ديوان الشاعر صالح ال مانعه المري

بسم الله الرحمن الرحيم

السلام عليكم ورحمة الله وبركاته

الشاعر : صالح ال مانعه
,
,
,

الضيقة اللي مالها حزه ولا منها مصد***أخاف ساعات العصير المقبله تاتيبها
يالله دخيلك من قسى وقتي وحظٍ ماصمد***في وجه صكات اليالي يوم يقنب ذيبها
واعوذ بك من فتنة الدنيا ومن ضيق اللحد***واسئلك عن نفسي من الشيطان لايغويبها
وسئلك تفغرلي ولصحابي ولعدائي بعد***تعفو عن ذنوبٍ نجي فيها وحن ندريبها
الوقت يشعاني على الطرقه وانا مافي جهد***شهب اليالي تقهر صدور الرجال بغيبها
لكن انا لو جارت ضروفي وزادت بالعدد***اضرب بها الحايط طناخة راس ولا اشكيبها
واعز نفسي مع مداغيش النشاما واجتهد***على ظروفٍ تجلب الضيقه ولا تسريبها
والبارحه في راس مشرافي ولا افكر فأحد***كني ملكت الأرض من شروقها لمغيبها
قعدت افكر فالسنين اللي مضت واللي بعد***ليييه السنين التاليه تفشل ويفشل صيبها
وليه الرفيق اللي ليا منه تجمل ماجحد***ان ماذكرها لك .. مع كل العرب يحكيبها
ياحيف يارفقة ضعيف النفس مافيها سند***مالله بجابرني على رفقتك ويش ابغيبها
لاسرت تطعنني بشلفاك الرهيفه وتخمد***فالطعنه اللي فالظهر مانيب من يغزيبها
لو دامت افعالك كذا ردت لك الدنيا لدد***حافظ على سمعتك من فعلتك لاتقفيبها
الرجل لامنه نوى يغزي ينوّه ويهجد***ماهوب يغزي وان رجع هزل العلوم يجيبها
لكن ياطلق الحجاج اللي عيونك ماتلد***الا لروس النايفات اللي مهو يبديبها
كون الحرار الشقر وعيال الذيابه والأسد***ولا الرجال اللي مع العريف يذكر طيبها
اسئل رفيقك من بعد مغزاه قله وش حصد***غير العلوم اللي ماتطلق وجه من يمشيبها
عزالله انه كان فعيون النشاما مثل اُحد***واليوم مثل الحية اللي تنعرف بجنيبها
حاولت اكذب بالخبر لكن على غمي وكد***والسالفه قام الزمان المنحرف يدويبها
لكن على كلاً ياحامد كانك بتاتي .. حمد!!***قله ترا البندق من المؤسف تثور بجيبها
البندق اللي ماتصوب كون ابن عم وولد***عيبٍ على الرجال ينقلها ويجهل عيبها
لاسارت البندق مع عاقل وهي فيها صدد***كبرت خسايرها عليه اليا قعد يرميبها
وشلون لاسارت مع جاهل وفعيونه رمد!!***لاوالله الا راحت الدنيا وراح اللي بها
رفقة مثل هذا وهذا كلها كيد ونكد***ولا تحرا منّه الا نكبةٍ يضويبها
ماكنه الا العقرب اللي ذيلها كلها عقد***ان روّعتك بزولها ولا قرصك ذنيبها
لكن تعال اعلمك ياصاح بعلومٍ جدد***لو تزعلك بعض النقط... لايزعلك نطقي بها
اشره على العاقل ليا شفته بجرحي يعتمد***ولا العلوم الباقيه مانيب من يحريبها
البيت مايبنى بدون اطناب..وحجاب..وعمد***والنار من شبابها والخيل من ركيبها
وأنا عيوني لالطليعا فوق ..معطتني عهد***والأرض تكره مشيتي وانا بعد ماليبها
لاسار في راسي سحابة شعر.وبروق.. ورعد***وشلون تبغى الأرض تصفالي وانا موذيبها
شاعر واشوش لصيحة الجمهور وانحت في جلد***وان صفق الجمهور جزلات البيوت ارهيبها
اغزي على بيت الشعر في عقر داره ويهجد***من هيبتي عنده بيوت الشعر لي يصخيبها
كذا كذا الشاعر يجي فالشعر قمه للأبد***ولا بلاش يلخبك الأبيات ويهذريبها
الشعر مثل الموج ودقاق الشعر مثل الزبد***ولا الدرر في غبةٍ بعض الرجال تهيبها
وانا بحاول قدر الأمكان اتعمق وابتعد***وان قلت لك باجيبها ... في ذا الشنب لاجيبها
شاعر مفوّه واسبح الغبه وابشر بالسعد***واكسب دررها كسب.مابيّع بها واشريبها
لأن الشعر مثل البلد وانا مثل حاكم بلد***وبلادي اسجل تواقيعي بها واسمي بها
وانا فقط شاعر ولا ابغى لي بلد لو تنّوجد***ابلادي حروف القصيد اصبح بها وأمسيبها
واسجد لوجه الله واقول ارجوك يافردٍ صمد***تعفو عن ذنوبٍ نجي فيها وحن ندري بها

