يعين الله لجل أنساه ، لو أنساه .. بـ الإكراه

يهبّ البرد ، يا قلب المعنّى ويبدأ التجريح !
عسى الله يعدّي الليله ، وأقدر بّعدها .. أنساه

كذبت وقلت أبنسى ذكرياته ، يا عسى الله يبيح
كذبي ، لانّ في كل ذكرى لابد ان تجي ذكراه !

نسيت الناس ، لكن ما قدرت أنساه ، بالتلويح
يديه تلوّح لّعيني ، وعيني ما درت وش جاه !

رحّل ، والدمع في عيني ، ماْهو راضي دقيقه يسيح ،
ولا أدري هو حزن ولاّ فرح ، دمعي عجزت أقراه

رضيتك يا الموادع ، يوم روّح بك ، شبيه الشّيح
صبرت وقلت : ذا مكتوب ، وكل ٍ منا .. يبـ يلقاه !

نصيبي هو نصيبي ، لو بحايل به ، يا عين السّيح
يعين الله ، لجل أنساه ، لو أنساه .. بـ الإكراه .

احبّه بس يمنعني الحيا ، يوم الزمان .. يزيح
عن قلوب الرجال أشياء ، تكشف حبّها وفحواه !

أنا لي قلب ، صابر .. ما يهزه يالتجافي / ريح
وقّف رغم الزمان وما بقى له شيّ ، ما سوّاه

رفض يستسلم ، وحاول / وحاول يوم غيره يصيح
وهو رغم الجروح المدميّه ، ماْ أذكره قال الآه !

مشى بَعده ، رغم بُعده / وما فكّر بّلحظه يطيح
وطرى طيفه على بالي ! وطاح ، وطحت أنا وياه !

أنا ما كنت أعرّف ان الطيوف تسبّب التجريح
إلين انْ طيفه مرّ وقال لي : يالله ، فمان الله !



مما تصفحت ونقلته لكم

يسلمو اخوي عالقصيده الرائعه

وننتظر جديدك

سلمت أخي

على الأبيات الرآآآآئعه
أهنيئك على جمال كلماتك

تقبل مرور

بسمة ألــم

الله يسلمك على المرور العطر


اشكرك

صح لسامك ولسان شاعرها

لاهنت أخوي ،،،،



متابعه لك

أنا ما كنت أعرّف ان الطيوف تسبّب التجريح
إلين انْ طيفه مرّ وقال لي : يالله ، فمان الله !

رووووووووووووووعه ونقلك الاروع
يسلمو خيوو تقبل مروري وننتظر جديدك

الله يسلمكم على المرور جميعاا


تحيتي لكم

من متابعيك وسآكون كذلك باذن الله
قد لا أوفيك حقك بالرد
فأتمنى قبوله


يعطيك العافيه

دووم هالتميز ماشاء الله عليك
ربي يحفظك

الله يسلمك على المرور


شكرا لك