كرت الزياره

[ALIGN=CENTER][TABLE1="width:95%;background-image:url('http://www.gsaidlil.com/vb/mwaextraedit4/backgrounds/196.gif');"][CELL="filter:;"][ALIGN=center]



( كرت زياره )




قال ابا اشوفك سكت شوي قلت اش زينـه
موعد معك انت لا يمكـن علـي انكـاره

بس لا حظ ان قلبـي لـو جفـوا غالينـه
مـا جعلهـم عرضـة النقـاده الثرثـاره

قال انا ادري والله يوقـف معـه و يعينـه
قلبك اللـي حـط اعدائـه علـى انصـاره

قـال بكـره قلـت بكـره غـد ياتانينـه
كلها ساعـات و يبـوح النهـار اسـراره

المهم اصبحت صبح مـا اعـرف تكوينـه
صبح من ندره عصافيره تصيده احـراره

و اتقهوا قهـوة اللـي مضحكتـه سنينـه
و اخذ اغراضي معـي و اشغـل السيـاره

و اسرح و في بالي انه فـي حـدا دربينـه
يـا قبـل بيتـه ببيتيـن او عـلـى دواره

و ليـه ذا واقـف معنـز جسمـه بيدينـه
و قفـة اللـي ربعـه اتحبـه ولا تختـاره

قلت ليـه انـت اتشائـم و البنـادم طينـه
ينتصر لا حط ذكـر الله علـى اصـراره

قال انا مانـي بمتشائـم لكـن يـا شينـه
لا ابتدا عمرك بصدماته و موت ازهـاره

كنت احسب ان الحيـاة ال سـاره او لينـه
لين ماتت لينه و فـي يـوم ماتـت سـاره

ضل يبكي و انتهز صدري و جا من بينـه
لين حسيـت ان كثـر المـع فـك ازراره

اعملت في عيني انفاسـه و دمعـة عينـه
مثل ما يعمـل بخـار الشـاي فالنظـاره

قمت اضمه و احضن راسه و لا ادري وينه
لاني اعشقـه بمفاجئتـه و فـي تكـراره

كـان يـوم يعلـم الواحـد يوفـي دينـه
الفرح به قاطـع للحـزن كـرت زيـاره

يالله انك تقطع الوقـت الـردي و اتهينـه
كانه ايبكي كبـاره مـن غيـاب صغـاره


http://www.youtube.com/watch?v=2axb9mawJPo
[/ALIGN][/CELL][/TABLE1][/ALIGN]