بديت الطويل وهيض القلـب مبـداً فيـه
بديتـه حزيـن وزاد حزنـي وبكـانـي

بديته عصير وذكر القلب عـن ماضيـه
وعديييـت منـه والمقاديـر تشعـانـي


تعنيت صوبه ليتني يـوم جيـت ابغيـه
عجزت اطلعـه ولا حـدٍ دونـه الهانـي


تذكرت ليـلٍ قـد ترفعـت فـي عاليـه
خلي الهموم ومقصـدي جـر الألحانـي


وذالحين قمت العي مع الـورق والآحيـه
مـع ونـةٍ فيهـا التوجـد وألأحـزانـي


على واحدٍ لاجيت ناصيه وابغـى اجيـه
تنطح لي اللي مبغضـه قاصـي ودانـي


تلقالـي وهـو داري انـي مانـا أدانيـه
وراح النهار ورحـت ماشفـت خلانـي


عسى من حرمني من مقابلـه ماتخطيـه
اصدوف الزمان الصلف ويجيه ماجانـي


على شان لامن شافني جيت تاتـي فيـه
مروفه ويتركنـي ليـا جيـت وحدانـي


مع اللي تولع بي كذا لين قمـت ارجيـه
مـن البـاب لطّاقـه غرامـه تبـلانـي


وانا ماصدقته بالهوى بس كنـت اغليـه
وتبيّن لـي انـه مرفـقٍ لـي ويبغانـي


وشفته حزين وقلت وشقوم مـا أجاريـه
اباخذ معه وأعطيـه مانيـب خسرانـي


وتواجهت انا وأياه واخذ معـه واعطيـه
وقعدنـا مـع ليـن اذن المـذن الثانـي


وصلح لي حديثه يوم صارحنـي بخافيـه
وتعاهدت انا وياه فـي حلـف الأيمانـي


وعقب ماسريت اخذت مده وانـا اطريـه
شفوقٍ على شوفه ولا رحت لـه عانـي


وعقبه دريت ان الهوى طحت بين ايديـه
بغيت اتراجع مـن طريقـه ولا أمدانـي


جذبني مثل جذب الدلو في رشاء سانيـه
وجبرني على التقدير والحـب وأغرانـي


وعشقته مثل مايعشق الأخ ضحك اخيـه
وقبلته مثـل مايقبـل الطـب مرضانـي


وحفظته مثل حفظ السنافي وصات ابيـه
وكسبته مثل مايكسب الطيب ( غفرانـي )


يجيني ليا منـي ذكرتـه وأنـا ناسيـه!!
مثل مايجينـي كـل ماشفـت ديانـي !!


ليا جيت في جمع العرب عيني تراعيـه
اسولف على شانه.. ويضحك على شاني..


