النجم ذاك بعيـد,و أنت من النجـم أبعـد
ألا يا حظ أبو من هـو تكـون انته معه موجـود
إذا اسمــك يجي في الشعر يزيـد البحر مده مد
يزيد الشعر في الشاعر تجيه أبيات دون حدود
مروض جامحات الخيل,مهدي المـوقف المشتد
مفـرج كـربة المظلوم,وشـوق الفاتنات الخـود
أحـــد مثلك أنـا ما اللقى رجـل مثلك أبـد مـا حـد
على شعبه سطـع نوره مثل بـدر اليالي السـود
أنــا لاجـلك كتبت الشعـر وفضلك سيــدي ممتد
على طـول المـدى نبقى لشورك طايعين جنـود



نخوة قوافي
يا مسا السكّر على الغصن الرطيب يعل تسقي ديرته وبل السحب
زارني والفكر ساري سري ذيب قلت سبحان الذي ساق ووهب
قلت ياليل اللقا والشوق طيب طيب لاصحاب الحسب واهل النسب
القوافي تنتخيني قبل اثيب وما على سنّي من اشعاري عتب
إن بدعت الشعر سِنّي ما يعيب من صغر سِنّي وانا قافي عجب
القوافي بَدعها حظ ونصيب بس انا حظّي على القاف انتصب

إن صعب قافي ترى فالي يطيب مطلب افكاري هو القاف الصعب
دامني في صغر سِنّي قبل اشيب أملي الدنيا زغاريد وطرب
ما عليّه لو غدى شكٍ وريب وش على الصادق إذا الحاسد كذب
دام فعله دون قولي ما يصيب كيف لو فعلي على قوله وثب
ظنّ بي ظنّ الحسود المستغيب وابتليته بلوة السيف الحَدَب
قمت اجيب اللي عجز عنّه يجيب ما قدر يكشف عن عروق الذهب
كيف الوم اللي نظر عينه عطيب ما يميّز بين زرفال وخبب
المعاني بدع فكري واللبيب يدري ان الراس ما يتبع ذنَب
الشعر ماهوب لامثالي غريب لاني بحاجة من احتاج وكتب
وارثنّه هوب في حاجة نسيب الضعيف اللي إذا احتاج انتسب
وانت يابو نصّ ظن ونصّ عيب لا تسال الكرْم عن لون العنب
لا تسال الشط عن موج الغبيب البحر مايرحم صغار الخشب
والعرب ما تفخر الاّ بالنجيب واشهد انّي عندهم عِزّ الطلب
وانت يالمحبوب لك ربّ حسيب لا يغرّك من تباعد واقترب
وانت لو تخطي على قلبي مصيب صابني من بَيّة عيونك هدب
إن رماني رمش عينك يالحبيب جرحك علاجي وانا ادوّر سبب
إسأل مجرّب ولا تسأل طبيب العَرَب ما تفخر الاّ بالعَرب


يامرحبا
يــا مـرحـبـا يـــا مـغـلـط فـــي تلـفـونـي مسموح .. مسموح والغلطـات عفويـه
صفريين تسعـه وستـه .. ستـه تمونـي الـرقــم هـــذا فـتــح خـــط الـسـعـوديـة
ان قـلـت لـبـيـك آمـــر هـــذي عـيـونـي فتـحـت ذا القـلـب والنـيـه عـلـى النـيـه
خليـت لـك فـي الحنايـا بصـمـه ولـونـي تفـرق علـى لــون دمــي فــي مجـاريـه
خليـت لــك يــا حبيـبـي بـيـت فرعـونـي يخربـط النـاس فـي الـروحـات والجـيـه
وخليت لك في عيونـي ركـب وضعونـي تـزعـل وتـنـزل تـحـت جفـنـي وفـوقـيـه
يا صاحبـي وان نشدنـي طيفـك شلونـي اقـــول طـيــب وطـيـفـك فــيــه مــاريــه
مـاريــه يـــوم تـقـبـل تـجــذب لـحـونــي واجـر لـه مـن لـحـون الـشـوق قافـيـه
بيـحـت يــا قـاصـد الغـلـطـات مكـنـونـي وانـا رومنسـي احـب اهـل الرومنسيـه
من دونك اعيش وانت تعيش من دوني يـا ليـن اوحيـت صوتـك يـا لعنبـو حـيـه
رجـت زوايـا خفـوقـي وانـشـد ركـونـي وانـا ولـد شيـخ لــي هيـبـه وشخصـيـه
الارض ارضي والكون المرجله كوني لــكــن الــحــب والـعـاشــق وطــاريـــه
تكـفـون يـــا نـــاس بالله لا لا تلـمـونـي الصـدفـه الـلــي بـلانــي عـــاد جـبـريـه
سمـونـي العـاشـق المـغـرم وسمـونـي الـشـاعـر الـلــي قـصـايــده ارتـجـالـيـه
قنـابـل مــن فـكـر راســي ومضـمـونـي لـكــن قـنـابـل غـرامــه هــــي بــذريــه
واغـنـي الـبـيـت مـتـواكـب ومـوزونــي مـبــدع ومـجـنـون وافـكــاري خيـالـيـه
يـا نجـد ودي اغـنـي بــك عـلـى هـونـي حـوريـة الارض فــوق الارض نجـديـه


الجوال
لا تحـسِـبْ وْرود تـنـثَـرْ لـــك غـــلا وتـفـلّـه والبَحَـرْ عشريـن وِنْجومـه وْضِحْـك هْـلالـه
تعتـقـد إنّــي أنـــا مَـيِّــتْ .. وانـــا لا والـلّــه آنـــا لا مـيّــت حبـيـبـي لا ولا الــلّــه قــالــه
لـى يبـي يقـرَبْ خفـوقـي مــا يجيـنـي بْـزَلّـه زلّــةٍ أسْـمَـحْ لـهـا ومــن عقـبـهـا بِـزْوالــه
كـان عنـدك هــرج بتْقـولـه لقلـبـي قِــلْ لــه وش علينـا بْهَرْجـة المسكيـن واللـى قـالـه
ما عرف شَيٍ في بالـي لا بغيـت أوصـل لـه ويـذكـر اسـمـي يومـهـا وبحـلّـه وبترحـالـه
مـن يـحـب بـحـب ضـايـع قـلـت الـلّـه شـلّـه ضـاع واللـي ضـاع عـنـدي إحتـيـاط بْـدالـه
والله لا احـذفـه أنــا ويصـيـر حــرف العِـلّـه يالين مـا يضحَـكْ عليـه ابليـس قبـل عْيَالـه
لي (مَسِجْ) يكتب في بالي وعقبها أرسل له ويـدخـل بْشـاشـات حـبّـه وينـحـرِقْ جَـوّالــه
مــــن خـبـالــه إلْـخـبـالـه نــيّــةٍ نــــاوٍ لــــه ولا بغيـت ازيـد شــاف خْـبـال غـيـر خْبـالـه
أرفـعــه وارجـــع أذلّـــه وارفـعــه وآذلّــــه ليـن أسمـع مرّتـيـن بـأذنـي يــا هــي حـالـه
ولو بغاني هو رقى لي والاّ انا ما انـزِلْ لـه لا لـه انــزِلْ لا لــه ولا ألــف مــن أشكـالـه
ذا طريـقـي مــن عرفـتـك والطـريـق تْـدلّــه الطـريـق الـلـي تـدلّـه لازم ان تسـعـى لـــه
خِـذْ مــن الشـاعـر كـلامـه والاّ حـبّـه خَـلّـه أنــا آحـبّـك .. لا حبيـبـي لا ولا الـلّـه قـالــه

القلب ماهو لعبة

الـقـلـب مـاهــو لـعـبـة ٍ فــــي يـديـنــك ياللـي المشاعـر كلهـا عـنـدك اوهــام
الـفـرق واضــح صــار بـيـنـي وبـيـنـك مثـل اليقـيـن ومـثـل طـريـات الاحــلام
مـاعــاد يـنـفـع لــــو يــــردك حـنـيـنـك خطاك كان اكبر من اسف حبر الاقلام
حـتـى الـرسـايـل فـــي هـوانــا تـديـنـك عـنـوانـهــا كـــــذب وخــيــانــات وآلام
بنـسـاك بنـسـى كـــل زيـنــك وشـيـنـك جــرح ٍ جـديـد وزاد ع جــروح ٍ قـــدام
ســدد مــن ايــام الشـقـا بـعـض ديـنـك والـلـي يـسـوم الـنــاس لابـــد يـنـسـام
كـنــا عـلــى كـــل الـخـطــا عـاذريـنــك لانستـمـع بـالـلـي حـكــى فـيــك لـــوّام
والـيــوم قـلـبـي والـفـكــر رافـضـيـنـك هيهـات يرجـع حـب مـيـت مــن الـعـام



لاتحاول
لا تحـاول تعيـد بدمعتـك مــا مـضـى ما تداوي دموعك جرح طول البعـاد
إنتهى الحب يا اللـى بيننـا وانقضـى ولا بقى لك بقلبـي غيـر ذكـرى وداد
كنت أجيك بْخفوقٍ فيـه حـبّ ورضى وكنـت انت حبيبـي غايتـي والمـراد
وكنت أشوفك حياتي جوّها والفـضى اوكنت يومٍ تغيب آمـوت هَـمّ وْ نكـاد
بس خِذْها بْصَراحـه القضـا بالقضـا ذوق كاسٍ شربته منْك اسمـه عنـاد
يرفض القلـب مثلـك بـه ودادٍ حظـى دامه انسان مثلك قطعـةٍ مـن جمـاد
ما تعيش المشاعر في خفوقٍ فضى كيـف تبنـي ودادٍ لـه عـنـادك عـمـاد
يا فقير المشاعر، يـا شتـات الشظـا المحبّـه بــوادي، وانــت والله بــواد




قبل لاتروح
بغيـت أعلـمـك قـبـل تــروح يــا خـلـي إن زعـلـك صــار هاليومـيـن بـزيــاده
كنـت أحسبـك كـل مـا صـديـت متغـلـي بس للأسف صار هذا الطبع لك عـاده
بينـي وبيـنـك أشــوف البـعـد أسهـلـي خلاص بابعـد مـا دام ان عنـدي اراده
أصفيت واحسب انك كنـت صافـي لـي تبغي الحقيقه كرهـت الحـب واجهـاده
من شمس هجرك ما عاد يفيدني ظلي وش فيـه قلبـك يزيـد فـي لينـي عنـاده
وهـو مـن اول الـي مـن جيـتـه يهـلـي ويحـط لـي فـي حنـايـا القـلـب سـجـاده
ويشاغـب نجـوم اهــل اللـيـل ويهـلـي ويفتح لي ابواب حصنه وادخـل بـلاده
وانـا اتركـه فـي ربيـع الخـافـق يبـلـي مـشـاعـري كـلـهـا بــرضــاه مـنـقــاده
يا كبر جرحي مـن الهجـران يـا غلـي مـا عـاد جانـي مــن الأحـبـاب نـشـاده
حمـام الأحـبـاب سلمـلـي عـلـى خـلـي لأن زعـلـه صــار هاليومـيـن بـزيـاده
بغيـت أعلـمـك قـبـل تــروح يــا خـلـي إن زعـلـك صــار هاليومـيـن بـزيــاده
كنـت أحسبـك كـل مـا صـديـت متغـلـي بس للأسف صار هذا الطبع لك عـاده




خلاص يعني

خلاص يعني كل شَـيّ انتهـى وراح خــلاص يعـنـي مــا بقيـنـا حـبـايـب
يعنـي وعـودك كلهـا كـانـت مْــزاح والاّ انت ما لك في المحبّه رغايـب
وين العهود ووين لحظات الافـراح يعنـي تلاشـت مـع هبـوب الهبايـب
القلـب بعـدك مـن لـه اليـوم يرتـاح من بعـد مـا هـو فـي محبّتْـك ذايـب
ياما علـى شانـك تحمّلـت الاجـراح وياما جروحي من صدودك عطايب
سرقتني عن جملة الناس يا صـاح والفـكـر عـنــدك مـاخـذنّـه نـهـايـب

خِلّـك يحبّـك يـا بَـعَـدْ سِـيْـد الـمْـلاح إن رحــت عـنّـه راودنّــه مصـايـب
خَلّك معـه دام الهـوى حيـل نضّـاح والواش رِدّه يا هـوى البـال خايـب



منابع دموع المحبين
مــنــابـــع دمـــــوع الـمــحــبــيــن عــيـــنـــي تـبـكـي عـلـى نـفـسـي و تـبـكـي عـلـى الـغـيـر
وعــــن الــغـــلا يــــا ســـاريـــه خــبــريــنــي هـل عـاد لـه فـب الـقـلــوب الـحـبــاب تـاثـيــر
قـلــب الـفــراق الـلــي غـــدى لـــه حـنـيــنــي ظـمـيــان و الـقـصــه مـاهــي جـمــة الـبــيــر
لــكــنــهـــا شـــــــوق يــــدفــــه ضــنــيـــنـــي يــا لـلــه عـسـاهــا مــا تـطــول الـمـشــاويــر
نــوارتــي..تــجـــمـــعـــي و اجــمـــعـــيـــنـــي و تـغـطــرســي عــلــى جـمــيــع الــنــواويــر
مــالـــي عــــذر حــتـــى اقــــول اعــذريــنـــي بــس احـفـظــي تـركـيــبــة الـبــيــت الاخــيــر
اشـــــرف مـــثـــل مــقــاصـــده تـحــتــويــنــي قــــل الــعــطــا ... و لا كــبـــار الــمــعــاذيــر
خــلــي عـلامــلــت الـشــقــا فــــي جـبــيــنــي عــطــر و بـســاتــيــن وورود و عـصــافــيــر
ابــــي اشــــوف الــعــيــد فــــي مـقـلـيــتــنــي و اركــــب لـقــلــبــي جـنـلــحــيــن و اطـــيـــر
و ابـــي اعــيــش الـعـمــرمــا عـــاد فــيــنــي اصـــــــــادم الايـــــــــام والا الـــمـــقـــاديــــر
يـــا مـشـغــلــه خـــط الــغـــرام اشـغـلــيــنــي تــــــــراي جــــــــوال بـــلـــيــــا فـــواتــــيــــر
تــمــردي عــلــى الــنــظــر وســــط عــيــنــي و تــعـــددي عــلـــى وجـــيـــه الـجــمــاهــيــر
لان الــمــنــام الـــلـــي بــغــيــتــه يــجــيــنــي عــيــا يـجـيــنــي لــيــن مــســيــت بـالــخــيــر



هلا بالي
هـلا باللـي سـبـى قلـبـي واخـذنـي حسـنـه بـقـوّه سَلَبْ روحـي واخـذ صبـري وأنفاسـي مـن يْديّـه
أحــسّ انّــه لـعـب بالقـلـب لعـبـة شـاطـر وْمَــوّه يبعـثـرنـي.. ويجمـعـنـي رجـــا واحـــلام ورديّـــه
إذا نـوّر ظــلام اللـيـل عـرفـت ان الفـجـر ضــوّه تبسّـمْ مـن جبينـه مبسـم الصبـح وضحـك ضـيّـه
واذا سلهـم برمشـه طـرت مـن جَـوّي إلـى جـوّه ورحّـب بـه خفوقـي غصـب عنّـي قــال يــا حَـيّـه
أثارينـي بحسنـه طحـت وانـا اظـن الـهـوى تــوّه فكيـف ان الهـوى تـوّه وانــا غـرقـان فــي طـيّـه
تعلّقـتـه وصــار الـيـوم نـــوّ الـقـلـب مـــن نـــوّه مــع انّــي قـبـل هــذا الـيـوم كـانــت نـيّـتـي نـيّــه
قبل يطري الحسن حسنه لفظ قبل اسمـه سْمـوّه تسامت به سنا الحسن وسرت له سحب وسميّه
تقـول ارفـق بمـن حَبّـك وعقـب اللـي تبـي سَـوّه تــرى ميْـتـك إذا شـافـك تــرد الــروح بــه حَـيّـه
حبيبـي خـاطـري عــن مــا بــدا لــه عـبّـر وْنــوّه ومن شرواك يفطن وانت شمـس الخاطـر وْفَيّـه
إذا كــان الحـيـا يمنـعـك.. مـــا تمـنـعـك لِـمْــروّه واذا خايف مـن الحِسّـاد قِـلْ لـي.. طاحـت الحِيّـه





