قصيدة: عجز في الهوى

قصيدة: عجز في الهوى

. <{ عجز في الهوى }> .
مريت كاشخ والنظرات مستحيله
نادت فديت عيونك يا زين حياك

وكررت الندى وقلت من تنادي له
قالت ما فيه غيرك يالطيب نبقاك

قلت خير قالت خير من أي قبيله
تراك خذت قلبي مدري وش بلاك

قلت أمرك مظهرك بين إنك أصيله
ليه تسألي إيش اللي حدك ودهاك

فداك من فديته لكن فلوسه قليله
أخاف لمن تقدمت تقولي ماأبقاك

أصعب ما على الرجل هم الفشيله
حين تقولي له ليه فاضي مخباك

يقفي مكسور الخاطر ضايع دليله
ويشكي حاله لرب جملك وأعطاك

ويعض إصباعه ومافي اليد حِيِله
الله حسيب منه وقعه في هواك

كاشفة الوجه وأمِّيْلَه عليه القذيله
تجذبي قلوب وما تهوينها وتهواك

لا لا تلومي من شافك وأنهد حيله
لوما مخافة الله جاك منه ما رماك

دعوة تسيل وادي ما سال سيله
تقلب جمالك قبح يكرهك من رآك

يافاتنة سرقتي القلب عدله وميله
رفقا بمن عجز في الهوى يتحداك

إيش أوصف ويش اخلي ياكحيله
بارعة في الوصف شمالك ويمناك

من المستحيل تكوني لمثلنا حليله
روحي في مسارك ترى فيه حلياك

نحب من يحب بصدق لما نجيله
الله اللي كاتب كتبك لنا وإلا لذاك
الشاعر/ حمد بن فهد المخالده السبيعي
منقول