ليا من دعاني قلـت لبيييـه ثـم لبيييـه
وهـو لادعيتـه قـام طولـه ولبـانـي


هجل ليه يجفاني وانا يـوم اخونـه ليـه
مدامـه مـع قلبـي ودمـي وشريانـي


احبه وأحب ارضٍ وطتهـا قـدم رجليـه
عساها ثـلاث شهـور صبـاب ودانـي


وعساني ليا هوجست في ذكره وطاريـه
تجيبـه مقابيـل اليـالـي وألأزمـانـي

قصيدة القابله




اقـل مـن مـره تقابلنـا وأقـل مـن القلـيـل
واكثر من ميـة مـره اسمـع صوتهـا وارتابلـه


بنت الرجال اللي نهار الهـوش يشفـون الغليـل
وأم العيـون اللـي تهـد الجيـش يـوم تقابـلـه


عريبة المنسب مـن الجديـن مرويـن الصقيـل
وبنتٍ لفـارس قومـه اللـي يحسبـون حسابلـه


فيها ثلاث اشيـاء ماهـي عنـد نقاضـة جديـل
عقـل وجمـال وعفـةٍ تسـوى البـلاد النابـلـه


عشقتهـا قدلـي ثـلاث سنيـن والقلـب العليـل
عيـا يطيـع الوقـت والوقـت الـردي ماطابلـه


حتى غدت ليـام فـي عينـي سناهـا مثـل ليـل
والليـل مثـل الليـل وعشـرٍ مثلهـا متدابـلـه


حاولت اصفيهـا ولكـن كيـف حـل المستحيـل
دام الزمان اقشـر وقلـب اللـي عشـق ماتابلـه


سارت عنادٍ بين شيـن الحـظ والوقـت البخيـل
وانا ضحيـة مـن لعـب بالقلـب حتـى جابلـه


اجمل بيوت الشعـر واصدقهـا معانـي والدليـل
انـي ليـا غنيـت قـام الشعـر يمطـر وابلـه


الين هبل بـي وانـا قبـل اعرفـه مانـي هبيـل
وانكان جـاه هبـال يـارب انـي اللـي هابلـه


اكتب بيوت الشعر من شانه على البحـر الطويـل
واثر القصيد الجزل وبحور القصيـد احبابلـه!!!


عطيته من العشـق مـالا يعرفـه ناسـي جميـل
حتى نحل جسمي مـن اسبابـه وراسـي شابلـه


قـد خيروهـا وحلفـت بالله ماترضـى بـديـل
وانـا بعـد لـو خيرونـي غيرهـا مانـاب لـه


القلـب مشقيـه الولـه والمبتلـي عابـر سبيـل
والنفس من طعم الكـرا والقـوت ماهـي قابلـه


امسي على رجواي واصبح والحصيل هو الحصيل
حلمٍ جـلاه الصبـح واروانـي عطـش لمقابلـه


في كل يوم اقـول بكـره يجتمـع خـل وخليـل
واشـوف بكـره كنـه خوانـه واقـول القابلـه


والقابله ماجـات وانـا تهـت لـو عقلـي دليـل
مانيب اهـاب الـدرب لكـن الزمـان انصابلـه


والى متى وانا على ذا الحـال وعيونـي تخيـل
والحظ مـن يـوم وقفـت رجليـه وانـا اعابلـه


اما حبى فترين ولا طـاح لـه فاقـرب مقيـل!!
ولا قعـد كنـه يغايضـنـي غصـونـه ذابـلـه


ياشيخة الخفرات ياجمـل حـس يالـوزن الثقيـل
تـرا عذابـك ياعذابـه ماصفـى المشـراب لـه


حاول على لامـاك لكـن خانـه القلـب العليـل
عيـا يطيـع الوقـت والوقـت الـردي ماطابلـه