هدهد سليمان

تـــخــــاف الـــنــــاس مـــــــن لـــيــــلً هـــــــذوا بـــــــه عـــقــــب مـــــــا شـــافــــوا الــعــالـــم غــــــــدوا بــــــــه
أنـــــــــــا لـــــــــــو مــالـــقـــيـــت إلـــــــــــي لــقـــيـــتـــه لأســـــــــــوي بـــالــــزمــــن أكـــــبــــــر أعـــجــــوبــــه
أنــــــــــا دربــــــــــي عـــــلـــــى الــعــلـــيـــا صــنــعـــتـــه ومـــــــــــن راد الـــــعــــــلا يـــصــــنــــع دروبـــــــــــه
حـــكـــالـــي هــــدهـــــد ســلــيــمـــان عـــنـــهـــم وعـــــن ســـــــــرٍ و أنـــــــــا غــــايـــــب حــــكـــــوا بـــــــــه
ألا يـــــــــا طــــيـــــر خـــبـــرنـــي و أنـــــــا إلـــــــي مــــثـــــل ذاك الـــجـــبـــل يـــالـــلـــي الـــتـــقـــوا بــــــــــه
خـــــويـــــي الــــــــــدرب مــــــــــا يـــمــلــــك حــبــيـــبـــه يـــــشـــــوف الــصــاحـــبـــه غـــــيـــــر مــحــبـــوبـــه
قـــصـــيــــدي مـــــثـــــل مــــــــــا الـــــعــــود الـــمـــركــــز يــــــــــدش الـــــــــــراس ويـــغــــيــــر أســـلــــوبــــه
صـــــبـــــاح الـــخــــيــــر يـــــــــــا أحـــــمـــــد مـــحــــمــــد صـــــبــــــاح يـــلــــعــــب بــغـــصـــنـــه هـــبــــوبــــه
أنـــــــــا لـــــــــولا الــمــشــاعـــر مـــــــــا أتـــكـــلـــم عـــــــــن الــــلـــــي صــــــــــادق أو صـــــدقـــــوا بــــــــــه
مـــشـــاعـــر شــــاعـــــر يـــبـــغـــي يـــتـــحـــرك عــــقـــــب مـــــــــا كـــــــــان صــايــبــهـــا رمـــــــــوا بــــــــــه
مـــــــــدى الأيـــــــــام لـو تـــغـــريــــك تـــجـــهــــل مثل الــعـــالـــم فـــــنـــــوا يــــــــــومٍ اكـــــتـــــدوا بــــــــــه
وعــــلـــــى درب الــمــجـامـــل والــمــنـــافـــق ألا يــــــــــا كـــــثـــــر الـــــنـــــاس قــــــــــد مـــــشـــــوا بــــــــــه
وأنــــــــا رجــــلــي عـلــــى الــطـــيـــب اتــخـــطـــى وهــــــــي مــــاهــــي عــــلــــى الــطـــيـــب مــغــصــوبــه
ولـــكـــنـــه طـبـــــع أبـــــــــوي وطــــبـــــع جـــــــــدي بــــنـــــوا لـــــــــي مــــجـــــد حــــســـــادي دروا بـــــــــه
و أنـــــــــا إلــــــي تـــصـــنـــع الأمــــجـــــاد كــــفـــــي مــــكـــــان أبـــــــــوي لامـــــــــن غـــــــــاب أنـــــوبـــــه
مــــجـــــرد أبـــســـــط الـــخـــمـــس ألاصــــابـــــع عــــلـــــى وجــــــــــه الـــــدهـــــر تـــضـــفــــي عـــشـــوبــــه
أنــــا شـــاعــــــر مـــمــــيــــز فـــــــــــي حـــيــــاتــــي أســـــهــــــل كـــــــــــل درب لـــــــــــه صــــعــــوبــــه
وإذا تــــبــــغــــي بــــــأبــــــدل انـــجـــلـــيـــزي و أتــــرجــــــم لـــــــــك بــــــــــــدون أيـــــــــــــة تــــعــــوبـــــه
There Are days call of a distraction many feelings appear لــــــمــــــا تــــــروبـــــــه
The night and darkness has many relations it goes and comes والعالم مشوا به
إذا تــكـــلـــمـــت عـــــــــــن يــــــــــوم الـــقـــيـــامـــة أحـــاســـيـــســـي تــــفــــاجــــأ هــــــا بــــرعــــوبــــه
وبـــــيـــــن الـــلـــيــــل والــظــلـــمـــا عـــــلاقـــــة تـــــجــــــي وتــــــــروح والـــعــــالــــم بـــــهــــــوا بـــــــــــه
وأنـــــا قــــلــــت الـــبـــيـــوت إلـــــــــي عـجــبــتــنــي ورحـــــــــت بـــــــــدرب مــامــنــكـــم مــــشـــــوا بـــــــــه
لــــــو إن وجـــــــــه الــــزمـــــن عــــاقـــــد حـــجـــاجـــه مـــــــــدار الأرض تـــشـــكـــي مـــــــــن شـــحـــوبـــه
أحـــــــس بــــظـــــروف وقــــتـــــي و أتــــفـــــادى مــصــادمــهـــا لـــــــــو إن مـــــــــا بـهـــا صـــحـــوبــــه
وأحــــــــاول أمـــتــــلــــك عـــــقــــــل مـــفــــكــــر عـــبــــاقــــرة الـــــزمــــــن مـــــــــــا فـــــكــــــروا بـــــــــــه
كـــذا الإنــــــســــــان احــــــســــــاس وعــــــقــــــل قــــــبــــــل يــــــبــــــدا خــــطــــاويــــه مـــحـــســـوبــــه
صـــنــــعــــت مــن الــــــوعــــــي مــــــبــــــدا التــــســــامــــح لان ابــــــــــــن ادم كــــــبــــــار عــــيــــوبــــه
واقــــــــل الــفــهــم مـــبــــدأ ما اقتنعته مــــــــا هــــــــو صـــوبـــي وانا مانـــــــــي بـــصـــوبـــه
لــــــــو إن قلب الـحـقــيــقــه غــــيـــــر عـــــــــادل لــتــلــقـــى الـــمـــجـــرم بــــــــلا أيـــــــــة عـــقـــوبـــة
بــــــشــــــوت ســــتــــرهــــا مــــــاهــــــو بــــضــــافــــي يــحــظـــنـــهـــا الـــكـــبـــيــــر كــم ثــــــوبـــــــه
جــــــــــــــزاك الله خـــــــيــــــــر يـــالـــلـــيـــالـــي وذاك الـــــنـــــجـــــم قـــولــــيــــلــــه يـــــا دوبـــــــــــــــه
يـــــادوبــــــه يـــــقــــــدر يـــــضــــــيء الــــمــــجــــرة و أشــــعـــة شـــمـــســـنـــا تــــعــــلــــن غــــــروبــــــه
يــــــــا لــــيــــت الــبـــحـــر الاحــــمــــر يــنــشــــرب لـــــي شــربـــتـــه بس من يــــقــــدر شــــروبــــه
مـــجـــمـــعـــة الــــحــــكـي مــــــانـي بـــمـــنـــهـــم ولا أســــــولــــــف بــــــشــــــي ســــولــــفــــو بــــــــــــه
أعــــبـــــر مـــــــــن إحـــســـاســـي مــا يـــصـــعـــب عــــلـــــى الـتــقــلــيــد وإلــــــــــي قـــــلـــــدوا بــــــــــه
أحــــــــــــب الــــغــــيــــم لأن الــــغــــيــــم عـــالـــي يــــجــــســــد كــــبــــريـــــاءه فـــــــــــــي نــــصــــوبـــــه
و أحــــــــــب الــطــيــبــيــن ولــــــــــي مـــعــــاهــــم مـــــثــــــل مـــا لــلــجــنــوبـــي مـــن جـــنــــوبــــه
لأن مــــجـــــدي مــــثـــــل قــــصـــــر الـخــلــيــفــه عــــلـــــى الـــــســـــاس الـــــقـــــوي ثبت أوبــــــــــه
ولا يـــنــــقــــص مـــقــــامــــي عـــــنــــــد غـــــالـي مـــــدام ان هـــــامــــــة الـــطــــيــــب مــعـــصـــوبـــة
تــــــــــرى كـــــثـــــر الـــتــــجــــارب نــجــحــتــنـــي وغـــــيــــــري كـــــل يــــــوم فـــــــــــي رســـــوبــــــه
أغــــنــــي مــــــــن طــــــــرب مـــــــــرة ومـــــــــره و أغــــنـــــي حـــــــــس يـــــــــالـــنـــفـــس الـــطـــروبـــه
و خـــطــــى الــطــيـــب عـــلــــى الــطــيـــب جــريــمـــة لـــكــــن مـــــــا أعـــذربــــه لــــــــو عــــذربــــوا بــــــــه
يـــنـــاظـــرنـــي بــــعــــيــــب لــــــيـــــــس فــــيــــنـــــي رحــــــمـــــــك الله لــن تــــلــــقــى مــــثــــوبـــــة
تــــــــــرى فـــــصـــــل الـــشـــتــــى يـــأتـــيــــك بــــــــــارد لـكـن في الــصـــيـــف تـــذبـــحــــك الـــرطــــوبــــه
مــــقــــاديــــر الـــلـــيـــالـــي مـــســـتـــمـــرة وسـيـــع الــــقــــفـــــر نـــــــــــــاسه ضــــيــــقـــــوا بـــــــــــــه
أرى خــــــيـــــــل الــــــزمـــــــن غــــــــارت عــلـــيـــنــــا ونــــــوقـــــــات الأحــــاســــيـــــس مـــحـــلــــوبــــة
أجـــــــــــــوب الأرض بــــــأقـــدام الــــمــــعـــــزة ودرب مـــــــــــــا يـــطـــاوعـــنــــي مـــــــــــــا أجــــــوبـــــــه
لــــكــــن يــــــــا اغلــــى الــحــبــايــب ويـــــــــن دارك غـــــــــدى قـــلـــبـــي مـــــــــن الـــفـــرقـــه لـــعـــوبـــه
حــــصـان الــــشـــــوق لأجـــــــــل عـــيـــنـــك ســـرجـــتـــه ولا يـــصـــعـــب عــــلـــــى مـــثـــلـــي ركــــوبـــــه
تــــبــســــم كــــــانــــك الــــفــــصــــل الـــربـــيـــعـــي تـــمـــخـــطـــر كــــــنــــــك امــــــجــــــاد الــــعــــروبـــــة
تــــثــــنــى كــن غــــــصـــــــن الـــلاتـــثـــنــــى يـــــــــــــذوب بـــهـــالـــهــــوى حــــــتـــــــى يــــــذوبـــــــه
يـــــــــا ريـــــــــح الــــعـــــود يــالــمــســـك الــيــمــانـــي قــــطـــــور الــــشـــــام لامـــــــــن عــــيـــــدوا بـــــــــه
تــشــبــهـــنـــي بــــخــــلـــــق الله ظــــلــــمـــــا وانـــــا قــــلــــبــي مـــفـــاتـــنــــك كــــــفـــــــروا بـــــــــــــه
ورب الــــبــــيــــت انــــــــــــي قــــــــــــد شــــــعــــــرت بـــلـــحـــظـــات الــــــفــــــرح يــــوم الـــخـــطـــوبـــه
و عــلـــى رمـــــشــك وخــــديــــنــــك وعـــيــــنــــك ســــــــــــلام الله ســــــــــــلام مــــــــــــا يــــشــــوبــــه
كـــــلام الـــــشـــــك والـــــهـــــرج الــمــنـــمـــق من الــــــــــي نـــاظـــــروه ومــــــــــا اشـــــعــــــروا بـــــــــــه
أنــــا مــــؤمــــن بــــربــــي وألــتـــجـــي بــــــــه لـــــــــو إن أهـــــــــل الـــكـــفـــر مـــــــــا آمــــنـــــوا بـــــــــه
إلــهــي قـــــــد عـــلــــمــــت بـــــــــــأن عـــــبــــــدك كــــســــيــــر الــــقــــلــــب تـــقـــلـــقـــه ذنــــــوبــــــه
وكـــــــم كــــنـــــت عــــلـــــى الــــســـــراء فــــضـــــا وقـــــــــد أعـــلـــنـــت فــــــــــي الــــضـــراء تـــــوبـــــه
لــــــقــــــد آن الأوان لــــــدمــــــع عــــــيــــــن تــــــصــــــارع حــــزنــــهـــــا فـــــــــــــي كـــــــــل نــــــوبـــــــة



بواحة الاسرار
بـواحـة الأســرار منـقـود مـنـقـود لا لا اتـكـلـم بـالـلـسـان الطـلـيـقـي
ترنيـمـة النهـونـد وترنيـمـة الـنــود قام يعزفها حيل و أنا فـي ضيقـي
يا ذا البشر يا راعي الخيل والذود كيف الخيانه لي تجـي مـن رفيقـي
ما كنت بأعشقهـا ولا كنـت بأعـود ليـن اكتشفـت انـه هواهـا حقيـقـي
فـي مقلتيـك أنهـار وبحـور وورود لايـق وفيـك الوصـف كـلـه يليـقـي
يـا معـادي للنكـس تستاهـل الـزود وأنـا لـك بسمـع الغـرام استليـقـي
ارحمني بنظرة تـرى نظرتـك جـود مشاعـري نـامـت ولا قـلـت فيـقـي
ظميـان قـرب شفـتـك زيــد الـخـود أخاف أموت فراق مـا ابتـل ريقـي
صحيح أنا محبوب للبيض والسود لكـن مــا غـيـرك لقلـبـي عشيـقـي
إليـا فتحـت العيـن ألـقـاك مـوجـود ذكراك ترسم صورتك فـي طريقـي
ولا تشعل النارين يا مخصر العود أنـــا بـلـيـا عـــود زايـــد حـريـقــي


البنتلي
هاتوا لي البنت لـي لـو فـي طـرف سكـه أبـغــي أطـالــع حبـيـبـي عالـبـلاكـونـه
لـو سهـم عينـه بقلبـي صــوب وشـكـه ما ارد دونه لـو ان المـوت مـن دونـه
اقـلــب بـعـلـبـك لــــو يــامــر بعـلـبـكـه وارض الكنانه عشانـه أرض مكنونـه
رمـشـه يـهـودي ولـكـن قبـلـتـه مـكــه لـه رمـش كافـر لـو الاســلام فعيـونـه
كم درهم مـن ذهـب هـارون مـا سكـه وكـم درهـم زاد سعـره لـجـل هـارونـه
باشريـه بمليـون لكـن مـا مـعـي فـكـه مــن يـقـدر يـفـك والمـلـيـون ملـيـونـه
ياصاحبـي لا تبـيـع الجـبـن فــي عـكـه أكـــثـــر أهــــــل عـــكـــه يـبـيـعــونــه
والشعر أماشيه بعض الاحيان و أدكه عاقـل ولـكـن بـيـوت الشـعـر مجنـونـه
كــل المـزايـيـن لـــول وخـلــي الـيـكـه والـيـك يـفـرق حــلاه ووزنــه ولـونــه
يا معشر القـوم آنـس فـي الحشـا تكـه حسبـي علـى الـي بقلبـي وثـق طعونـه


خلك معي-الناس للناس
خلـك معـي خلـي تـرا الـنـاس للـنـاس ضــدي تــرا ضــدي ومعـايـه مـعـايـه
احــس بــك دايــم بانـفـاس الانـفــاس وانـتـه ضـيـا عيـنـي ومـنـايـه مـنـايـه
لاتسمـع العـاذل وســواس وســواس ومــن علـتـي انـتـي شـفـايـه شـفـايـه
لــو طــال هجـرانـك فـلابـاس لابــاس غـلـطـان اسـتـاهــل دوايــــه دوايــــه
السهم من عينك وامـواس الامـواس وانـــــا انـاديــلــك دمــايـــه دمـــايـــه
سمعتي الموشي وارجاس الارجـاس والـلــي جـــرا مـنــك كـفـايـه كـفـايــه
اعلنت مـن وصلـك بافـلاس الافـلاس واختـاري انـتـي بـيـن شـايـه وشـايـه
امــا ترديـلـي بـاحـسـاس الاحـســاس ولا انـتــفــارق والـنـهــايــه نــهــايــه
متـعـود ابـدلـه الالـمــاس بـالالـمـاس مـايـهـم اكـســب والـهـوايـه هــوايــه
خدعت حاسب يضرب الراس بالراس مسـكـيـن وادريـبــه ورايـــه ورايــــه

