محتاج لك ..للشاعر فلاح السبيعي

محتاج لك ماهي مثل كل مره***هالمره اكبر من سهر ليل واحساس

ياللي غيابك عن عيوني مضره***عندي حضورك فرحة مالها قياس

قلب ملكته صار لك فيه جره***يغار منها كل من مر عساس

وانا رضيت الجرح خيره وشره***بعض الجروح بها الزمن ترفع الراس

طول زماني بين برده وحره***وانا انتظر من يمك يهب نسناس

خل العتب وان كان قصدك تشره***اّمر واحطك في دجى الليل نبراس

بهديك قلب صار حبك مقره***مليت توزيع المشاعر على الناس


للشاعر : فلاح السبيعي