رفقة شرف وافيه ماهيب ترضاء الطمـان
ميزه ولا كل رجـلٍ حطهـا لـه طريـق


ادمح خطاء صاحبي واااقف بوجه الزمان
اللي يحد الصديق يبـت حبـل الصديـق


وارفى خمل حضرته لاجات عشره ثمـان
وأخاااف يشره علـي لاقلـت ذا مايليـق


اصد عـن غلطتـه لوهـي عيـانٍ بيـان
ماقـوم اولـع بقايـا ماحصدنـا حريـق


ياصاحبي وانت فارس كيف زل الحصـان
كيف يتعثر حصانك وانت فعلـك عريـق


وشلون تكـد خبـر مافيـه شاهـد عيـان
ويروح ذاك البري في موج بحرك غريق


ياصاحبي ويش حدك دون نظـم السمـان
تطلق سراح البيوت اللـي خلفهـا شهيـق


عطيتنـي بيـت واحـد بـس مايستهـان
قصدك تشراه لكن جات عكـس الطريـق


احزنتني وأجرحتنـي .. كلمتـك يافـلان
وعذربت في رفقتي وانا لك اوفى رفيـق


مادام في رفقتي عذروب والنقـص بـان
ليه اجبرك وانت جالك في سنعها مضيـق


بالأمس خوة شرف فيهـا العلـوم الثمـان
واليوم خوة شرف لاشـك دمهـا يريـق


ان قلت مالي فعل ماغير هرجـة السـان
فالظاهر انك تكلـم فـي سبـاتٍ عميـق


وان قلت زوم.. وكبر.. قلت الله المستعان
مأنت بعلى قلب صالـح يارفيقـه تويـق


صحيح انا اخلفت وعدي بس ظرف الزمان
حكمه يخلي الرجل ينشـف ويبّتـل ريـق


(( من لا حضر معركـه فلاتعـده جبـان
عده جبان ان حضر وأخر خبره الطقيق ))

ياكثر صبرٍ صبرته على اسئلتك واجيـب
كل ماجاوبـت لاول تقـول اللـي وراه


حالتي ماهي غريبـه ولا فيهـا غريـب
اكثر العالم تمـره وتبحـث لـه خفـاه


حالة العاشق ليا من فقد صوت الحبيـب
فضل القبر وعذابه علـى طعـم الحيـاه


من دخل في غبة العشق لايمكـن يثيـب
ان غرق ولا تعلق علـى حبـل النجـاه


غير كان اقفابي الحظ الأقشر والنصيـب
لايصيبك كـان قفيـت شكـه والشتبـاه


انشد اللي صار جرحي من اسبابه عطيب
واااااحدٍ مالي من مشاهد عيونـه غنـاه


كل مابعد من دياره أحـس انـه قريـب
ماكلٍ حالي غرامـه وساحرنـي حكـاه


ان تحاكا هرجه الذ من طعـم الحليـب
وان تبسم قلت سبحـان خـلاق الشفـاه


وان مشى سبحان منهو على خلقه رقيب
كن الأرض اليا وطاها تقـول الله معـاه


جادلٍ غيره من البيض معطيهم صليـب
جعل يصبح من نصيبي وانا غايـة منـاه


واحدٍ لاقلت عطني يقول آمـر وأجيـب
وكل ماسولفـت يصغيلـي بكـل انتبـاه


لادعاني قلت لبيـه يالغصـن الرطيـب
وان دعيته قال لبيه لي ماقـال هـااااااه


وان شبح بالعين لديت من مابي صويـب
نظـرةٍ فـي حاجبيهـا مفاتيـح الغنـاه


ميّزه ربـي بعيـنٍ ليـا مـدت تصيـب
ميزة ماهيب في كل مـن تلبـس عبـاه


الشريف العاقل الفاهـم الفطـن الأديـب
جل من سـواه سبحـان خـلاقٍ عطـاه


لاعطاني وجهه السمح حثيـت الخبيـب
واتنهـت كـل ماصـد وأعطانـي قفـاه


اكتب بيوت القصايد على شانه وأجيـب
اجمل حروف القوافي ولا توصف غلاه


من نشدني قلت طيب ولا ابغى لي طبيب
ولا انـا يابـري حالـي وياكبـدي وآآآه


آه من جور اليالي ومن غدر الصحيـب
وآآه من طول المساري ومن حر اللضاه


وآآه من همٍ كتمته تحت ضلـعٍ صليـب
وآآه ياقلبٍ تجافى وانـا ادرى وش بـلاه


وآآه من وقفة عدوي عليـه الله حسيـب
وآآه من قل النشاما ومـن طعـم الشفـاه


يالطيف اروح دنيـاً بهـا شـيٍ عجيـب
كل مادورت لـي صاحـبٍ قفـى وراه


ليتني مارحت ادور وضـواك النصيـب
استشم الجرح الأول وعاد اللـي كـواه


لايغرك قولتي لك تـرا قلبـي صعيـب
المحبة تلحـق العاشـق المغـرم مـداه


والله اني من رجالٍ يضـدون الحريـب
لكن الوقت انتحابـي ولا صلـح خطـاه


غير دامك يامعرب من النسـل العريـب
لد صوبي والتفت لي وأخذ مني وصـاه


فارق همومك وريّـح وضنـك لايخيـب
والله انـك راس مالـي ومفتـاح الغنـاه

قصيدة مشراف الحزين




عسى الله يعتنـي بمشـرفٍ قبـل ظـلام الليـل
عليه وغابت الصفرة عصيـر وضاعـت آمالـه




بدى المشراف قدله من صلاة الظهـر بالدربيـل
ولا حقـق لـه الدربيـل شـيٍ دار فـي بالـه