فخر الاجيال
على وصـف الرجـال اللـي تسمّـى بالفعـال رجـال لـفـت بـيـض العـلـوم وبـيّـض الله وجــه راعيـهـا
لفـت مـا كنّـهـا الاّ سـبّـق الخـيـل ان بــدت تخـتـال نواصـيـهـا الـنـعـوت وفـــي مناكـبـهـا.. قوافـيـهـا
قصـايـد والقصـايـد مــا نسـاومـهـا بـجــاه وْمـــال نـعــبّ بـحـورهـا وان هـــاج مزمـلـهـا نـرسّـيـهـا
إذا امـتـدّ الفـكـر وامـتـدّ ليـلـي والقـصـيـد وطـــال توشّـحـت الـشـوارد ولـبـسـت الاشـعــار غالـيـهـا
كـذب مـن قـال ساعَفنـي عليهـا الجـن يـوم تـقـال أنــا الـبـس جنّـهـا واصــدر مـواردهــا واروّيـهــا
أنـا وْلا فخـر نـجـل الشـامـخ المتـمـرّس الريـبـال عـلـى وصـفـه تجاريـنـي القصـايـد قـبـل اجاريـهـا
على (محمد إبـن راشـد إبـن مكتـوم) طـاب الفـال وطـابـت لــي قـبـل لا الـــزم قوافـيـهـا.. معانـيـهـا
متى قالوا صواريهـا المعانـي.. مـا هنـاك اشكـال حــرام انّـــي لـمــدّ شـراعـهـا لأكـبــر صـواريـهـا
على اكبر منبـر ارميهـا ثنـا وْعـز وْفخـر واجـلال ما دام ان الثنا لأهلـه.. علـى اكبـر منبـر ارميهـا
لاجل قـرمٍ غـرس حلمـه لشعبـه واثمـرت الآمـال حـقـايــق نـبـصــر اوّلــهــا.. ونـتـبـاشـر بتـالـيـهـا
حقايق واضحه من دون ابو راشـد صعـب تنطـال تبـاركـهـا الـقـلــوب وتـبـهــر الـنـاظــر مغـانـيـهـا
مغانيـهـا تــراود كــل عـطـرٍ مــا خـطـر ع الـبــال واراضيـهـا يــراود كـــل عـاشــق فـــوع نـاديـهـا
أراضيـهـا الخـزامـا والنـفـل والبخـتـري والـهــال ومـا يخطـر علـى بــال العـطـر يـزخـر باراضيـهـا
ولي فيها محـب أسـرف علـى قلبـي وحـط وشـال طلـب روحـي وروحــي مـنـه فيـهـا الـلـي يكفّيـهـا
مـن اوّل مـا عرفتـه والضـلـوع تـجـرّ لــه مــوّال ولا ادري نيّـتـه بضـلـوع صـــدري وش توالـيـهـا
أنــا محـتـار مــا بـيـنـه وبـيــن (دبـــي) بالمـثـقـال يــا أمّــا (دبــي) لــه تـحـلا أو انّــه لــي يحليهـا
أوانّ (دبــي) تـحـلا لان أبــو راشــد لـهـا خـيّــال نـعـم والله وتسـبـق خيلـهـا مـــن سـبــق والـيـهـا
دبــي الـعِـز مــن طـيـب النسـايـم عـودهــا مـيّــال تمـسّـي صـاحـب الـقـدر ونـحـن باسـمـه نمسّيـهـا
صدى داره بشرق وغرب وجنوب التقـى وشمـال قـبـض الاربــع جـهـات يـلـيـن داره ذاع طـاريـهـا
طغى عزمه على وعر الدروب وله غدت مسيـال تسـيـل الأرض لاقـدامـه وتفـخـر مـــن مواطـيـهـا
غريبـه كيـف جـادت بـه سنيـنـه والسنـيـن بـخـال والاغـرب كيـف تضمـا لـه وهـو بالجـود يسقيـهـا
لـو ان المجـد سهـل ان كـان كـلٍ طـال منـه وْنـال دروب الـمـجـد ودروب الـعــلا صـعـبـه مراقـيـهـا
طويل العمر ما جيت اعتزي فـي وصفـك الأمثـال ولــكــن الـمـثـايــل تـعـتـزيـنـي بـــــك.. والـبّـيـهــا
يابوي ابشر ترى شبلك توارت عـن مـداه اشبـال وثـب فــوق الــدروب وسابـقـت رجـلـه خطاويـهـا
ورث عزمك وحزمك والخصال تجرّ طيب خصـال مواثيـقـه عـلــى طـــرق الـمـكـارم بـــك يجـدّيـهـا
إذا شـدّ الفخـر لاجلـك رحالـه قـمـت اشــدّ رحــال على نهجك.. عشان افرد رحاله وارجـع اطويهـا
واذا قالوا: من ادرى بالحصابـي والـوزون ثقـال عرفـت ان الـوزون ثقـال وانـت ادرى بْحصابيهـا
علـى الدنيـا جـدال الاّ انـت والله مـا عليـك جــدال مــع ان إيــدك يـجـادل كــل وادي سـيــل واديـهــا
لو ان السحب تنشا من كفوف امست عليك ظلال وخـرّت ساجـده لاهـل الثـرى مـن جــود منشيـهـا
مكارمـك المكـارم والعطـايـا مــن بـحـرك جــزال لـو ان السفـن تجـري فـي يمينـك ضـاع شاطيـهـا
يمينـك كـم لاحـت وابرقـت وابـطـت وهــي تنـهـال ولا والله تـــدري عـــن يـســارك كـــم معـاطـيـهـا
وكـم رجـلٍ بصـدره حاجـه وجـاك وقـبـل لا يـسـال عطيـتـه.. كـنّـك ادرى بالـصـدور وْســـرّ خافـيـهـا
وكم حلـمٍ سبقتـه.. كـان فـي عيـن الزمـان محـال تـقـول المقـبـلات افـضـل علـيـك اســرار بـاريـهـا
يقولون اختصرت اجيال واقول انته فخر الاجيـال إذا الأجيـال بــك مــا تفتـخـر.. مــن يفتـخـر فيـهـا

تعال
تعال يا وجه السعد واشطب على الوجه البغيض يــا حـيٌـك وطلـتـك فــي وجـهـي بـعــد يـــا حـيٌـهـا
تنعشني انعـاش الشفـاء العاجـل لقلـب المريـض يــا أيـهـا . . تـــدري يـــا لـبٌـيـك وش يـــا أيٌـهــا؟
ما انتـه بـزيٌ النـاس واكتبهـا لـك بخـط عريـض تبغينـي احلـف ؟ لا ورب البيـت مــا انــت بزيٌـهـا
ياللي غرامك في خفوقـي مـن كثـر قـدره يفيـض الـنـفـس تـنــدب حـظـهـا والـعـيـن تـبـكـي حـيٌـهــا
من عَوَضْكَ لْيا فقدتك وان وجـد كيـف استعيـض وانـت النهـار وشمـسـه وشـجـرة غــلاي وفيٌـهـا
هاجرت واصبح زوالك فعيني يهاجرنـي وميـض يــــا أول جــروحــي دخــيــل الله مـــــن تـالـيٌـهــا
أحيا حلـى وصلـك وامـوت في كل برد وكل قيـض تظـمـا مشـاعـر خافـقـي لــك وانــت سـبٌـة ريٌـهـا
لبيك ياللي من عشقتك قمت احس اني حضيـض يــا مـغـويٍ نفـسـي ونفـسـي ذايـبـه مـــن غـيٌـهـا
أنـا أدري ان كل الليالي سود والايام بـيـض دامــك مـعـي ماهـمـنـي فـــي كـثـرهـا وشـويٌـهـا



ياابن ادم


يا ابن آدم كل ماكنـت انظـر لجـرحي العظيـم مالقيت اعظم من جروح الندم بين الجروح
ويـا ابـن آدم كـل ماقلـت الزعامـه للزعـيـم ينتشي بي كبريائـي فـوق شاهقـة الصـروح
والـدروب يقودهـا درب الصـراط المستقـيـم واستقامات البشر بين الصراحه والوضوح
والغصون اللي فرحها غيـر لا هـب النسيـم ماتسـأل عـن معـانـاة الحـمـام الـلـي يـنـوح
ياهل الزور ان حلفتو زوركـم وبوجه الكريـم فاح ريحاً من الكذب والكذب له ريحاً يفـوح
يارحيم الصـدر ضايـق حيـل ستـرك يارحيـم والدروب طوال واقدامي من اللهفه جمـوح
اعطنـي مـن لدنـك التوفيـق والعقـل الحكيـم والعزيمـه والمـعـزه والمـراجـل والطـمـوح
والقمـر يغرينـي اغنـي علـى اللحـن القديـم ويجـذب البـراق عينـي كـل ماشفـتـه يـلـوح
والقـسـاوه للـرجـولـه والنـعـومـه للـحـريـم ياكثـر ناسـا تجـي فـي عينـي وناسـا تــروح
اكثـر اهـل الارض خلانـي وانـا مالـي نـديـم يشتكون جروحهم عنـدي وانـا كلـي جـروح


وين انت

وين أنت ياللي كل ما قلـت .. ويـن أنـت حـتـى الـســؤال يـقــول ويـــن الأجـابــه
عاميـن ضايـق و أنـت للـيـوم مــا بـنـت هــي حالـتـي بـيـن الـحـزن و الكـابـه
لشنـت بعيـون المخاليـق مــا شـنـت فـي عيـن مـن حـبـك سـرابـه سـرابـه
لــو لا الـغـلا يــا صاحـبـي مــا تمـكـنـت صــدراً مــن الـهـجـران صـايــر خـرابــه
عــــود عــلــي أنــــا أتــريــاك لاهــنــت الــحــال واحــــد والــظــروف أتـشـابــه
إذا سـألــت تحـبـنـي قـلــت لــــي كــنــت وأنــا ابتـسـم مــن بــاب حــب الدعـابـه
وأن خنتنـي أعلـم تـرى مــا بـعـد خـنـت ألا مــعـــك لـــكـــن خـــونـــت ذرابــــــه
خـنـتـك مـــع طـيـفـك بـعــد مـــا تيـقـنـت أنــك عـلــي بـعــد الـثــرى و السـحـابـه
أكـبـر خـطـأ محبـتـك وأنــت مــا صـنــت حــبـــاً يـخــلــده الـمـشـيــب لـشـبـابــه
تدري آش يغيض الرجل في هوى البنت أنــه يـعـيـش بواقـعــاً مـــا درابـــه
لــكــنــنـــا وش أنـــــــــا وش أنــــــــــت هـــذا الـســؤال لــلــي يـبـيـلـه إجــابــه


وشفيه بالك بعيد

وشـفـيـه بـالــك بـعـيـد وجـالــس تـفـكـر بـدري علـى الحـزن تـوك فــي بدايـاتـك
لاتحـسـب الـوقـت لــي فـاتـك وتتحـسـر عمـر الـنـدم مـايـرد الـوقـت لــي فـاتـك
لا تـتـرك الـدمــع فـــوق الـخــد يـتـحـدر حاسب تـرى كـل عمـري فـوق وجناتـك
يانـور عينـي مادامـك عينـي بـك تنـظـر حـــرام تـبـخـل عـلــى خـلــك بنـظـراتـك
ماشفت كيف القمر عقـب الظـلام انـور بالضبط نفس الشعور ان شفت بسماتك
ان كان في خاطـرك حاجـه علـي ابشـر والله لاســوق العـمـر كـلـه لمـرضـاتـك
مـاتـدري انــك اذا تـكـدرت انـــا اتـكــدر وافرح لجـل فرحتـك واشـره لشرهاتـك
عودتنـي ع السهـر وامسيـت ماتسـهـر مـاغـيـر طـيـفـك يعـوضـنـي بسـهـراتـك
احـلـى سـنـيـن الـعـمـر بـلـقـاك تتـعـطـر يادنيـتـي وابــرك الـسـاعـات سـاعـاتـك
يمـر طيفـك واضـمـك وارجــع استغـفـر وارد اشــوفــك واقــــول الله مـحـلاتــك


من يحبك
مـن يحـبـك كـثـر مــاأحـبـك أنا و من بحبك حـاول و يامـا اجتهـد
ومن في عينه شوفتك كـل المنـى لا و رب العـرش مـا غيـري احــد
أنت شوفي و أنت عمري و الهنـا يا جسد بـي روح و لروحـي جسـد
و انت عيني و انت نوري و السنا و انــت اسبـابـي إذا حـبــي خـمــد
و انت ميعادي و سهـدي و العنـى و انـت تعذيبـي و صبـري و الجلـد
و انت راحاتي و روحـي و الظنـى وانـت الأول مـا بــه قـبـل و بـعـد
لـمـنـا جــــو الـمـحـبـه و ضـمـنــا و مـن بعـد قربـك أنا كيـف ابتـعـد
شـوف مـا كبـر يـا حبيبـي عشقنـا فـاق كـل العشـق وحــده و انـفـرد
لـو يــوزع عالبسـيـطه حبـنـا مابقى حــد له كــــــره لاحــــــد


من صغر سني
مـن صغـر سنـي وانــا انـظـر للـغـلا نـظـره رفيـعـه واعرف ان العشره اسمى من غـلاك ومـن حنانـي
يــوم شفـتـك مــن ضـيـاع وشفتـنـي مـثـل الوديـعـه انته بس اللي ضعـت فينـي وانتـه بـس اللـي لقانـي
والله ان الضيـعـه الـلـي جابـتـك مــا هــي بضـيـعـه ضيـعـة العـشـاق شــي وضيعـتـي بــك شــي ثـانــي
يـا غـرام مـا استطـيـع انـسـاه لــو قـلـت استطيـعـه يــا كــلام مــن عرفـتـه مــا ذرفـتــه مـــن لـسـانـي
اشـتـر الـلـي تشـتـري فـيـنـي وبـيــع الـلــي تبـيـعـه مـــا الـتـفـت لـوجــه غـيــرك بـاعـنـي ولا شـرانــي
خـــل طعـنـاتـك قـويــه وخــــل نـظـراتــك سـريـعــه يعني اضرب اهرب اضرب اضرب اهرب في ثواني
ما انـت بـأول مـن شـرب صيفـي وعطشنـي ربيعـه ولا انـت بأخـر مــن خـذانـي مــن يــدي ولا خـذانـي
انـت مـا وسـعـت صــدري ليـيـن ضيـقـت الوسيـعـه كـنـك تحـطـب الـجـروح مـــن المـحـانـي للمـحـانـي
كـل ساعـه لـك بصـدري رمــح اقـسـى مــن تبيـعـه وكــل جــرح لــه بوجـهـي حـــزن غـيــر الاولانـــي
وكـــل لــيــل يــهــون الا لـيـلــة الــبــارح فـظـيـعـه يـعـلــم الله كــانـــت اول لـيــلــه تــزلـــزل كـيــانــي
كــن رمـحـك مــا يـبـات الا ورى الـحـدب المنـيـعـه وكــن جـرحـي مــا يـعـرف يـنـام ورمـاحـك تـعـانـي
ول يـا كيـد الظـبـا مــا شـفـت مــن يصـنـع صنيـعـه لــو زرعـتـه فــي حـشـاك سنـيـن يمحـيـك بـثـوانـي
فــي زمـنـا قـالـوا ان مـنـا طـاوعـك الـوقـت طيـعـه وانته مثل مثـل الوقـت قاسـي طاعنـي ولا عصانـي
بـس ابيـك ليـا عسـفـت البـعـد واسـرجـت القطيـعـه الـتـفـت مـــره عـلــي وحـــط نـفـسـك فـــي مـكـانـي
انـتـه لــو انـــي خـدعـتـك راح تـرضــى بالخـديـعـه بعـتـنـي مـلـيـون مـــره ... حـبـنـي مـــره عـشـانــي
خـايــف تـحـمـل خـفـوقـي فـــوق مـــالا استـطـيـعـه ويبتـلـيـك الله بـغـيـري مـثــل مــــا فــيــك ابـتـلانــي
خـلـنـي مـثــل الـضـيـاع وشـلـنـي مــثــل الـوديـعــه انـت اللـي ضيعتـنـي ومــا فــي حــد غـيـرك لقـانـي
واشهـد ان الضيعـه اللـي جابتـك مـا هــي بضيـعـه ضيـعـة العـشـاق شــي وضيعـتـي بــك شــي ثـانــي



من سبوع
من سبوع إلى سبوع ومن شهور إلى سني والصـبـر مـاعــاد يـقــوى بانـتـظـار القـافـلـة
كـان يتصـبـر عـلـى مستلـزمـات المسلمـيـن كــاد أن يـأتـي بضيـفـه والـجــواري غـافـلـة
وكــل مــا غـنـى المغني والقـمـر تــوه يـبـيـن ثــورة الأفـكـار صــارت كالـخـيـول الجـافـلـة
ويــن ولا ويــن ولا ويـــن ولا ويـــن وويـــن ويـن أروح وبــاب حـظـي يــا زمـانـي قافـلـه
كل ما قلت أفتحه قلت المشاكل فـرض عيـن و إن قضيت الفرض قلت الفرض بعده نافلـه
كـافـل جـرحـي مـثـل كـافــل يـتـيـم الـوالـديـن و أنــت مــا قــدرت دمـعـات اليتـيـم وكـافـلـه
والجروح أنـواع جـرح واضـح وجـرح دفيـن لكـن أغـزر جـرح جرحـك يالسنيـن السافلـه
يـا مقـوي الأقويـاء رحمـتـك بالمستضعفـيـن ولا تـخـلـي نجـمـتـي بـيــن الـنـجـوم الآفــلــه
ولا تخلـيـنـي مـــن الأيـــام والـدنـيـا حــزيــن واعطنـي طمـوح شيـخ حققـه وانـضـاف لــه
والدروب طوال وإن طالت عسى ربـك يعيـن واللـيـالـي مـــن خلـقـنـا بالمـشـاكـل حـافـلــه
من عصور الخيـل والناقـه وسيـف مـا يليـن لـيـن عـصـر القنـبـلـة والـطـائـرة والحـافـلـة
الله الـــــي حـطــنــا ســـــادة عالـمـتـسـيـديـن والرجولـه والـعـدل والـحـق والإنـصـاف لــه



فمان الله
فمان الله يادربِ على الهجر يتحراني,,
خذاه الوقت من جنبي ولا جاني ولا جيته ,,,,,
قصيدي يا قصيدي اسكن فقلبي طرف ثاني ,,
قبل يسكن بيوتي جنه وتمسي عفاريته,,
تعال اسأل نجوم الليل ياهاجر من ألهاني ،،
وأنا أعلمك بالوقت الطويل وكيف قضيته,,,
بغيت أقوى على بعدك وراح الصبر ما أمداني ,,
أهز الشوق وإن طاح الوله بالحضن ظميته,,,
ربيعي يا خريفي يا شتاي ويا صيفي الهاني,,
تراك أنت الفصول وهجرة الشاعر وتشتيته,,
فضت كل الشوارع مالقيت اللي ترياني,,
مثل طفل طلع يلعب ورد ومالقى بيته ,,,,
تحداني،،،تحداني،،،حبيبي لا تحداني,,
أنا لولاك لحن الهجر والفرقا ما غنيته,,,
تمنيتك وقلت فخاطري ليته تمناني ,,
وأنا ما كل واحد شافته عيني تمنيته..
على كيفك تذكرني ،،،على كيفك تناساني,,
وأنا طاريك ولا يوم في قلبي تناسيته ،،
زرعتك وردة حمرا تزين كل بستاني,,
ودفنت القلب في تربة مشاعرنا وخليته,,,,
أنا المجني عليه اللي يقدر طعنة الجاني,,,
لأن جرحه يذكرني بطاريه لا حسيته ،،،


العذر يابوي

العذر يابوي لو ماشلني ساقي...
الحزن ما طاقني والقلب ما طاقه ..
ياعيني ابكي وساعدها يا خفاقي ..
ما هوب بعيبٍ يفيض الدمع ف احداقه ..
يا موحد الدار .. يالمتفرد الراقي ..
والغيم حزنٍ جذب الاحساس براقه ..
اشوف كن النهار يحدر احداقي ..
واشراقته ما تشابه أية اشراقه ..
ومن يعذل القلب عن ضيقته لا ضاقي ..
انسان مشكوك في مذهبه واخلاقه ..
ياحاكم الارض و أول وآخر اشواقي ..
يفداك قلبٍ حزن فرقاك ما ذاقه ..
في غيابك الناس ماتت وانته الباقي..
لأنك الغالي اللي يذبح فراقه ..
يبكيك من يغرس النخله على الساقي..
يبكيك راعي الشداد وراعي الناقه ..
والطيب والجود والعزه والاخلاقي..
والارض وترابها والبحر واعماقه ..
شيخٍ مقامه سكن ما بين الاعماقي ..
حتى الزمن من محبينه وعشاقه ..

