فديتك يا هوى نفسي من الشدات

فديتك ياهوى نفسي مع الشدات خاويني
فديتك لاقسى وقتي علي وناحت اشجاني

ابيك في لحظة الفزعه تحط ايديك بيديني
وابيك لاشكيت الياس تكون بساحة اوطاني

ابيك البلسم لجرحي وبيك النوم في عيني
وابيك اللي ليامني صحيت القاك قدامي

طلبتك يابعد ذاتي امانه لاتخلينــــي
تراني لو رحلة ابقى ضحيه لكيد عدواني

سألتك بالله الوالي سألتــــك لاتجافينـــي
لاني اموووت في غيابك ياروحي وجثماني

معي واصل مشاويرك اواسيك وتواسيني
معي ابقى مثل ظلي حذاري لاتعداني

ابي منك وعد انك على ثانيهم تبديني
ونا هذا وعد مني مابيعك وشري الثاني

وذا بلسانك الصادق نطقت وقلت تغليني
انا بعلن خبر عاجل تعالو اقرو عنواني

ابكتب داخل الاعلان الى من صار يغليني
الى قلبي الى عمري الى من صار يهواني

اليك اهدي نغم شعري وكل عرق نبض فيني
واليك اهدي شذى عطري وياسميني وريحاني

وبكتب داخل الاعلان وصيه كان شاريني
معي بالطيب عاملني ولاتجرح بهجراني

ومهما تقســــى الدنيا علينا لاتعادينـــي
ولاتسعى ابد في يوم في عنادي وعصياني

ابيك دكتور لآلامي من احزاني تداويني
وبي لاكفت ابصاري تكون النور لأعياني

وابي لافاضت انفاسي تكون اول معزيني
وبيك اول من تضحي وتشري اكفانـــــي

وابيك بمسكك العطري ترش قبري وترويني
واكون حزن على بالك ماتغفل وتنساني

ابي لاقالو العذال وش اللي بينك وبيني
تبسم وتدمع عيونك من الحسره وفقداني

وتجاوبهم اني حي وبالأضلاع تخفيني
واني سلوة الخاطر معك لاصرت وحداني

ابيك تقول هو مامات احاكيه ويحاكيني
ابيك تقول هو موجود وخبته بوجداني

ابيك تقول هو دمي اللي في شرايينـــي
لانك دمي اللي يضخه عرق شريانــــي

وابي لازادت جراحك تخيلني وتنادينــي
وتفتش داخل شعورك وتهمسلي وتلقاني

وذا طال السفر اقرا كتاباتي ودواوينــــــي
وقل ياكثر ماخلي كتب شعر وهدانـــــــي

تداركت الزمن يمك الاياليت يمدينــــي
اخاف اجيك متاخر وسيف الوقت ياطانــــي

نسيت من اجلك الصادق اللي الروح يعطيني
ونسيت الاول والاخر مع القاصي مع الداني

وجاري المسح للباقي وانت اللي تكفينـــي
حرام احط معي غيرك واحبك وظلم الثاني

كفايه انت في دنياي امل باقي يسليني
امل صوته اذا ضاع الامل القاه باركاني

كفايه همسك الحاني اذا جاني يدفينــــي
ويبدد وحشة ظروفي وتشرق فرحة اكواني

تراك بعالمي شمعه تبدد ظلمة سنينـــــي
وتراك بدنيتي دنيا لها لون وشكل ثاني

منقول