تخيل وش شعوره يـوم حـول يلتفـت ويخيـل
العدٍ قـد تواجـه هـو ومحبوبـه علـى جالـه


عفى الله عن عيونه يوم عـود والدمـوع تسيـل
يجـاذب ونتـه ويـدق زوره يـابـري حـالـه


غريمٍ والزمن خصمه ولا بالييـد حـل او حيـل
ضعيـفٍ جالـبٍ همـه عنـى وقتـه وغربالـه


مريضٍ طاوله وقتـه وخانـه ليـن هـد الحيـل
وقفـى جعلـهـا قفـايـةٍ مــن دون قبـالـه


ضمانٍ ينتظر دوره ومن حضـه حصـل تأجيـل
وعود يجـرح السانـه لهاتـه والضمـى فالـه


صبـورٍ يبنـي آمالـه ولاكـن الزمـان بخيـل
حزيـنٍ تـذرف عيونـه دموعـه كـل ماجالـه


بطاري صاحبه نـاسٍ تسولـف قصدهـا تأويـل
تبيـن ماخفـى للـي جهـل بالقيـل والقـالـه


عبادٍ مانقضت واليا انقضت جى من بعدها جيـل
علـى درب النميمـه كـل منهـم جـر موالـه


سقى الله يوم انا اقصى طموحي في ركوب الخيل
وسقى الله يوم انا في جنب ابـي واقلـد افعالـه


صغير وينشرح بالـي ليـا سويـت دلـة هيـل
واسوي مثل ابي فـي شـرب فنجالـه ونزالـه


ولا اعرف عن دروب العشق دربٍ مرجعه تعليل
ومشراف الحزيـن اجهـل بمطلاعـه وحوالـه


مريضٍ يامحمد وانتخيتـك يـوم ريـت الويـل
لحيثـك عـارفٍ ماقصـدي انـك سالـيٍ دالـه


تراني يارفيقك في الزمـن مابيـن عـدل وميـل
همومي ماحصل لي منصحـن لجـل اشتكيهالـه


عسى الله مايسامح من نقل هرج القفـى والقيـل
وقطع حبـل المواصـل بيننـا بـت الله حبالـه