ممنوع أخذ الثار

مهداه إلى اللواء ضاحي خلفان تميم
شكواي (بو فارس) على اللي سرَقْني=دامك خبيرٍ في أمور الجريمه
شَخْصٍ أخَذْ قلبي وْصَدّ وْهجَرْني=من بعد ما كِنّا نديم ونديمه
زَور ملفّات الغرام وخدَعْني=بعد الأمور الواضحات السليمه
وافي أنا بْحبّه ولكن صدمني=والله يا (ضاحي) صَدْمتي به أليمه
ياما جَرَحْ ناسٍ وياما طعنّي=وياما نَهَبْ ناسٍ وْكلٍ خصيمه
لا تقول منّي، لا حَشَا هوب منّي=ممنوع أخْذ الثار ثاري لزيمه
بْكَشْف الجريمه أمنكم ما لَحَقْني=مجرم ما بين الناس هذي عظيمه
باعطيك من وصفه ودوّر وعنّي=واعمل تحرّي فْ.. كل بيتٍ وخيمه
كانك لقيته لى شبيه الدمنّي=أبو العيون الناعسات العديمه
أهو الذي بْحِسْنه يا (ضاحي) غلبْني=ولا اظن ترضى لي أنا بالهزيمه




فز الشبل
فز الشبل من صكّت الحلقه على الابطان يوم الشجاعة تنهزم وتزلزل الابطال
يومٍ تخربط يا عرب تتغيّر الأوزان رد الشبل في زمجره متحدّي الزلزال
فزّ الشبل (أحمد) بقوّه ترعب الميدان وذاك الأسد قايد يحرّك بيده الأشبال
وقام التحدّي في جبالٍ خوّفت فرسان و(احمد) بعزمه إنفرد وابعد شرات اللال
لا ما يهمّه صعب كل الصعب تحته هان والنصر ما جابه صدف جابه بطولة بال
يخضع له الفوز بفخر من سالف الأزمان تاجي وعزّي ومنهجي، يا غيثي الهمّال
شيخي وابوي (محمّد) اللي للنصر عنوان في عيونه يبان التحدّي والصبر وآمال
واحمد تعلّى واعتلى هو فارس الشبّان في عيونه يبان التحدّي والصبر وآمال
أنا اشهد انّه عاش ع صهوة فرس وعنان ولا يْبيّن الرجّال كود ان كان ابن رجّال
ولا اظن بان السيل يجري دونه الوديان وحنّا إذا قلنا تراه أقوالنا أفعال
مازان هو بالفوز والله الفوز باسمه زان يختال هو بالفوز.. لا إلفوز به يختال
المجد كل المجد من (أحمد) بنى له شان والعز كل العز من (أحمد) خصاله نال
ما خاب ظنّي فيه يوم الصبح نوره بان الصبح يفرح يوم شاف (احمد) بخيله صال
له غنّت حروف القصيده باعذب الألحان والنعم باحمد قلتها والحق به ينقال
فارس ابن فارس إذا قالوا فلان فلان أحمد بن محمد ابن راشد ياحيّ الفال
يومٍ عزيته فزّ قال انّي أخو حمدان أنا اشهد ان الفوز باهدي لك على كل حال


شمس دبي
وش خانة (دبي) وْبَحَرْهَا مادام شمس (دبي) ما حَدّ
تبكي فيافيها وشجَرْهَا والطير عيّا ما يغرّد
و(زعبيل) لى مظلم قصرْهَا ما به سوى صوت الصدى يْرِدّ
وِنْجوم تسأل عن بدرها لى ينير داجي الليل الاسود
يا شمعة الدار وسفرْهَا يا امّي من الشوق آتوقد
إن كان شِعْري ما حصرْهَا الاشواق تظهر في التنهد
تجيب لي النسمه عطرها لى يْغَار منّه فايح الورد
القلب ينبض به ذكرها وِطْيوفها في العين ترقد
الله يطولْ في عمرْهَا وتبقى لنا وبعمرها يمِدّ
وعساه ما يطولْ سفرْهَا وِلْنا بخير انشا الله تْرِد



العظيم الله

العظيم الله وانا مُؤمن بها كَلمة عَظيم والحياه بْها رسُل مع أنبيا وْصحب وْكرام
والكتب لي م السَما الإنجيل والعهد القديم والختم قرآن أنزل بين مَكّه والحرام
والرسول المصطفى محمد لنا خير وْنعيم كان أمّي وراعي اغنام وهدى بْنوره أنَام
والزمن دولات حكمه بين سين وبين جيم لارخت في يوم شَدّت حبلها تبغي المشام
عدْت اطالع في البدايه والنهايه والنديم وابن سينا وابن خلدون وْموطأ هَالإمام
البصيره لي تقود العقل للراي السليم ما يعرف النور شخصٍ جاهل بْأمر الظلام
التجارب معدن الرجّال بمْحَكّ الجسيم الجسيم اللي يفكّ عْقودها لو هي جِسام
ذاك حتى لو جلس الدرب بيده يستقيم واهَنيِّ الأرض تحته كلّ ماعزّم وقام
المحمد .. لي بحزمه عِلم يتسمّى حَليم حِلمه اللي بْحَدّ وبْحَدّه يحِدّ مْن الحَرام
المحمد .. الحكيم اللي به الحكمه تقيم لاعجب لو تعجب السبع العجايب به دوام
المحمد .. لو( حدايق بابل) توازيه غيم له حدايق شعر نرجس ما تغطّيها الغمام
و(المسلاّت) بْعلوّ نجومها رْجال وْحريم ما تعلّت فوق نجمه ساطعٍ لو قيل نام
وكلّها (اهرامات ) جيزه لي بها السِّر الكتيم رامها باخلاق سَمْحَه بَالصلاه وْبالصيام
وبرج (بيزا) كان هو يُحْسَبْ عجيبه للفهيم وش نسَمّيها بروجٍ ساسها كانت خيام؟!
وتاج علمه كالسّحَاب الموشلي مبسمه ديم لو (محل هالتاج) يوقف قال باوقف له نظام
وذاك (سور الصين) شُيّد من زمن قافٍ وميم عام ميتين وسبعتعشر على قيامه تمام
سوره الإسلام ممشى والصراط المستقيم كلمته موقف ماهي صوره تعلّق أو حمام
و(المناره ) قامها (بطلِيمُوس) بْوصفه زعيم عام ميتين وْثمانين وبقى منها الحلام
هالمناره لو درت بمحمد الشهم الشكيم ما اغفلت عن نورها لآخر مواعيد الضرام
هالعجايب لو هو ثامنها باقول الله عليم ما يكنّه من عجايب في معانيه ازدحام

ودّه وودّه ولكن الابجديّه كالنسيم ما توفّي و لا تكفّي لو بكفّه هالكلام
المحمد .. من علوّه ينهل البحر الكريم ومن سكوته في سكوته تقرا تاريخ الكرام
جيت له داعي أنا ما بين زمزم والحطيم ميم حاء وْميم شدّه وْدال رمزٍ للسلام




مستحيل أنساك
مستحيل أنساك هذا مستحيل مستحيل أنساك والله للأَبَدْ
من يعاشِرْ شخص مثلك ما يميل لا ولا ينوي على غيرك أحَدْ
يا جميلٍ في جميلٍ في جميل يا فريد اللون في جيدٍ وْخَد
ترتسِمْ في وجنتك شمس الأصيل وجمرتينٍ بينهن صَفّ الَبَردْ
والعيون الدعج والرمش الظليل ونور وجهك منّهن نور اسْتِمَد
تهت في حبّك مثل تُوْه الضليل وزادت جْروح الَحَشا جْروحٍ جِدَدْ
ولا ولا عن حبّك أرضى بالبديل وْكَنّ باقي الخود تكمالة عدَدْ
لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ)


عَوّضوك بْغيابي
عَوّضوك ْبغيابي لا تقول انّي َوحَشْتك لاتجامل دخيلك في شعور يعنيني
بَسّ يكفي كفايه لا تمادى عَرَفْتك خَاين الحب مَا له في فوادي حَنيني
إنت ياللي بعيني حِلْم عمري رسَمْتك وكيف تجرح خفوق يعشقك من سنيني
أحسبه زاد حبّي في غيابي وْحسَبْتك ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك وكم ليله خَيَالك نام في وسط عيني
وكم قل لي دخيلك كم ليل اْنتظَرتك كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك كنت ساكن خيالي، داخلي مِحتويني
من كتَبت الحروف الأبجديّه كتبتك "لامَه"إن كان تبغي أوَّلْ الحرف "سيني"



تواق

توّاق لك أشكي ولا زلت فزّاع لكن تبدلْ حال وابغيك تفْزَعْ
انت الذي لك رمز في كل مطلاع يوم الرجال تْحين (توّاق) يطلع
المجد لك يا فخر الامجاد ينصاع غصبٍ عليه وتحت رجليك يِخْضَعْ
والعز بامرك يا سنا العز مطواع ومن كان مثلك.. كان للعز مربع
غصت فْـ بحور الشِّعر لين اغزر أقواع ومنزلك عالي.. يا نجم فوق تلمع
الحر في المقناص معروف طَلاعْ وانت الفريد.. النادر.. الحر اْلاروع
كلٍ له اعجازٍ.. وكلٍ له ابداع لكنّك انته بالفعل صرت الابْدَعْ
لو باكْتِبْ مْن اليوم ويجف لِيْراع ما اظنّي أحصي كل ما فيك واجْمَعْ
ظبيٍ سَرَقْني.. ماخِذْ القلب بِخْداع حلوٍ وداده.. لكن القول يِخْدَعْ
كمٍ تحمّلته وكم جتني أوجاع !وانا ابتسِمْ له.. كيف والجرح يوجع
أبغي دخيلك آخِذْ الصاع بالصاع آخِذْ قضايه لين لِعْيون تِدْمَعْ
فزّاع يشكي لك.. ولا زلت فزّاع لكن تغيّر حال وابغيك تفْزَعْ



لك عندنا قدر
إهداء إلى الشاعر خلف بن سيف القمزي
يا "بو حَمَدْ" غايب عن العين والدار ما ادري تغلّي منك والاّ قطاعه
يا كَمّ لك في القلب حشمه وْمقدار وتكفي زياره منْك لو ربع ساعه
لا تْوَضِّحْ الأسباب لو صار ما صار ما لك عذر عندي ولا لك شفاعه
ياما مراسيلك لنا تلفي كْثَار وياما بطاروقك تلمّ الجماعه
واليوم من دونك غدت قفر الآثار والدرب طَوَّل بك وطال اِّتسَاعه
ودّي بجلستكم مَعَ شَبَّةْ النار والشِّعِرْ من شخصك نحب استماعه
مثلك خبير الشِّعر فاهم وْصَقَّارْ تِدْهَلْ مراقيبه وْتَلوي ذراعه
بانْشِدك عن أمٍّ وَلَدْهَا مَاْ هو بَار في بْطنَهَا لكنّ يزْعِجْ سماعه
لا له عقل يوحي ولا يملك ابصار ومن فعله بْهَا تنْتِجْ لْنا بضاعه
وبانْشِدك عن بنتٍ على راسها نار وماها بها لكن ما به نفاعه
وعن رجل نايف له معزّه وْمِقْدار يملك شراع ولا يفيده شراعه
وعذرا على اْثَرْهَا من كْبَار وصْغَار فيها المعزّه والمذّله رباعه
تشبه على الدنيا بها الفلْك دَوّار وتلقى خبرها منتشِرْ في الإذاعه
وْلا قصِدَنا إلاّ السوالف والاشعار ولك عندنا قَدْرٍ منيف ارتفاعه




"عزّام"
عزمت أعَزمْ ومن عَزمْت عَزمْ بي عَزام عَزم يقول الشعر واعزم به
حيّيت ركب الحيا ممّا حوت سحبي يا حَيّ به عد ما حيّا الحيا ركبه
الشعرعشق القلوب وْشَاعِرِكْ شعبي ما يعشق الشعر لى ما يشعِرْ بْشَعبه
وانا بْنباك ونبا من ناب متنبّي أنبيك واللي ينبّيك النّبا نبّه
كلامك أحلى من السكّر على قلبي عِيْده على شان أعيد العيد من حبّه
لاجله جنيت الجمان وجيون الغبّي أدلج لاجل لجّ داجي تنجلي حجبه
بانشدك عن شاردٍ تنشا به السحبي أوّله عندك .. وتالي رمزه أوّل به
تحسِبْ حسابه مع انّه من سحب حسبي ويحاسبونك عليه وحسبته صعبه
والعزم عزمك واذا عزّمت عَزّمْ بي واعزم من اعتاز لك عزّه وعزّم به

سرى فكري
سرى فكري وانا (فزّاع) والدنيا بها ضَجّه واظنّ ان الشِّعِر هاليوم يبى يقضي على حاجه
سرى بْليلٍ وفي بحرٍ يعانِد غزره وْلجّه يقاوم جرّة التيّار ولو تطمي به أمواجه
بحور غْزار يبغيها لأصعب دَرْب متوجّه يبى روس العلا وْيقدر على صعبات اْلِمْواجه
يطول الدرب كم بيطول وحرف القافيه غَلْجَه ولكن يقدر ان يبني بيوته تصبح أبراجه
على وصف الجميل الفاتن الساحر لنا حِجّه مادام الحب هو ليل المتيّم أو هو سْراجه
عنودٍ رمشها سَلْهَم وعينٍ ناعسه دَعْجه وخدّ مْورّد ومِنْوِر طبيعي دون مكياجه
ووجهٍ من سنا نوره على البَهْجه ضفى بَهْجه مزونٍ غيثها البسمه ليا من تضحِك حْجاجه
وميدولٍ على متنه كما داج الدجى هَجّه على عودٍ كما غزر الحرير الناعم انتاجه
جميل وكل ما فيه الجمال سْكوته وهَرْجه واذا للزين منهاجٍ حبيبي الزين منهاجه
هو تاج الجمال .. إلاّ مداه اللي تبَعْ نهجه وانا اشهد بانّ حِسْن الفاتنات لْصاحبي تاجه
تصدّق من كِثر حِسْنِك تصيب بعالمك رجّه ولي تبغي له احراجٍ بحسنك تملِكْ احراجه
حبيبي لا تلوم القلب ، لوم عْيونك الدَعْجَه بها حاجه ولا ادري وش بها لكن بها حاجه
دخيلك يا هوى بالي حبيبك في الهوى نَجّه ترى حبّك سبب همّه وصدّك سبّة ازعاجه
واذا المطلوب مِ الخَفّاق منّي يطلب الرِفْجَه ورِفْجَه ما أردّه دام هذا القلب محتاجه

سيّدي

(من يجيب (الهَاْتْرِكْ) بْـ (سَيح السَّلَمْ ومن لعزمه تنحني روس الرجال
غير ذاك اللي رقى روس القمم نال مطلوبه ولو حتّى محال
(بـه قليله يــا مـلا كلمة (نِعِمْ دام فعله صار من ضَرْب الخيال
الشّهم ولد الشهم ولد الشهم زاكي الجَدّين من عَمٍّ وخال
سيّدي سِيْد الشجاعه والكَرَمْ والشهامه ما بها قِيْلٍ وقال
نادرٍ ما له شبيهٍ في الأمم والنداره ما تجي إلاَّ بْقلال
العدو من هيبته يوقف صَنَمْ وما تماري قوّته صُمّ الجبال
والله انّه للنصر أصْعَبْ رقم والشهاده عند هذيك التلال
المهم الفوز والشيّ الأهَمّ إنّه بفوزه غدا مضرب مثال
طالبنّك سيّدي وتقول .. تَمّ كافيٍ .. وافْتَح لغيرك هَالمجال


هذا الشبل من ذاك الأسد
طيّبت فال الفوز يا طيّب الفال يا (راشد المكتوم ) ما فيك حيله
الفوز بك ياعالي الشان يختال والفوز يرغب كل راعي طويله
مبروك ما دنّت لك مزون الاقوال ومبروك ما غِظْت بْمزونك مخيله
يا زاكي الجَدّين من عَمٍّ وْ خَال يا بدرنا اللي في الدجى نستخيله
يفداك عَزم اللي تمنّى ولا نال يا شوق ربّات العيون الكحيله
لك مجد قبل .. وْمجد حاضر ولازال وامجاد لك في المقبلات الجزيله
يا (راشد) اتْعَبْت المدى والمدى طال واللي تِبَعْك أتْعَبْت عَزمه وخيله
كم سقت خيلك بين رمله وْمِسْيَال وشَيَّلتها بالحزم ما لا تشيله
يا شبل من تفخر بطاريه الاشبال شبل الأسد لي ما يِحَفْل الهزيله
هذاك لى تَضْرِبْ به الناس الامثال سهل التمثِّل به ويصعب مثيله
فارس يِهزّ بْهيبته ألف خَيّال ظاري على حمل الحمول الثقيله
يدهل بغاياته على كل مدهال دون المعالي ما تردّه عضيله
وانته على درب العلا قايد أبطال والشبل من ذاك الأسد له حصيله
أشْهَد شهادة حَق والحق ينقال إنّك على الطولات ما في كحيله



