آكــــــــبر قــــــــهــر ..

اكبر قهر لاجيت تعشق لك انسان
واللي تحبه ساهي ما درى بك

واكبر قهر تحلم وتحلم لك ازمان
ويطيح حلمك ميت عند بابك

واكبر قهر تبني من السنين بنيان
وتشوف بنيك ما تعدا ترابك

واكبر قهر تسقي من الورد بستان
و تموت بين يديك زهره شبابك

واكبر قهر ترد على البير ضميان
وتشوف بعض الطين حايس شرابك

واكبر قهر لا حطوا الناس نيشان
كلن يزاهب وانت ضايع زهابك

واكبر قهر ترهي على حصان خسران
يوم السبق لا طحت كلن حكابك

واكبر قهر لا صرت ضايع وعطشان
ونفس الطريق اللي يوديك جابك

واكبر قهرصاحبك لاجاك خوان
لابحت له بالسر راح ووشى بك

واكبر قهر تعطي وتعطي علشان
تاخذ عقب كل العطايا حسابك

كل ما سبق ذكره على الشوف ما كان
حفنة حروف مع بعضها تشابك

ماهوب هرج يعجن بفم او لسان
ولاهوب عود يكسره حد نابك

وان كنت بماا قلت تحتاج برهان
ناظر وتلقى في قصيدي جوابك

وان كنت فيما قلت مخطي وغلطان
اترك خطانا وعطنا صوابك