نقل لـه هرجـةٍ والله ماتسـوى عليـه الشيـل
لحـسـادي وحـسـاده وعـذالـي وعـذالـه


ولاكن وش حصل وش ماحصل تبغالهـا تحليـل
عن الجرح القديييم وقصة الـي شـرف لحالـه


وعود يامحمد يوم خـاب الظـن فـي الدربيـل
يجاذب ونتـه ويـدق زوره يمكـن اشـوى لـه


تخيل وش شعـوره يـوم حـول مقتفيـه الليـل
عصير وغابت الصفره عليـه وضاعـت آمالـه

قصيدة الحب النزيه

اللي موردني على حـوض الهـلاك
جعـل المصايـب كلبيهـا ماتجـيـه




العاقـل الفاقـه عنـيـد الأحتـكـاك
مـدلـعٍ خلـقـه ولكـنـه نـبـيـه


يارب صخـر لـه دواك يضـد داك
واستر على وجهه من عيون السفيـه


غرٍ جمالـه يبعـد همومـي هنـااااك
جمال وجهه غير عـن كـل الوجيـه


شفته على غفله واحسب انه مـلاااك
ونشبت عيوني فيـه تبغـى ترتويـه


قلت السـلاام, بنبـرةٍ فيهـا ارتبـاك
رد السلام وضحكتـه تغلـب عليـه


قال انت عاقل؟ قلت لين الحق مـداك
من يوم شفتك والعمر يقصـر مديـه


قال انت صاحي؟ قلت جننـي حكـاك
كلامك الذرب الحكيـم امـوت فيـه


قال انت فاقد؟ قلت مقصـودي معـاك
وللحين ماجبت السـؤال اللـي ابيـه


قال ايش قصدك؟ قلت خلاقك عطـاك
عقل وذكاء وانا سؤالـي لـك وجيـه


قال انت هايم؟ قلت ذابحنـي غـلاك
لوك سئلت مـن البدايـه قلـت ايـه


قال احسب ان لأول بيبحث لي خفاك
الين جيت اخر سـؤال وتهـت فيـه


وعرفت فيك الشاعر اللـي ماسـواك
يميـل لـه قلبـي ويعشـق راحتيـه


قلت العمر,, قال العمر جعلـه فـداك
العمـر يفنـى والمواصـل يبتـديـه


قلت الوصل؟ قال الوصل هو مبتـداك
واليا قطعتـه ضـاع شـيٍ ترتجيـه


قلت الرجاء؟ قال الرجاء والله بـلاااك
ساعة رجاء والصبر قلبـك يشتويـه


قلت الصبر؟ قال الصبر يالله حمـاك
نبـذة عـذاب القلـب مايقـدر عليـه


قلت انت.. قال انا بشر يتبـع نـداك
قلت اصبر!! ابغى اسئلك يالعقل النزيه


انته تحرصني عشان اتبـع ارضـاك؟
العمر يفدى العمر لـو تامـر عليـه


ياجمل من البسمه على راحة شفـاك
واغلى مـن الدنيـا وشـيٍ تحتويـه


قـال اليالـي لاتبيّـن لـي جـفـاك
واقفى وهو يضحك ويشر لـي بيديـه


قلت الـودااع الله لايقصـر خطـاك
ياللي جمالـك فالبشـر مالـه شبيـه


واقفيت انا ويا همومـي فـي عـراك
الله يعين القلـب يصبـر ليـن اجيـه


صحيح وردني على حوض الهـلاك
لكن هـلاك الـود والحـب النزيـه

قصيدة وقفة الرجال

صحيح ان القصايد كلها تبحث خفى الرجـال
يجيب الرجل مايطـري ببالـه فـي قوافيـه

انكانه هزل جت هزله وكانه جزل جات اجزال
ولكن بيـض الله وجـه مـن ثمـن معانيـه

اليا منه طرى في باله يقـول القصيـدة قـال
حرام ان اجمع اجزال المعاني صـف منقيـه

ويتعب فالقصيدة لجل لامنـه اطلبـوه ارجـال
يعـد بيوتهـا بيـن الرجـال يثمـن الجيـه

يحلل كلمتـه قـدام يعرضهـا علـى العقـال
فطاحلـة الشعـر ومحلليـنٍ كــل قافـيـه

ترى الغلطه ليا من سمعهـا العقـال ماتنـزال
يزول العمر كون الكلمة العوجى هـي الحيـه

بقدر المستطاع اثبت وجودك والعلوم اطـوال
مع العريـف مـادام الشعـر عبـره إلاهيـه

ولا تعرض قصيدك للسفيه ولا علـى الجهـال
تمل الناس منها لو هي مـن الخجـل مرفيـه

لأن الجاهل اليا من نساها ثم طـرت فالبـال
لونـه مـع صـلاة الفجـر لحنهـا هجينيـه

يازين الكلمه اليا جت معانيهـا حكـم وثقـال
قصيـدٍ يعجبـك بـاول معانـيـه وتالـيـه

يجيك البيت مبهم لاكن انـك تفهمـه بالحـال
وهو يصعب على اللي نظرته للشعـر عاديـه

ومدام ان القصيد اكثر معانيـه ثمـان اجـلال
تقول الناس جعـل الله يبيـض وجـه راعيـه

هذا والله القصيد اللـي يثمـن وقفـة الرجـال
وغيـره والله انـه ضايـعٍ مــره وحلـيـه