لعبة زمن
لعب الزمن ما هو مثل باقي العاب إلعب على كيفك واذا تروم لا تْتوب
بَيْجيك يوم وْتندفن تحت لِتْراب عقب الدفن بَتْعَرْف وش يعني لْعوب
لو نك فَتحت أبواب لك غَالقٍ باب ولو نك تعرف العيب العيب عَذروب
بديت أكتب واجلب كْتاب بكْتاب آخذ معَانيهن واخلّيهن بْصوب
إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب
هذا وانا أرقى على كل مرقاب أسري بليل الضدّ من فوق عَرقوب
هذا وانا أشّر وهي تطير أسراب بيض الحَمام تطير ما تحمل ذْنوب
هذا وانا تايب وإبليس ما تاب هذا وانا أنعَت وهو ضَيّع دْروب
هذا وانا أضحَك وهو يضحك بْناب ثوبي ستير وصاحبي عَاري الثوب
هذا وانا اعدّ الخَطا عَد لِتْراب ينعد كيف انعد وهو كان محسوب
بعض البشر تحسب على كيف الاسباب وبعض البشر من دون سِبّه ومطلوب
كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب
بَابٍ فتح من بَاب والباب كَذّاب بَابٍ إذا يفتح ترى الباب مَكْذوب
هذا وانا اغنّي وانا اقول سَحّاب سَحّاب يَمطر صوب وانا أمطر بْصوب
مثل العروق تجيس وتدق الاعصَاب أو مثل سَاحِر طار في الجو مجلوب
من هو يأمِّن يمشي بْليل في غَاب بعض العَسَل يا صاحبي سَمّ مَشْروب
هذا هَدفيه صبته وْصَاب بصواب صوب الذي صَوَّب ولا صاب مَصيوب
بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب
حَدٍّ عليه عيون والناس رقّاب وْحَدّ اختفى لو كان بالحيل مَرقوب
حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب
حَدٍّ يشيل الهَم في ضَرب الاصحاب كل من ضَرب في يوم له يوم مَضروب
أنا معَادِل آخذ الحُب لاحباب وْكلٍّ يحب الطيب .. الطيب محبوب
قالوا سَهَل إنّي أنا أفتح الباب وانا هويت الصعب لو دارت حْروب
لعبَه وانا ألعَب على كل الالعاب طبعي أنا غَالب ولا آكون مَغْلوب



معذور

البارحة قطر الندى أوشى على العيدان قلت الله أكْبَرْ ما على بعض الوشاهق صور
قلت الله أكبر كيف أرَجّح كفّة الميزان كيف أقْدَرْ أنْصفهم وان باثنينهم مَجْبور
مَسّيتهم بالخير وْ حِنّا حَزّةْ مْسَيّان لكنهم عن عمد قالوا ياصباح النور
الاولي معذورلاْن القلب له ظميان والثاني أظماني .. ولكنّه بَعَدْ مَعْذور
لو أكْتِبْ الأشعار انت تْكون لي الاوزان ولو تنكسِرْ الاوزان يحلى بك وزن لِبْحور
من شاف حسنك ينكسر طرفه وهو حَيْران يرتد من دونك طرف عينه وهو مكسور
سبحان لى ميّزك عن كل البشر سبحان الرمش وارف والعيون الحور تلعَبْ دور
والله انا شفتك ولا شبّهت بك إنسان ظنّي أخذت الزين كلّه من بنات الحور


أمجاد

الشِّعر له أمجاد والبيت له مجد ومن هو يروم يوصِّل الشِّعر مجده
الشِّعر له ميزه وفي ميزته عد ياما شويعر إنجلب شِعِرْ ضدّه
لا تقسم الخفّاق القلب ما يْبِدّ وراعي البدايه في هوى الشوق بَدّه
في فرق بين جْبال وفي فرق في النَّدْ سهلٍ رقاها بس في الفرق مدّه
واذا تسنّ السيف في موعد الحد ردِ السيوف ورد سيفك في غمده
خَلّك شجاعٍ لا تْعَرِفْ حر لا برد لا برد حرّه ولا بَعَدْ حرّ برده
وانا فهمت الشِّعر هو ما يبي قَدّ إنت الذي ترفع له الشِّعر قَدّه
إن فاض سيلك فايض السيل له سد وسدٍّ يسدّ السدّ وسدٍّ يسدّه
وان كان المطوّع ولا طاع وارتد يا هي حسافه كيف طايع وردّه
ما يردّه إلاّ ناعس الطرف والخد ودّه يحاول يوصل الخَد.. ودّه
إن جيت أطالع عيني بْعينه تسد بس يكفي انّي شفت عيني بخدّه
هذي مشاعر شوق والحب والود يبغي يغيب بْعيد والشوق عنده
في بسمتك (عَزّام) يتفتّح الورد كن المطر نازل على أوراق ورده
يا ما أضيع بشوق في ليلٍ اسود ويا ما يضيع الليل في شَعَرْ هَدّه
يلعن مشاعر لا تجي مَدّة اليد يوقف خفوقي يوم من بس مدّه
هذا بَحَرْنَا يْسَاوي الجزر والمد كلّي تساوى بين جزره ومدّه
الشِّعر له أمجاد والبيت له مجد وهذا يروم يوصّل الشِّعر مجده
فاءٍ وراها زين ومن عقبها مَدّ وعينٍ وْرِدّ الزين وْعَ الزين شَدّه


قلب صادق
لا تقول الحب في القلبين مات هذا توّ الحب كيف انّه يموت
ولا تقول ان الشِّعْرِ ليل امنيات وانت توزِنْ بيت وتكسِّر بيوت
الشِّعْرِ نبض القلوب الصادقات كم رفعنا به على طاريك صوت
لا تخلّينا على بحر السكات الكلام أحيان أفضل مِ السكوت
خَل ما بينك وما بين الوشاة (مثل ما بين (الرباط) و (حضرموت
دامني لجلك نذرت المقبلات لا تخيِّبْ لي ظنون ولا نعوت
خِذْ مشاعر قلبي الصادق وهات ودّ صادق واحذَرْ أقوال الشموت
احْذَرْ احْذَرْ والدهر له نايبات واحْذَرْ انت تطيح شَبْك العنكبوت



بحور

صغت المعاني من بحور الهواجيس واخترت منهن من صفا نقو الألماس
بيوت شِعْري يسبقنّي مراميس وبهن أحرّك نبض قلبي والإحساس
سايرتهن يوم الخلايق مناعيس ونظمت نظم القاف ساسٍ على ساس

واجدّ في سيري على ضمّر العِيْس واسري بليله سرمديّه بالاغلاس
ما همّني طول المدى والمراويس ضاري على فعلٍ يحيدونه الناس
أغوص قوعٍ ما تجيبه مقاييس آخِذْ من الدانات ما يْصيبني ياس
وان هيّضنّي قايدات المكانيس أحسّ في قلبي شرى دَقّ الأجراس
أنا الهواوي ما على القلب تحميس أطْلِقْ عنان الشوق وأقول لا باس
طبّ الأمور المقفيات المناحيس وانظِرْ بعيد وطاوِل النجم بِقْيَاس


ندى الريحان

يوم أقْبَلت تخطب ندى الريحان لطف وخفّه ما كنّها إلاّ الصبح يوم أقْبَلْ يجرّ أقدامه
تحفة حسن من حولها غيمة غلا ملتفّه كل الحلا محبوس بين أقدامها والهامه
كَنّ الثغر منها نهر والاَّ الشفايف ضفّه ما شفت في عمري نهر له ضفّةٍ بَسَّامه
يحتار فيها من نظر لو هو صِدَقْ في وصفه ويكذّبه لي ما نظر واللي نِظَرْ ما لامه
تحفة حسن لاقت بعين اللي يعرف التحفه ويسوم عمره لاجلها لولا الغلا ما سامه
بعض الصدف فيها حلا يا ما حلا هالصدفه وشلون ما يرتاح لي صادف فتاة أحلامه
ويزفّها بايقاع هادي للحنايا زفّه ويعيش معها ما بقى له من جميل أيّامه
وِيْعَاتِبْ أوَّلْ سِيْنها لانّه تصدَّرْ حرفه مع ان أوَّل اسمها سينه تصدَّرْ لامه

مدخل غرامي
القلب شال الحب والحب شاله مدخل غرامي والأحاسيس حوله
وضاع الفكر ما بين حاله وحاله واسهل حلوله صارت أصْعَبْ حلوله
الحِسِنْ لي يفرض علينا سؤاله كيف الربيع امتد لاربع فصوله
كيف ابتداه الحِسْن ثم انتهى له يا لين حتى الحسن منّه خذواله
وانا اتخيّل في خيالي خياله فرصة عمر تحت ابتسامة طفوله
غرٍ صفا حسنه وقلبي صفا له سهل التمنّي بس صعبٍ وصوله
يحتار فيه اللي يوصّف دلاله ويهين به لي عن جماله حكوا له
يخجل جماله من صفاوة جماله ويغيظ ربّات العيون الخجوله
يمشي معاهم بس كنّه لحاله معهم ولكن كن هم لي مشوا له
والي تعرّض في مرامي نباله والله ما يكسب ولا ربع جوله
عادل ولكن ما برمشه عداله يظلم مجبّينه برمشه وطوله
أصلاً جنوني بس في حَب خاله وشلون لا باوصف تفاصيل زوله
إن قال صَدّي.. قلت: لله قاله وان قال وصلي قلت: بالله قوله
هذا الذي قلبي من الشوق شاله مدخل غرامي والأحاسيس حوله

قراءة مدى
دنيا وداني مواطيها ترفّعها والقرم يرقى بعزمه عن مواطيها
القرم يفرض عليها أمر واقعها يجرح دروبه لاجل يرجع يداويها
يرقى واذا ضاقت دْروبه يوسّعها ويعق فيها مع انّه ما طمع فيها
لان المطامع يثير الشك دافعها مثل الفَعَى يوم تسمع ناي حاويها
لا هو سمعها ولا قصده يسمّعها ولا قصده إلاَّ تناظر ميل راعيها
يطلع بطلعه ولكن ما يطلّعْها بعض المظاهر تزخرف لك مراميها
وشلون ألوم المظاهر والعذر معها والعقربي ما قدر يكشف لياليها
أهل المطامع تغطّي لك مطامعها والوقت يقدر يبيّن لك مغازيها
من حكّم الظن في الدنيا يضيّعها ومن حكّم العقل يكسب في تواليها
ومن أشعل النار لا يامِنْ مواضعها النار ما تحرق إلاَّ رجل واطيها
والنار أطفت وانا ما اريد أوَلّعها واذا ارجعت ولّعت أرْجَعْ واطَفّيها
والبسمه اللي لذيذ الزيف وزّعها أقرا مداها واترجمها وامشّيها
وِحْروف ما بين الاسطر سهل تجمعها لكن من الصعب تستوعب معانيها
قليل من يدرك الفرصه ويصنعها يجري بمبداه والدنيا يجاريها
بعض الفرص تغتنمني لاجل أضيّعها واصنع فرص تغتنم من طيب راعيها
هذا وانا اعزّ نفسي في تواضعها واقدّر الناس قاصيها و دانيها
والناس ما تحفل اللي ما يصانعها وتعيب في بعضها لو كان غاليها
تنسى وتذكر علوم اللي يطابعها واذا اختفى يختفي عن ذكر طاريها
تتبع خطا من هو يْحَاوِلْ يمتّعها وتقول ما لا تكنّه في خوافيها
والناس تشكي لحاميها مواجعها وشلون لو صار حاميها حراميها

كسرة الوادي

يموت يْموت لي فاتِك وتحيا لك عروق جْداد غريبه كيف يامحمّد بنفس الروح تحيا لك
على الله مابقى إلا أخلّي العقربي يعتاد على ليلي لعلّ الليل لو مظلم بيصفا لك
مزون وْبرْق سحّاب ومطرها في سما رعّاد تشوف مْزون تمطِر لك غلا لكن تهيّا لك
علوم الوقت تاخذ من علوم الناس قل أو زاد تضيّعك بْهواها ثم تضحك لك وتلجا لك
زمانٍ مَرّ في الدنيا على (عنتر) ابن شَدّاد يا (عنتر) ما اعترفنا بك ياْلين اثبَتّ بافعالك
يا كم واحد على خيله يزرّ شْداد فوق شْداد يزرّ ابطانها والفذّ يضحك والضلِع هالك
يقولون أعلى ما بالخيل تركبها عناد عْناد وانا اقول أعلى ما في الخيل في بالي وعلى بالك
أراضي واسعه تجذبْك وانته ما لك إلاّ بلاد بلادٍ عِرْقها عِرْقِك بالاحرى عمّك وخالك
عرفنا (كسرة الوادي)، ولكن لو يفيض الواد نصنّع لك مساييلٍ تركناها وْسمَحْنا لك
نحِن لا من بغينا الشيّ صرْنا للسناد سْناد نحِن مَدّك نحِن جَزْرِك نحن بَحْرِك نحِن فالك
نحن منّا الكرم منْبَع ويا كم بابنا ورّاد نحن لو جيتنا ضيفٍ قبِل تدخل وقفنا لك
يموت يْموت لى فاتك وتحيا لك عروق جْداد قبل تنْشِد عن احوالي أقوْلّك إنت وش حالك




خِذْ من الشاعر كلامه
لا تحسِبْ وْرود تنثَرْ لك غلا وتفلّه والبَحَرْ عشرين وِنْجومه وْضِحْك هْلاله
تعتقد إنّي أنا مَيِّتْ .. وانا لا واللّه آنا لا ميّت حبيبي لا ولا اللّه قاله
لى يبي يقرَبْ خفوقي ما يجيني بْزَلّه زلّةٍ أسْمَحْ لها ومن عقبها بِزْواله
كان عندك هرج بتْقوله لقلبي قِلْ له وش علينا بْهَرْجة المسكين واللى قاله
ما عرف شَيٍ في بالي لا بغيت أوصل له ويذكر اسمي يومها وبحلّه وبترحاله
من يحب بحب ضايع قلت اللّه شلّه ضاع واللي ضاع عندي إحتياط بْداله
والله لا احذفه أنا ويصير حرف العِلّه يالين ما يضحَكْ عليه ابليس قبل عْيَاله
لي (مَسِجْ) يكتب في بالي وعقبها أرسل له ويدخل بْشاشات حبّه وينحرِقْ جَوّاله
من خباله إلْخباله نيّةٍ ناوٍ لــــه ولا بغيت ازيد شاف خْبال غير خْباله
أرفعه وارجع أذلّه وارفعه وآذلّه لين أسمع مرّتين بأذني يا هي حاله
ولو بغاني هو رقى لي والاّ انا ما انزِلْ له لا له انزِلْ لا له ولا ألف من أشكاله
ذا طريقي من عرفتك والطريق تْدلّه الطريق اللي تدلّه لازم ان تسعى له
خِذْ من الشاعر كلامه والاّ حبّه خَلّه أنا آحبّك .. لا حبيبي لا ولا اللّه قاله


ديـمــقــراطــي

تصدّق ما بقى له شيّ في باله من الأفكار عجز يخفيه في صدره كلام الحق ويلمّه
عجز يقطف ورود الفل ويظلم وردة النوّار لاجل ما يكسب الآذان يطري له ولد عمّه
إذا ما عاش ليله ليل ولا عاش النهار نهار ليا صبحه غدى ليله ونور الصبح مظلمّه
واذا ما عاش مستقبل يعيش اليوم بالتذكار يعيش الحاضر الماضي يهمّه بس ما يهمّه
يمقراطي يعبّر عن كلامه عاش باستقرار يومّ القلب لافكاره واذا ومّ الفكر ومّه
وانا ما جبتها لك سحب إلا في سما الأمطار سحابٍ لا بغى يمطر دموعه إندفق دمّه
سحابٍ من دموع الموت هالك يروي الأنهار روى نهره ونبت وردٍ عجز يقطف ولا يشمّه
جبل صامد قوى عزمه كبر حتى بدى ينهار عقب ما كان في العالي تهاوى من على القمّه
بدى يصـغر يالين أصبح حجر يلعب بيدين صغار تبعثر والطفل ينثر حصاه ويرجع يلمّه
نصيحه قلتها إحذر تعاكس جارف التيّار صعب تامّن في بحر الوقت لاموجه ولا يمّه
ونصيحه لا تذيكا لك على ناس اذكيا شطّار ترى بعض البشر تحسب بلا روح وبلا ذمّه
وانا لا ما عليّ الاّ أقول الحق مهما صار تريد الحق خذ قولي ولا تاخذ ولد عمّه
أنا قلت النصيحه لك واعيد الدار غير الدار وافاعيها تريّا بس لحظة غدر وتسمّه
أنا ما جبتها لك سحب إلاّ في سما الامطار واذا زمّ البحر موجه لك الله ردّها زمّه



