حاسب إحساسك

حاسب إحساسك

تقول انك تغيرتي ولا أقبل أنا الأعذار ....... سلبتي إحساسي وفكري وغيرتي موازيني

تعال وحاسب إحساسك قبل لاتشتعل بالنار ...... ترى في داخلي قصة ألم تجرح وتشفيني

أنا ماني هبا منثور ولا لعبة تشد أنظار ...... أنا إنسان وافهمني وقدر كل ما فيني

وعايش لهفة إحساسي وخوفي وقسوة الأفكار ..... وقدر انتظار العمر يا أول وآخر سنيني

إذا كان الهوى كلمة أنا عندي كثير أخبار ...... ولو أحكي بكلام الشوق لذوب خاطرك فيني

أنا ماني على كيفك يمين بـدنـيـتك ويـسار ..... تمشيني على ذوقك تموتني وتحييني

إذا في يوم خالفتك تصيح بحيل ويش الـ صار ...... ترى من غير أفكارك يفرق بينك وبيني

تمنيتك تحس فيني وتبقى لــــو زمــــاني دار ...... تمنيتك تقول الحـب لهل الحـب يــكـفــيني

أشوفك قمت تهملني وتهجرني بدون إنذار ...... ودايم كلمتك لاهي وأنا ما فيني يـكـفـيني

صبرت وقالت جروحي نعم بعض الهوى غدار ....... يزعلني كثير الوقت وقليل الوقت يرضيني

ياروحي لك قطعت العهد لكمل رحلة الإصرار ....... بقسي قلبي وحسي وإذا مارد لــومـيني

أشوف اليوم فـ عيونه طلب رحمه على ما صار ...... على كل ما بدر منه على جرحٍ سكن فيني

يلوم الوقت وظروفه نــسى انــه غدا تــذكــار ...... نعم قلبي على غيــــابه تعود مــا يـبكـيني

ولا تــنـفـع تغيــرتي ولا تنفعني الأعـــذار ...... على ذوقي أمشي خافقي ما هو يمشيني