قصيدة ضحى العيد





الناس منجرفه مع الأسهم وكم زاد الرصيـد
هـذا يصفيـهـا وذاك يبيعـهـا ويـردهـا




وانا على رجـواي لانـي مستفيـد ولامفيـد
مدري متى علمي بجـواد الفلـوس وعدهـا


لاكن على ماقال ابو صالح حمد صالح سنيـد
الله يلعـن حاجـة الدنيـا ويلعـن جـدهـا


الحاجة اللي من ورا حبة خشم شخصٍ بليـد
مارضى بها والناس ماترضى ولاهـو قدهـا


صحيح ماعندي رصيد فلوس لاكـن الأكيـد
ماعاد عندي كون عـز النفـس ليـه اهدهـا


انا عزيز النفس وازيدك بعـد راسـي عنيـد
يبشر رفيقي بالسعد وعـداي تمسـك حدهـا


ما ارافق الرجال متمصلح لجل مالـه يزيـد
عيني قسم بالله في مخبـى الرجـل مالدهـا


ارافقه لاسار راسـه طيّـب وشبحـه بعيـد
ويمناه تعطي مادرت يسـراه وشهـو مدهـا


وليا حكيته سر ماكنـه سمـع شـيٍ جديـد
يعني خلاص السر في نفـسٍ بعيـدٍ سدهـا


هذا رفيقي وان حصل ولا فخلونـي وحيـد
خلوني امشي في هوا نفسي واحقـق ودهـا


لبيييك ياملهم فكر راسي على بـدع القصيـد
ياللي على شانك بيوت الشعر تاصـل حدهـا


في ذمتي ذمه لو انحت لك على وجه الجليد
بيتين ياوجـه الجليـد يـذوب قبـل اعدهـا


ويمكن لو اكتب لك بعد بيتين باطراف الحديد
يصبح حرير وهو تموت النـار عـاده ندهـا


الله حسيبك كيف صرت اعذر وانا باسي شديد
اصبحت اسامح زلتك وقـول :هـذي عدهـا


عذرك ينسيني خطاك الأمس يالـدر الفريـد
عذرٍ لو تداوي به اجروح المريـض يبدهـا


دايم تعز الوصل ومقدى على الراي السديـد
لاجبعت بقعى حبال الوصـل قمـت تشدهـا


الله عطاك الزين والعفه وعـادك سيـد غيـد
والله صخرني لك محبه وانت منت بضدهـا


اسمعك بيتين وانـت تقـول بالله عيـد عيـد
وعيدهـا وعيـدهـا وعيـدهـا واردهــا


كله على شانك قسم بالله ماهي لحيـة نشيـد
يسقى على ذيك اليالـي قبـل تفهـق يدهـا


يوم اليالي كنهـا مـن بيننـا ساعـي بريـد
كنها تعلمنا وش اللي بيحصـل فـي غدهـا


واليـوم لاساعـي بريـد يفيـد والا يستفيـد
كـلٍ يبـي يقطـع علاقـة ودنـا ويهـدهـا


لاكن فمان الله واشوفك ضحى العيد السعيـد
عشان احصل لي عذر وعداي تمسك حدهـا

قصيدة ()() رعاك الله ()()

رعاك الله يالي من غيابك صاحبك منصـاب
بعد فرقاك في جمع الخلايق شفت لي ريبـه




رعاك الله يالي من عرفتك ماصفى المشراب
اكون اربع شهور(ن) من بعدها طالت الغيبه


رعاك الله يالي ماخذ(ن) دور القمر لاغـاب
بشعاع(ن) في جبينك مع ظلام اليل تضويبـه


رعاك الله يالي فيك ضني والرجاء ماخـاب
تراني في الرجاء لو حبنا يبسـت مشاريبـه


بعبر لك عن احزان(ن) بقلبي سترها مـاذاب
حقيقـه والحقيقـه مادخلهـا شكـه وريبـه


بقول اني انام ولا حربت القوت والمشـراب
انام ولا حربت الزاد لاكـن بعـدك مصيبـه


والى قلت اني اسهر فاعتبرني خاين وكذاب
انـا والنـوم تربطنـا علاقـة وده وجيبـه


ارحب بالمنام اليا لفـى واشـرع الأبـواب
ارحب بالمنـام وجيتـه مليـووون ترحيبـه


ولو مافي عيوني نوم اغمض واشبك الأهداب
اغمض واترجـى نومـي بطيفـك يجينيبـه


اليا جاني بطيفك قمت اناضر طيفك الجـذاب
اسامر طيفك بعز وحنان وقـدر(ن) وهيبـه


هلا بك يامسـاء مايليـق الا بعـز احبـاب
مسـاء مايليـق الا بئحبابـي واثنـي بــه


حبيبي حب يمزح قال قافك يابو سالم شـاب
باكملها مساء الخيـر والأحسـاس والطيبـه