جنون الحب

لا جنون الحــــــب ينفع في بواد الإحتمــــــال - - - احتمال يكون ضايـــــــع واحتمــــــــــال إنــــــه يبين
الخيال أصبـــح حقيقة والحقيقة من الخـــيال - - - شوف يعني كيف بـــــاجر ضـــاع مــن عمر السنين
لا محبه يــا قليل الحــب مــــن غير اتصــــال - - - ولا تواصــــل بيننــــا يمشي علــــى مـــــــا تشتهين
كــــم عجزت أفهمج والله لـــو أفهم الجمــال - - - يمكـــن الإبـــــل تفهــــــم مــــــــــن قبـــل لا تفهمين



أحلى زعل
جيب بزعل عليك .. وناوي بالخصام
كل ما في خفوقي .. بس ازعل عليك
يعني روّح واروّح .. واسري ليل الظلام
بس من يوم شفتك .. قلت برضا عليك
خل روحي بروحك .. هذا اغلى وسام
خل عيني بعينك .. خل ايدي بديك
ياشروق المحبه .. يا شموع الغرام
يا ورود بحياتي عطرها يهتديك
سلم برمش عينك .. هالتغلي حرام
ما تموت المشاعر .. دامني احتويك
انطبع في خفوقي اسمك بحرف لام
وفي عيوني عشقتك بحياتي ابيك
دامك بوسط عيني .. كيف عيني تنام
ودامك بنبض قلبي .. كيف ما افتديك
مد لي كف وصلك .. قولها بحترام
موت احبك واحبك .. موت انا اموت فيك
عاد تبغي الصراحه .. ما تويت الخصام
هذا قلبي يحاسب .. كل خطوة اليك
اقترب لك حبيبي بالغلى والسلام
يا حبيبي بصراحه .. حلوه غمضه عنيك



البدر
هذا هو البدْر والاَّ البدْر بِنْ عَمّه في عِلْم أنا والاَّ هذا الليل وِحْلومه
إن كان للحِسن قِمّه هذي القِمّه والاَّ عسى الحِسنْ كلّه فَدْوَةْ قْدومه
أقْبَلْ يضمّ السَّهَرْ وِعْيوني تْضمّه ما ادري من اللى من الثاني سَرَقْ نومه
كَنّ الوَصِلْ دِنْيتي يوم الوَعَدْ تَمّه وْكَنّ الوَعَدْ جَنّتي دام الوَصِلْ يومه
ما الوم من لامني في حبّه وْنَمّه حتى فوادي ولو يشكيه ما الومه
إذا تكلَّمْ يغار العطر مـِنْ فَمّه سوالِفِه كلّهــا بالمِسْك مَخْتومه
ياليت لى هَمّني مِنْ نَظْرته هَمّه عينه خذَتْ نَظْرتي قَبْل آخِذْ عْلومه
أبطا يسولِفْ عن الطيْب وْحَنَان أمّه ما يدري أنّه بقلبي وَثَّقْ سْهومه
ما يدري أنّه علاج العاشِقْ وْسَمّه وانّ القصايد على طاريه مَنْظومه
طالَعْت في ساعْته رَدّ وْقَلَبْ كمّه لا ساعْته قَصْدي وْلا قَصْدي خْتومه
ما قَصْدي إلاَّ الغَلا لى ساقني يَمّه أحيان ارومه وبعض أحيان ما ارومه
لولا الحيا والاَّ انا في ذِمّتي ذِمّه لاغْزي على روض رمّانه وْمَشْمومه



بـرج عاجي
في حضورك في غيابك ما يغير لي مزاجـــي
في كلامك فـــي ملامك ما تكدر لي طربها
لا تحسب ان كل قلب انعكاسه كلزجاجـــي
وان ياخذ كل عين و يلعلن نهبـــها
كيف اعذرك عقب هجرك و ان برجك برج عاجــي
شفت نفسك مثل شمس للنهار الله وهبهــا
من عطى لك حق تجرح من يقول انك علاجـــي
لا تسولف عـــن علاجي و الجروح انته سببها
لا تناجي في عتابك العتب غير التناجـــي
خذ مقامك بحترامك لا تبين لي عتبـــهـا
طال داجي كيف اناجي في الهوى شخص احتجاجي
صار قدره مثل عذره يشبه ذنوب ارتكبهـــا
لا تلاعب بل مشاعر دام بحر الشوق هاجـــي
المشاعر نبض شاعر والحضيض الي كتبهـــا
و انت الي صرت خلي احذر اقوال المداجـــي
قال كلمه لوم لاكن ماعرف كيف يحسبهـــا
وان صفينا و التقينا لا تكدر لي مـــزاجـــي
خذ مقامك بحترامك لا تبين لي عتبها



غصون الراك
يا (أحمد)خفوقي غدا في يدينها لعبة...
لعب الهوا في غصون الراك لا مالت...
و هي في قلبي تمركز في طرف شعبه..
وذكرى غلاها ليا ذا الحين ما زالت...
قولوا لمحبوبتي نفس العنا تعبه.....
وان قلتوا إلها .. أبا اعرف إيش هي قالت....
إلى متى هالخفوق يعيش في رعبه...
وشلون يركد شعوري و الغلا فالت...
الحب حاكم طغى ظلمه على شعبه...
و النفس تشكي على ظلمه ولا احتالت...
يا بنت أنا صعب ودموعي بعد صعبه...
من قو عزمي ليا ذالحين ما سالت...
إن كنتي الزين من راسه إلى كعبه...
نفسي لحب المكارم و العلا نالت...
الله يحرم عذولي شوفة الكعبه....
ياللي يدينه إذا طال القفا طالت....
لو كل من شافت عيوني تولع به....
ما صرت كني في غصون الراك لا مالت



حكومه الحب
سألت جفني ليه ياجفن ماتنام
قال اسأل القلب الشقاوي لعله
يجاوبك لانه هالايام منضام
سألت قلبي قال الاحساس خله
اسأل زمانك لانه اسباب الآلام
رحت اسأله شفت الزمن فيه عله
والأسئلة تشبه تفاسير الاحلام
والحلم ما تقدر تفسره كله
وان الليالي والثقافة والالمام
اقول لنجوم السما والاهله
ماترفع الشاعر محطات الاعلام
ولا الصور على غلاف المجله
مايرفعه الا مقامه ليا قام
في موقف ما كل رجلٍ يحله
والصحف لو جفت ما جفن الاقلام
سمع قلوب الحاسدين المغله
وانا قبل عامين والا قبل عام
والشعر سيفٍ لاتضايقت اسله
اركب الفكره على حسب الالهام
واخاف من بيتٍ يجي فيه زله
والارض ضاقت كره والعالم اقسام
ولكل قسم بين الاقسام مله
ولا صار وضع الناس في كل الايام
بين المجامل والحياة الممله
ودي اكون دولة دون حكام
الحب يحكمها وهي مستقله
ماحب ابدي راي او آخذ احكام
قبل اطلع على جميع الادله
سياسة المتسيد القائد العام
اللي يقدره الزمان بسجله
ابوي عون الجار وضعاف الايتام
اللي يفز لهم لاجوه فـ محله
الله يعز اللي يعزون الاسلام
والله يذل اللي يحب المذله



مظاهر الطواويس
هـذي مظاهـر مثـل ريــش الطـواويـس عــادة طـيـور وصــارت بـعـادة الـنـاس
هــذي المـسـائـل حـلّـهـا بالتـوسـويـس طافـت فـروخ وصادهـا اليـوم جرنـاس
قال الموصّف لي به الوصـف تأسيـس هذاك لي وصفه علـى العيـن والـراس
أشــوف زولــك داخــل القـلـب جلّـيـس لـو كـان فـي وسـط المعالـيـق عـكّـاس
هـــذي المـحـبّـه كـلّـهــا بـالأحـاسـيـس حـس البعيـد وحـس أقـرب مـن انفـاس
القـلـب لــه واحــد ولا مــزرة الـكـيـس وخلّك تعرف وش حاجة الناس للنـاس
خلّـك بــوادي فـيـه خـضـر المغـاريـس توطى على الأخضـر ولا تـدوس يبّـاس
بـعـض الـكـلام أحـيـان يبـغـي تلمّـيـس لمسه تهدّي الروع من لمسة احساس
بيـن العشـق والحـب دسـتـور تـدريـس ولا لا تشـبّـه لمـعـة زجـــاج بـالـمـاس
الـشـاطـر الـلــي يـعـرفـه بالمـقـايـيـس يعـرف خطاهـا دون مـا يصيبـه البـاس
كـل شـيّ قبـل لا يسـتـوي لــه تأسّـيـس يكبـر ويكمـل كـل سـاسٍ عـلـى ســاس
خــلّ الـغـرام يعـاتـب القـلـب ويـجـيـس نبضه على شان الهـوى يطـرد اليـاس
وتحـط فـي قلبـك شـرى عـرش بلقيـس من زِيـن شِعْـرك لبّسـت شعـرك لْبـاس
والـيـوم ليلـتـنـا تـــرى لـيـلـة خْـمـيـس والموعـد اللـي بيننـا وقــت الاغــلاس
دايــم واحــذر تـوعّــي تـخـتّـل ابـلـيـس واكتـب أخـو فـزّاع مـا بـيـن الأقــواس

ما يشل الراس


صـارت الدنيـا غريبـه وصـرت انـا متولـه عشتـهـا حـلـم خيـالـي والـغـريـب لـحـالـي
عشتهـا بكـل راحـه واصبحـت لــي ممـلـه عشتهـا فـي إبتسـامـه وعشتـهـا غربـالـي
ذاك درب إل .. حبيبي قلـت ذاك اسهـل لـه وهذا دربي لو طويل اسهل لي وأسوى لي
لـو طريقـي فـي عنـا أو درب انـا مـا ادلـه أحسـن آضيـع طريقـي لــو بـربـع الخـالـي
آنا ضاري ع الصعايب، الصعب أوصل له الصعـب سهـل عليـه، الصـعـب يـحـلا لــي
الصـعـب لـــو هـــو صـعــب والله لا آذلـــه لا أذل عينـه لاجلهـا ف .. قولـي وأفعـالـي
مــا يـشـل الــراس إلا لــي يحـطـه يـشـلـه وما يوطي راس دايـم فـي العـلا أو عالـي
كـان طبعـه مختلـف أو كلمتـه فــي محـلـه هـو رزيـن ولا حكـى يعـنـي تـقـوم جبـالـي
ميـزتـه حسـنـه طبيـعـي صــار كـلـه كـلــه هو علـى بعضـه حلـو مـن حسنـه القتالـي
لـكـن الـلـي اسـتـوى .. الطـيـن زاده بـلــه ورحت انا في درب ثانـي مالهـا أو مـا لـي
باختـصـار آقــول هــذا خــل فـــارق خـلــه خـل يحـلـي حيـاتـه بشـخـص ثـانـي بـدالـي
وبصـراحـه .. كــل كـلـمـه قلـتـهـا مـتـولـه أل (دبي) وإل (دبي) وهي (دبـي) ف بالـي


أنا أنـا
الحب لو ما يغرقك شوق واشجان وتعن من تلقاء نفسك خيوله
وتاسسه تاسيس دوله بعنوان وتعيش حاكم حب والشوق دوله
تبددت كل المشاعر على شان لان الحياة بلا مشاعر خجوله
أنـا أنا لو عشت في كل الازمان شخصيتي لي والغلا للي هو له
الــىــهنا يا اللي تقول ان الوعد حان تعال قلي والفلم وش هي فصوله
مجامل واهات وجروح واحزان وانا مرشحكم لدور البطوله
يمكن اجامل ناس احيان واحيان الا مصيري ليه اقول انسجوله
ان قلتوا استبداد رديت والان تذكروا احلى فصول الطفوله
عطيتكم منها لآلئ ومرجان واليوم خلوني بدور الرجوله
ترى الغلا زوده مع الوقت نقصان الى من يحبك تغير ميوله
هذا كلام قلوب ينطق به انسان ويبين في وجهه قبل ما يقوله
ما هو كلام انسان ينطقه بهلسان احساسه بمعناه ماهوبحوله
تحسدني اصحابي على جاه سلطان وتحسدني اعدائي على ما انوله
والمؤمن الصادق بفطرته برهان لو ثوبه مرقع وحفيت رجوله
حكاية الدنيا يزيدونه ايمان والفاسق ايمانه يقل ان حكوا له
وانا قبل يومين قلت الانا شان وجه الزمان الي ذبحني فضوله
قال العقل من قلب يدفعه وجدان يكره مظاهر الحياة العجوله
ما كل شي ايدك تطوله يا حمدان احساسك يوافق بانك تطوله
وانا بشر لي قلب واحساس واعيان وعندي على التمييز قدرة مهوله
انسان يملكني مع الوقت شيئان ربي ودين مخلده في رسوله
لذلك الانسان يا ناس لو كان بلا جرائة رأي تثقل حموله
من ينتظر فرصه من فلان وفلان تلقى مقام المجد صعبا وصوله



جرح الصداقة
كلما بنيت الحلم في القلب وكمل قبل أعلنه يظهر صدى عداوته
وضحت همومي من ورى الخافق همل وأحجامها حسب الوضع متفاوتة
و أنا العزيز اللي تشبث بالأمل عسى يشوف من الزمن طراوته
درس الحياة القاسية لو اشتمل على الجبابر لعرفوا قساوته
تلقى بعض تجارهم يمشي ثمل مع الفقارى يرتشف حلاوته
والقاضي اللي في كلامه ما صمل فاضي عمل مسترسل في فضاوته
كيف المطوع يخلف في قول وعمل والمصحف الطاهر نسى تلاوته
قال المثل خل الجمل بما حمل صافح عدوا ما يبين نقاوته
رجلا ضلوعه للحمل ما تحتمل يحرم على رجلي حشى ما خاوته
مثل النعامه راسها تحت الرمل ومن ظلها تشكي مدى ضراوته
جرح الصداقه في الظهر ما يندمل عيت سنيني كلها ما داوته



تعال وأسالني
مفروض لقلت عني سالفة قلني مع فعول الرجاجيل اذكر اسماها
ما أبيك لا أنت ولا غيرك يجاملني أنا اكبر من النفوس ومن محاباها
في خاطرك شي لي تعال واسألني لا تحكم بغيب نفسك وترضاها
لا تنوي انك بأسلوبك تقللني ترى الله يحاسب الناس بنواياها
وتراك ما أنت بتفرحني وتزعلني لان الحقيقة حقيقة لو تناساها
به فرق بين تتجاهلني وتجهلني كبر البسيطة من أقصاها لأدناها
أنا اللي عقول مثلك ما تحللني الله خلق خلقه وميز مزاياها
خلقني بهالزمان اللي معلمني كثرة حكايا الرجال وقلة احلاها
تنزيل مثلك لقدري ما ينزلني ما كل حاجه تمناها بتلقاها
في عيون بيض الوجوه الله مجملني أنا أحشم أشنابها وأدس ملحاها
لا تعتذرلي ولا ترجي تواصلني ولا تلحق الذم مدح ولا تقصر اخطاها
مدايح اللي سواتك ما توصلني لو تمطر الارض ما وصل السما ماها




ماكان له داعي

جرحت قلب الغرام وزدت في عنادك تبغي الصراحة ترى ما كان له داعي
من أربع شهور كثر الصد وش فادك ما غير حرضت طول الليل لخضاعي
طيرت الأشواق من مرفاك وبلادك وذبلت رسايلك ما جاني بها ساعي
يا زين تتوقع اللي حصل زادك بالعكس ما زادك إلا زاد في أوجاعي
اللي محيرني انك في الزعل عادك للشك ولهرجة الواشين تنصاعي
ليكون شيا في بالك صاير مرادك أخاف قاعد تفكر تلوي ذراعي
هذا ولا الحلم سولفها على ارقادك وشلون تبغي تسويها وانا واعي
لو دمعتك سولفت لكبود حسادك كان الرعيه تقييم قيمة الراعي
من أربع شهور وأنت مطول عنادك اسمع ترى صدق ما للي حصل داعي


مهرة العام

يا مهرة العام لا والله غديتي فرس ترفقي كن عطرك ريح حرب وصهيل
العام تمشين ما حولك رجال وحرس واللحين تمشين ورقاب الخلايق تميل
استغربتك الكنايس حس مشيك جرس واستغربتك الحدايق رمش عينك ظليل
جندلتي القلب والعاشق طويل المرس حيا ولكن تركتي في المحاني قتيل
من جيتي الحب سيفه في الخفوق انغرس والليل يقصر بشوفك وان سريتي طويل
ما كني العاشق اللي في زمانه درس وما كني الا من اسباب المحبة هزيل
حلفت ما أعشق م دام الحب طبعه شرس مالي ومال المحبة والشقى والخليل
دخلت بحر المحبة يا الهنوف الفرس وقام تلاقف بي امواجه وضاع الدليل



هنيالي
يا ناعم العود مزحك يذبح وجدك
يذبح وأنا كل ما جاء منك يحلالي
الله الله يا فتان من قدك
حتى عيوني لوصلك موقها سالي
باحت دموعي غرام وقلت وش حدك

يا دمعتي تنزلين ومرقبك عالي
قالت مكاني خلقه الله على خدك
و إلا عيونك مكان الصاحب الغالي
محلاك محـلاك قالت للشهد ندك
حتى الشهد ما ينافس ريقك الحالي
أهواك و أغليك وأقدرك وأودك
وألحنك شوق و يغنيك موالي
أهد بفراقك الدنيا ولا أهدك
وأفني بوصلك طموحاتي وآمالي
برودة الشوق تدفى في حضن يدك
وحرارة الوصل تبرد لا تهيالي
أحط راسي على منحرك وأسدك
عن حب هالناس لأنك حبي الحالي
قلبي يموت في غلاك ووصلي يشدك
وغلاك في خافقي وصورتك في بالي
ولا أنثنى رمش عينك وانتصب قدك
أشوف لون القهر في عيون عذالي
ويقول قلبي هنيالك ومن قدك
وأنا أردد مع قلبي هنيالي


يوم الوداع
لشفتني ضايق وأهل الدمع وأبكي باقتناع
لا تحزنك عيني ولا تشره على دمعاتها
أنا فقط حبيت أدربها على يوم الوداع
أحبابنا قاسين والأيام هي عاداتها
مهما جلسنا نضحك ونأخذ من الحب المتاع
لابد لحظات المفارق نرتشف كاساتها
حتى لو أكذب وأتوهم حبنا وهم وخداع
الدمعة اللي في عيوني تعكس معاناتها
حتى خفوقي لو يقول انه على بعدك شجاع
ساعة فراقك مستحيل إن يحتمل لحظاتها
كلما نظرت لرمش عينك جيت لأمرك بانصياع
تقول كان الجاذبية في هدبك إثباتها
بشبع عيوني من عيونك شوف قدر المستطاع
عل وعساها تكتفي بالشوف من لذاتها
من قبل أعرفك كان شعري من ضياع إلى ضياع
واللحين يمشي بس لعيونك على مرضاتها
لو ما ذكرتك في قصيدي صار شعري في صراع
دفاتري تبغيك تتواجد على صفحاتها


هذي طبوعي
لابد في الكامل يجي فيه نــقصــان
ياليتــــها بالجـــوع بســـد جوعــــي
لكـــنهــــا كظـــه وفــــره وميــــدان
وانا ليا قدمــت يصعب رجــوعــي
والكلمه اللــي من قنـــاعات وايمان
يصبح بها لساني وتصغي سموعي
قولو لمن سوت عــلى القلب بيبــان
اتفتحن من الســـبت ليــن الربوعـي
اللي حزنها غيـر عن كــل الاحزان
خلا ابتســــاماتي مثــل حب كوعي
لو انهــــا تسهـــر ليـــا بعـــد الآذان
بتشوفني لا رحت بطفي شمـوعــي
حــزين متشــاءم ونــــادم وحيــران
بس ما اظلــم وهاذي ارقى طبوعي
ابوي سمـاني علــى ابـوي حمـــدان
خلانــــي آخذ عزتي من خضوعــي
علمني ابــادل الاســـاءه بالاحســان
من قـــو وقفــاتي اثبـــت وقـــوعـي
يمكن عيوني قاسيه بعض الاحيــان
لكني اعرف من اصدقائي وربوعي
والله لو ان في ايـدي افــرح انســان
بفرحــه لــــو ان ثمنهـــا دمـــــوعي


بركان غلي

يفوح بركان الغلى والصدر فاح = ويضيق من ليل الجفاء كون فسيح
يامعود عيني على قل المراح = ويميل غصنك ويتعلق بها جريح
ويش فيك تأخديني على ريش وجناح = واشلون اطيح فراق وانا مااطيح
طاح حظي على جبينك واستراح = والليل من بين الجدايل مستريح
يعني جمعت الليل وانفاس الصباح = حتى تجسد فيك معناه المليح
والفرحة الي كنها طعم النجاح = والمده الي تجرح الكف الشحيح
مفاتنك سحر لكن سحر مباح = عليك اسمى من اهل الوجه القبيح
يااعذب من الماء في مصبه يوم ساح = يوم استبحت القلب ويش لا تستبيح
اجتحتني واثقنت فن الاجتياح = واتعبتني وانا سدودي ماتبيح
متعود تترك على قلبي جراح = دباح روح وتمشي بدم الجريح
اشوفك بعين الغلى والارتياح = وانسى الطعون الى انا فيني فحيح
استوعب اخطائك واطالبك السماح = ويطغى على كيل الهجاء كيل المديح
لا لاح براقك وبرق الشعر لاح = اصرخ من الاعماق واقول الصحيح
انك مليح وتعتبر سيد الملاح = تستقبلك أفواه ويضيع المديح

رسالة خاصة

ياصاحبي يلي لك العز نوماس = ان كان عندك علم محرجك اطره
الشعر ماهو حبر في جوف قرطاس = ولابحر تقدر تلاعب بشطره
الشعر بيت يهزلك كل هوجاس= وانا البحر وانت من البحر قطرة
الانسان مشكلته ان ماله احساس = الناس بتفكيره تصير خطرة
خطرة وهو يصبح خطر في اعيون الناس= لذلك الانسان يحتاج فطرة
تحاول توازن أموره بمقياس =ولايعامل من يعامل ببطرة
اللطف كأنك ورد عانقه نسناس =واحسن كأنك عود فواح عطره
ولاتفتخر بالجاه او قوة البأس = واحفظ من التاريخ حكمه وسطره
البيت لو قطره يشيد على اساس =مع مرور الوقت يختل قطره
خلد فعل وادعس على هامة اليأس= العزمهما طال بيروح وطره



الدراهم
تحبني والا تحب الدراهم = اختارلك واحدة عشان مااضيع
علاقة ماتنبنى بالتفاهم=حتى تحت نور القمر يمكن تميع
ترى اهل الحب الحقيقي تراهم = مشجعين احساسهم دون تشجيع
صغيرهم يدري بقيمة غلاهم=لايمكن تحصله معروض للبيع
مزروع في قلب غلاك وعساهم =فدوى لبستانك وحصد المزاريع
مداك مايشبه في عيني مداهم =ياضبي يالي مرتعك في المرابيع
اذا زماني مانصفني واذا هم= يبغوني انثر دموع التواديع
للحين بعده ماوصل مستواهم = المستوى شقر الحرار المطاليع
صغار وعيوني لايمكن تراهم = ماهي تشوف الا النجوم الملاميع
البحر وألا الموت أنا كلاهم =أغرقهم وأحدفهم اليابس الريع
الا اذا شفتك معاهم =مساهم كأنك تقطع قلب مغليك تقطيع
لك محتوى يطغى على محتواهم = ويزيدني شوق ومحبة وتلويع
انت القمر والشمس والا حداهم =انت الورود اليانعة والينابيع
أهل الحروب تجر لاجلك هداهم= واهل الطرب تعزفلك اللحن تنويع
والاثقياء موحدين دعاهم =يحفظك ربي من عيون المقاليع
فرع وعلم هالبنات ايش بلاهم = احبابك الموتى ياسيد المفاريع
في ارضهم جنة نجم في سماهم =اذاعة اهل الحسن وصوفك تديع
من غير ماتطلع تراك احلاهم= واذا طلعت تصدع الناس تصديع
لكن لاتبعد بفكرك معاهم =لا الوصل يشرى ولاالشوق للبيع
لو كل حاجة ينشرى بالدرهم = كان اشتريت العمر قدام مايضيع


ضايق يسولف
يسوقني لمداعب الشعر سايق=والى تساعدني عليه القريحة
والشعر للتاريخ مثل الوثائق=والكاتمة على العلوم الصحيحة
ماهي بتتعبني صعوب الطرايق =اجيد ترتيب الحروف الفصيحة
لو كل بيت يهزني في دقائق =جرحت شعار الضنون القبيحة
لاكن أروقها اذا كنت رايق = واستقطب الى نادرات ومليحه
والي ماعنده كتف للحمل طايق = يصبر على جور السنين الشحيحة
يزرع امل بين الضلوع الدقايق =واهل الامل قلوبهم مستريحة
لو بينه وبين الطموحات عائق= يحاول بجهد العزيمة يزيحه
لقيتلي ضايق يسولف لضايق = وأعطاه من بين النصايح نصيحة
لاطاح قدرك من عيون الخلائق=لاتحسب انه ياأبيض الوجه طيحة
ماهي فضيحة وانتبه للحقائق= طيحتك من عينك هي الي فضيحة








لاتغرك ضحكتي
لاتغرك ضحكتي والا اسلوبي = أعرف اعزاز النفوس من الرديئة
كم وفولي ناس وكم ناس أغذروبي = وكم كسبت بطيب نية سوء نية
ناس من كثر المخادع ماتتوبي =وناس بيضان وصدقتها ندية
وناس أغلتني وناس أغلت جيوبي = وناس تطالع ولاكنها عمية
كل هذا والجروح تزيد صوبي =والمجامل والتملق والخطية
مايغير ضحكة الوجه الرحوبي =مد يمنى دوم ماهي موسمية
ودي أني أعطي المحتاج توبي = وأعطي ولاانتظر رد العطية
مجمع العالم ولا اقول اسمعوابي = نفسي من اطراء خلق الله غنية
في بعض الاشياء أتقدم وأنوبي = عن بني ادم وجميع بنيه
سجدة تغفر بها كل الذنوبي= خير من عيش الحياة القاحلية
ويامسولف بي على الطرق الكاذبوي= عاقب الله من ظلم نفس بريئة
وصحيب الخير يامثبت طنوبي= النصيحة روح الايمان القوية
الصحيح ان العيوب الي تشوبي = قولها في الوجه والنية مطية
بارك الله في من اهداني عيوبي =واشكره جدا على هاذي الهدية









عنق الزجاجة
ينجلي ليلا وأنا حبيت داجه =في صباحا هز غصن الياسمين
لاانتشى صبح الغلى وأرخى حجاجه=ينمحى هما على صدر الحزيني
ولاياليل الهجر مثقل مزاجه=يجعل مثله مايعود ولايجيني
والنصيب الي تعذرني رواجه = هوسبب فرقاك ياحلم السنيني
يامعودني بحبك واندماجه = في عروقي في ضلوعي وسط عيني
والكريم يصير دله بانحراجه = وانت حطمت الاماني من يديني
في امان الله والدرب ازدواجه = مفرق الدروب بقت له خطوتيني
يمكن احنا عقب هذا مانتواجه =خل راحاتك توادع راحتني
كثر ماواجهت قلبي واحتجاجه = كثر ماقدمت روحي في يميني
كثر ماقتلت السعادة في ابتهاجه = طعنتيني وطعنيتيني وطعنيتيني
ليين ما اخرجته مع عنق الزجاجة = والتعب يكتب نزيفه في جبيني
مابقى لك في عذاب القلب حاجة= خليني للريح واطلق ساعديني
والعذاب الي بنى بكفك سياجه= هو سبايب ماحصل بينك وبيني
انت متعدي الي حد السذاجه= تخطي وترجع وترجع تنتخيني
دام صار الحب في عينك سماجه= شوف درب لاخديته مايجيني
انت متعاوج وداتك العواجه= لين ضاعت من يديك احلى سنيني


لاتلعن الفقر
لاتلعن الفقر يالشاعر ولاتشره = رسول الامة فقير ومنهجه سامي
لوكل واحد حزين تحده العبره= لقيتني ابكي ضنوني على أوهامي
لكن أصبر على الشوق وعلى امره = واحد عنه حبيبي لو انا ضامى
اسابق اليوم من فجره ليعصره =واحلف والله ماتسبقني أيامي
أستثمر أخطاء هذا اليوم لبكره = عشان ماتتعب من احلامي اقدامي
والحب جمره على جمره على جمره =والبعد عن من تحب الميسم الحامي
والزين ماهو بزين الخد والبشره = الزين زين الخلق والعاتق السامي
مداعبات القصيد المرنة الخطرة= تنشط الدم بي وتزيد بالهامي
قد قال شيخ الشيوخ الي سبق عصره = يامرحبا يامعنى خط الاقلامي



لاجمع ولاطرح
تفرقنا السنين ونجتمع والجرح نفس الجرح = على درب الفراق دموعنا تسبق خطاوينا
شرحت ضروفنا للوقت لكن مافهم للشرح=صبرنا والصبر جمره ورى الاضلاع كاوينا
ترى وجه المتيم لو تبسم لاتحسبه فرح=أمانيه تهاوى من عيونه مثل أمانينا
بنى من ذكرياته في محيط العاطفة كم صرح = لكن هاج المحيط ومالقى له ساحل ومينا
ياناس العيد ماله لون ولاله طعم ولاله فرح =واذا قلتوا ويش الاسباب قلت الله يعافينا
نلوم الوقت والقصة ماتبغى جمع ولاطرح =لان العيب من ربي خلقنا ساكنا فينا


تناهيت المحبة

ياأخر طموحاتي ويادروة حنيني = تلبسي على فالك وأنا بفالي اموت
اموت في اللبس الخفي المبيني = والشعر لامنه تناثر على الكوت
الصورة الي بين خدك وبيني = تقول يالسكر تعال اللمس التوت
وفي عيونك الى تحتها شامتيني = خيل العرب في معركة عين جالوت
كل شيئ يتمنى يشاركك فيني = الارض والاشجار والبحر والحوت
يامبرئك يامظلمك ياضنيني = ماضاعلك ضايع ولا فاتلك فوت
اكسر رجال ان شاف حسنك يليني = والبنت في جنبك تتحول لطاغوت
خدني معك بلاك انا مايبيني = ياشعر ابو راشد وياسحر هاروت
هاذي امنياتك يامبعثر سنيني = الود ودي لو نجتمع لو بتابوت
ودي احطك ياحبيبي في عيني = واسكر عيوني عليك انت واموت
وادخل معك قبر الغرام الحزيني = واسمع تناهيت المحبة بلا صوت


ذيب عوى
البارحة غنيت انا بأنشودة وعبرت في حدودي وجيت حدوده
عزالله ان الدار هاذي داري وعز الله ان النود نفحة نوده
اسلوبها فكري وهي فكرية يعرفه النقاد من منقوده
طريقها على الجهات الاربعة الي في وجهي ماهي بمسدوده
اذا قرائها الشاعر المتمكن تناسب احساسه وتدخل موده
من كل بستان اتنقى وردة وبستاني الشعري ياكثر وروده
والارض يمكن ثمرها بتنبت وهي الاراضي كلها مسموده
بغيت تبرحي بتطلع برحي بغيت اخلاص وثمر عنقوده
عشب ضوي في ضلع المعنى وجزايلي مثل الغلى مرموده
اسبح بحور الشعر واحد واحد معاي طاقة ماهي بمحدوده
تلمع بروق افكاري الشعرية وخيالي الجامح تدن رعوده
بين المراكز الاولة لي مركز أنالها في الليلة المشهودة
أكسر التيمات لو هي ريخة وانت ولا تكسر وهي مشدودة
لاني مضمر الشعر عندي خبرة مفحم الحايل مع المفرودة
وهاذي القصيدة لو بتطلع بكرة أما على شاهين او سلهوده
ادخل براس المال واعرف ربحي قدام ما يدخل علي مردوده
يوم أصهلت خير المعاني قالت سلام لك يامحمد النابودة
الي غيابك عن حضورك يكفي وذكرك دعاديع النسيم تقوده
اطلع معي فوق السحاب نسولف كلمات من مثلي تجي معدودة
يعدها الواي كلمة كلمة ومابه كلمة ماهي بمقصوده
كل ذوي نعمة بنعمه يحسد وانا زعيم العالم المحسوده
عسى فعولي في عيون أمثالك مقبولة ومشكورة ومحموده
الى هنا والوقت يجري يجري معدود وايام البشر معدودة
ذكرت عاد وقلت سبحان الله ويش صار في عاد وفي ثموده
الكبر يهدم والتواضع يبني والوصل يحي والهجر ويش فوده
مضيع الثروة محب الثروة كأنه يدور حاجة مفقودة
ولا خدى منها البخيل الممسك رغم عقاراته وكثر نقوده
الى ما يأخد عمره من ايام والا بتاخد من جسده الدوده
الي كفوفه جايده من خيره تجود العرب من جوده
والي جيوبه من كفوفه تشكي دايم كفوفه وهي مبهوده
من كثر ماكفه تجي من مده ينام وكفوف السعد ممدوده
ماقاله الله في الكتاب المنزل ماينكره انجيله وتلموده
ومانقصنا من لامرءٍ متصدقٍ قل للزهيد ونفسه المزهوده
عزمه على الضلع الكبير يرزه مابين اسباعه وبين فهوده
ولو تربط الاجسام بالافعال لقيت افكار العرب معقوده
العقل منهج مختلف بذاته عن منهج الواقع وكل بنوده
قد يكبر في عينك كبير في حجمه او يصغر في عينك صغير بعوده
وفي قصة النمرود من وحي الله الي تمادى في كبر معبوده
من الباعوض ارسل عليه باعوضة ادلت النمرود بين جنوده
ومن قال مايقدر يكوده عليه وقته قولولي الباعوض كيف يكوده
اكبر مافي عين الفقير الدرهم الي رضى بحظوظه المقروده
واصغر مافي عين الغني الحاجة لو انها كبر الجبل مشؤده
أرائهم وافكارهم مختلفة كل حسب تفكيره ومجهوده
والانسان يولد طفل ماله حيله مولود وايامه معه مولوده
يصارع ايام الزمان البايد واليوم الى راح ماله عوده
يهز بزنوده ركون الدنيا عايش على ذكرى فعول جدوده
وهو عن جدوده مقصر فعله لو طلع بوجه الزمان زنوده
من راح من عمره ثلات ارباعه قاعد يفكر بالقبر ولحوده
واذا جلس تصعب عليه القومه وان قام كفه بالعصا مسنودة
الموت واقع والمقدر واقع والناس لو طال العمر موعوده
والعالمي نظرته حول العالم ماهي في جو البلد وحدوده
مقدام من خلى الرجال خلافه وينقاد الي خلي الرجال تقوده
قدام لبو الخطوة الخوافة ولبوه قلب مايحس عضوده
كم رجل باروده حمي من دونه واخر حياته يدبحه باروده
والناس عن شوف الصحيح الجارح مصددة وعيونها مرموده
وعسى عيوني في حقائق غيري ماهي بمرموده ولا مصدوده
هي هكذا الدنيا وذي لعبتها في ايامها واحداثها المعيوده
تحدنا وتردنا ياساتر على المسدد لايبيح سدوده
ضلع الشموخ متعب الرقايا نزوله اهون وايد من صعوده
استقرء المستقبل بامعان في حاضر بلا اله موجوده
ولو ان هالدنيا مافيها ناقص ماكان راعي الزود شفنا زوده
هذا شعور الشاعر الى غنى بعيد عن عين الغضى وخدوده
ذيب عوى من فوق ضلعٍ عالي صداه يصل في الجبل ببروده
وعسى عواه الي عوى من ضيقه يصل سموع محمد النابوده


بياض التجربة
أحب هاجوس الشعر من كل نوع = والنادرة تصبح بي وامسي بها
والهامة الى ماتعرف الا الخضوع= كم في ميادين الشرف ترتيبها
مع كبار السن يأتيني خشوع=وأشعر براحة ما أحد يدري بها
كم شايب ماهو من الدنيا جزوع = متمرس فيها وفي أساليبها
لحيته فيها شيب لكنه قنوع = شوفوا بياض التجربة في شيبها
ويأعياد ميلاد البدر ليت الشموع = الي البشر في أعيادها تضحي بها
ماتنور لرجلا من الدنيا خنوع = ماتنور الا للرجال وطيبها
واذا الطلوع أصعب على نفوس التبوع =يامشرق احلامي وياتغريبها
أنا النزول أصعب علي من الطلوع= ميزة بعض الاحيان ماودي بها
وقف هنا لحظات خليها سبوع = في الصدر غنوة ودي اغني بها
والي سواتي غنوته جروح ودموع = بكيه ولكن مستحي يبكي بها
واذا الخطأ قدام ياطيب الرجوع = مالت على نفس ما تستر عيبها
واذا الوقوف يصير من بعده وقوع = الجلسة الي بينهم ياطيبها
ما يدبحك من داخلك الا الطبوع = الى تمارسها ولا توصي بها
اطلب رضى الله دام قلبك روع = واثني الصلاة الى تبي تصلي بها
وضع الجسود يشابه وضع الركوع = استحضر الدعوى قبل تدعي بها
يارب سبحانك عساي من الجموع = الي على النار يحرم تعذيبها
القلب في العشر الاواخر جاك طوع = ويقول سبحانك ياعالم غيبها

السمو والمعالي
لونقول ان المراجل مالها رجال غيره = العفو يارب لو قلنا كده قالوا تعالي
في غيره بس تختاله لوحده في الجزيرة = مثل مايختار راعي الذوق سحب من خيالي
هو نموذج للعدل والدار بأفعاله جديرة= من مراجل سيدي تلتف هامات الرجالي
شفت دبي المستبدة بالحلى والمستديرة= في ضلاله كيف صارلها من كفوفه ضلالي
العوالي عسرة ودروب مرقاها عسيرة= والذي مايستلد العسر مايرقى العوالي
ياطموح مواطن رجله على دربه قصيرة = وان ذكرك تسوقه الخطوة على روس الجبالي
وان ذكرتك مالت بيوت القصيد المستديرة = روسها لي لين اقولها على شأنه تعالي
عادني في الميم الاول من حروف اسم المغيرة = اكملت قدام اكمل حاء وميم ودال تالي
حاء حمد وميم مجد ودال دار به منيرة = كل حرف من حروف اسمه على القيفان غالي
تكثر باسمه قلايل لان مداته كثيرة = ولان أوصافه كثيرة لكن أمثاله قلالي
ماهو بطير السعد لاوالله الا السعد طيره= علم أصحاب السمو وعلم اصحاب المعالي
يفهمون ان المكارم كنز وامجاد وذخيرة = حطه الله في يدين القايد الرجل المتالي
حطه الله في ايدين محمد وهلت وفيرة = وارتوت منه الشعوب وربعت منها المفالي
من صنع للدار عز ومن بنى بالبحر ديرة = يستحق يقال فيه من الثنى مالا يقالى
حاكما كفه وأصابعها سنابلها بخيره = انجزت في ظرف ليله صرح يحتاج لليالي
سنبله تبنى عمار وسنبلة تغنى فقيرة = وسنبلة ماتعترف بالي يسمونه محالي
والنجاح الى بزغ ماهو بمنقطع نظيره= الا ماله لانظير ولا شبيه ولامتالي
والبحر والموج والحلم ومعانيه الخطيرة = من صفاته كلها ولا يقول كلهالي
فيه غيرة للوطن والدين ولافيه غيره= من يسولف كل مجد بعزته والراس عالي
كل يوم نشوف صرح يلهم العقل ويحيره= يعني التكرار ماله في مخططها مجالي
والثنى والحمد للي كل مسلم يستجيره والي مافيه غيره في السماء والارض والي
تم لابو راشد خوي الشعب محمود السريرة = دامه الله للمواطن وللوطن في وضلالي
كل خطوة من قدم رجله لها مجد ومسيرة = وكل كلمة من فمه فخر وطموحات وأمالي
ياسليل المجد تكفيني عن اشياء كثيرة = انت ابويا وانت عمي وانت خويا وانت خالي
اخذت من الشهر الفضيل أيامه العشر الاخيرة = واخدت من العشر الاواخر ليلة غير الليالي

قلوبنا قبرك
الحزن طعمه مر والفرقه أمر =وايامنا تقسى علينا بظروفها
الي عليك دموع شعبك تنهمر = مواطنين بلادنا وضيوفها
لوتمنحك الاعمار وانت اغلى عمر = معروفك مغطي على معروفها
من يقنع القبار ما يحفر قبر = قلوبنا قبرك ياليت تشوفها
الارض لو تملك احاسيس ونظر = كان استحت ماتدفنك في جوفها
والشمس لو تكسف على موت البشر = في يوم موتك صار يوم كسوفها
لكن نؤمن بالقضاء وبالقدر= وماجابت الدنيا لنا بصدوفها
يكفي ايديك من المكارم والفخر = ان الفقارى عاشت من كفوفها
فيك السحاب يعزي غصون الشجر= الى دعاديع الهوى تلوفها
حتى القصيدة لوبغيت اكتب شطر = ماطاوعتني في رثاك حروفها
ليتك مسافر ننتظره من الشعر = كان الامل هدى النفوس وخوفها
لكننا بسئل سؤال مختصر = عن المواطن في البلد وظيوفها
اهل الكتوف الي تشيلك للقبر = ويش هو شعور قلوبها لكتوفها ؟!

ليه وكيف
ياهاجوسي للزمن حكمة وللمهموم والي = والبنادم راس ماله عزته والله وكيله
اعتزالي للحياة المغرية غير اعتزالي = والدروب الدائرية والدروب المستطيلة
ومستحيلات الدروب احبهاوالاستحالي = ماتخوفني الدروب الكايدة والمستحيلة
هبتي فعلا تسولفه الرجال وراسمالي = ذكر شيخ لاوقف وقفته تغني عن زجيله
والقصيد يقاسم الاحساس والبيت ارتجالي = غني الساري لامنك ضقت والطرقة طويلة
لاتهاب الكوس ولا ترهبك ريح الشمالي = دامك تعرف النصر ماهي تشابه الفشيلة
لين تلقالك وطن كأنه من الفكر الخيالي = ينتميلك وانت من زود المحبة تنتمي له
وان سألت أجاوبك لكن بطرحلك سؤالي = والسؤال الي انا بطرحه لاتطلب بديله
من يعلم الاغنياء الي يحبون الريالي = عن كرم زايد وفلفسته و وقفته النبيله
ومن يفهم الاغنياء بان البحر ماهو بحالي = لاتلاطم موجه وحول على التربة مسيله
ومن يترجملي رموز الوقت وظروف الليالي = كل رمز له حروف وكل حرف فيه ميله
ومن يسولفلي عن دموع الغلى من عين غالي = وعن احاسيس الشجر لاغرقه مزن المخيله
وعن تفاصيل الكلام الي ابيه وماطرالي = وعن تخباط المضيع يوم ماحصل دليله
وعن حنين النوق لامنها رعت خضر المفالي = وعن غرام الوادي الي له سنة ما مر سيله
وعن صقور ماتطيح الا على روس الجبالي = ليه قامت كل عصفور تجيله تمتيليله
وعن نهار اشرقت شمسه ولا شفت الضلالي = عن طموح يمتلك غاية لكن ماله وسيلة
وكيف كل انسان يطمح بانه الشخص المتالي = وكيف انا قلبي سعيد ونفسي اللقاها عليلة
وكيف تعبر فرحة البنت اليتيمة من خلالي = وكيف ازرع حزنها فرح وضحكتها حصيلة
وكيف اخلي اسمي مقدر اذا ذكروا مجالي = وكيف اداوي بالكرم تفاهة النفس البخيلة
وكيف اوظف جهدي لتحقيق صعبات الامالي = وكيف يجيني الي انا تمنيته وانا ويشلون اجيله
وليه حظي مايساعدني اذا قل احتمالي = وليه غلطات الزميل المحترم يجرح زميله
وليه ليلي مايقدرني وانا ساهر لحالي = وليه صبحي مايفرحني كثيره او قليله
وليه ظهري بيح لصبحي سبب قلة وصالي = وليه عصري يشتكي ظهره وظلمه عند ليله
وليه ماتخلى قلوب المسلمين من التعالي = وليه جفني ماتبكيه الحمام ولا هديله
ليه والا كيف والا عن ومن هذا سؤالي = جاوبه يالشاعر الي فاهماٍ وايش اعنيله
واذا تضايق للزمن حكمة وللمهموم والي = والبنادم راس ماله عزته والله وكيله

كمل جميلك معي
مثل جميلي معك كمل جميلك معي = واعشق بعين الغضب وألا بعين الرضى
تسمع عنى الاخطل وتسمع عنى الاسمعي = لكني بسمعك شعرا يهز الفضى
لاتدعي ظلم والله فوق يالمدعي = يالين تعدل وتستوفي شروط القضى
لاتشتكي قلة الادراك قبل الوعي = خليك واعي وتدرك كل شيء مضى
حضيت بي وانت تدري ويش موقعي = لو كان غيرك حمد ربه على انه حضى
حرمتني صوتك الي لاوصل مسمعي = كأني أغني هجيني فوق عوص النضى
وفارقتني والمفارق مايزيد وجعي = لكن يولع في جوفي نار كأنها لضى
ياصاحبي والشعر ماهو براس اصبعي = الشعر احاسيس قلب لغرامك رضى
وانا مصحصح معك خليك مصحصح معي = واعشق بعين الغضب والا بعين الرضى



تقزمي

تقزمي في عين حسادي وأنا عملاق فرض = لان علوي عن وطاهم شيء ربي ملزمه
ماتشوف حجم الشمس متقزم على أصحاب الارض = متقزمين ويحسبون الشمس جات مقزمه
يارب وأنا عبدك الي مابعد هتكت عرض = واذا لقيت الضايق المحتاج وقفت أعزمه
ان ما علي اشبهك واذا غضبت أقول ارض = برزامة أفضالك مداها ماتشابه الارزمه
زد مشبري في الطول طول ومن قوي العرض عرض = او اعطني النصر المبين الي ما غيرك يهزمه
لو المراجل تنشري سحبت لي مليون قرض = حتى اتبت محزمي يوم تتراخي الاحزمه
شفت الحياة بدنيتي سنة وشفت الموت فرض = يوم اتقزم في عيون العالم المتقزمة



الوصف فن
الوصف فن يليق بأم الوصايف = هيا معي نستجوب الوصف هيه
من نحرها لخصرها للردايف = ماتمنعك شيمة عرب او حميه
الى أقبلت في الحفل والجو كايف = وتقول من قدي يجيني هنيه
ظابط على الافراد يعطي وظايف = ياعسكر ثابت تهيأ تهيه
ورموشها حد السيوف الرهايف = مقرونة الحاجب وطلقت محيه
وجديلها ياقلب ويش انت شايف = ليلا يزيد الي غيا فيه بغيه
وخدودها بين الهدب والشفايف = مثل السحب بين الثرى والثريه
صحيح يمكن وصف الاشواق زايف = لكن قلبي لو عدلتوه عيه
وأنا على المقفي ماأزيد الحسايف = لكن عليها كل حزني تهيه
صاحب يعينه في الظروف الكلايف = ويصير أضحوكة لديه وديه
القلب والهجران ماهم ولايف = والى بلا أي احساس يبقى بلايه
قالوا ترى ياقلب ياقلب خايف = خايف اموت فراق وأنا أتريه


استمد الشوق
استمد الشوق حيله وأنت حابي = لين صادفني طريقٍ كنت أهابه
لي شهر وأنا ماغير أكتم مصابي = وأتجمل في الوجيه أم الدرابه
لين حديتني مخاييل السحابي = والسنين أشباح والايام غابه
شفت مامنها مصده واجتنابي = لكن الله رحمته تسبق عذابه
ياوجودي من عناي وياذهابي = وجد من خلوه ربعه للذيابه
في نهارا هييب الي ما يهابي = يعتنق عج المنايه بالسحابه
منك يالي فاقدا منك صوابي = قمت أعشقك مثل عشقي للكتابه
شف غيابك وين وداني وجابي = بس مع الايام زودني صلابه
حس فيني يامعودني غيابي = في وجودي ويش مدى فرق التشابه
ليه أدق الباب دام الباب بابي = يامعيشني تفاصيل الغرابه
يامعودني على صبر احتسابي = يامعرضني شقى القيض وسرابه
الدروب طوال لكنك ذهابي = شوف حالي كأنها قوس الربابه
اعتقدت انك تعاني من عذابي = يكسرك صوت الاحبه والغرابه
وأثرك الي مستريح ولا درابي = ماتعرف الا تماديه وغيابه



سيدي لاعدمناك
حنا تحت أمرك وظلك ويمناك = وحنا اذا منا وعدنا وفيينا
شجعان ماضني اذا قلت نعصاك = منك المراجل والتحمل خدينا
سواك رب العرش ماحد شرواك = وأكبر فخر باسمك يابوي استمينا
والقصد كله سيدي نطلب رضاك = للعز نرقى والمعالي اعتلينا
وحنا اذا منا بيوم وعدناك = لاتضن وعد الحر يصعب علينا
ما دامنا ننهل مناهل سجاياك = أنا أشهد اننا عالمصاعب قوينا
يحماك ربي سيدي لاعدمناك = وتعيش أزمان ودهور وسنينا


ابن مرخان
من باب تثبيت الوعي ياابن مرخان = لعيون دولة مجتمعها ريادي
زرعت في صحراء الاحساس بستان = يمكن الامس فكرة اهل المبادي
أمثل المكتوم وألا ال نهيان = وألا الشيوخ الشامخة في بلادي
حصان عزي يسبق في كل ميدان = وسهيل مجدي في سماء العز بادي
واذا انتقدني واحدا ماله لسان = وألا معه لسان ولسان عادي
احاول اوصل غايتي قدر الامكان = اصنع نجاحي من كثير انتقادي
والسر في قلوب الرجاجيل ينصان = والجاهل بجهله يزيد التمادي
والمرجلة في عيون أهلها لها شأن = مع اعتقاد الناس قبل اعتقادي
ولو صحت في عيون المقفيين يافلان = مافيهم الي يستمع للمنادي
وهداية الله ماتحصل بالاثمان = والله يهدينا وهو خير هادي
والصبر كنز الروح والذل حقران = والي ماعنده رأي تلقاه غادي
وأنا ياابن مرخان احساس فنان = أحاول أشرح فكرتي للعبادي
تدري ويش أحلى بيت سواه حمدان = لعيون دولة مجتمعها ريادي
مادام كثر الحرب في يد الانسان = أحسن خيار نعيش من دون أيادي


يابوي
يابوي رمز المجد والعز والدين = والمرجلة والمقدرة والشهامه
الي طغي ذكرك في كل الميادين = زعيم كأنك منخلق للزعامه
لوقلت كفك غيت كل المساكين = اخضر غصن وغردتلي حمامه
سمعت اصوات العرب بالملايين = تقول عز الله صدق في كلامه
من الف وتسعمائة وثلاتة وسبعين = للعام هذا وانت رمز الكرامه
من الخليج العربي لاخر الصين = والمجد في صدرك معلق وسامه
ولو قلت يافزاع رايح على ويين = بقول ماادري غير فكري مادامه
متوجهلك ياحفييد السلاطين = بحاول انه يرتقى من مقامه
أنا مسويلي قصيده في عشرين = بيت ولك في كل بيت علامه
ايامنا ياطيب الراس يوميين = يوما ولدنا به ويوم القيامه
والفهم يطغى في عقول الفهيمين = على التعنت والجهل والغشامة
والناس منقسمين يابوي قسمين = ولكل منهم مختلف في نظامه
والاستقامة درب ماهو بدربين = والمستقيم يقدر الاستقامه
والي يحب الدين ويطبق الدين = يعرف حلال الوقت ده من حرامه
والشين كل الزين في محجره شين = ومن التشائم يبتلش في منامه
وماكل دمعة عين تنزل من العين = فراق او هجران والا ندامة
ترى دموع العاشقين المحبيين = سميتها نسخة من الابتسامه
اخترتلك باقة شعر من بساتين = فكرا تحت ظلك رقى للغمامه
والشعر ماهو ينحصر في الدواوين = الشعر يبقى في القلوب احترامه
الا انت وين ووين من نافسك وين = ياعاتق المجد الاصيل وسنامه

لو قالوا الاهرام ورث الفراعيين = تراك ورث المرجلة والشهامه