خاطري بنظره وراااضي بهااااا حظ ونصيب ...!!

لا تدور مع قليل الرجا حظ ونصيب ولا تخاوي من تردى فيودي بك معه واعتنز باللي هقاويك لاجله ما تخيب لا اظلمت دنياك جنبك ولو ما تسمعه درع جنب وراس مالٍ وللمجنى عريب ذيب ليل وان وطى القاع محدن يردعه ان زرعت الطيب عنده يزيد الطيب طيب وان عليه اخطيت يدمح وصدره في سعه اجتهد ف رضاه واجعله من روحك قريب لو على شانه بذلت اللي عمرك تجمعه والدروب اللي على الهون والهزله تجيب صد عنها والله انها بليا منفعه شاقني مع نظمي القاف في وقت المغيب والشفق يسبح على الغيم من عقب اربعه والبحر يلطم و صوت المشاعر له تجيب والقريحة مع نسيم البحر متربعه شوفة اللي كنها للمرض وصفة طبيب كلما هاج وتمادى تهـدّ و تصفعه جادل ترف لعوب نزه من كل عيب من جماله استحى البدر يرخي برقعه زابن ثقال السحايب من اسبابه كئيب يوم نوره فاق نوره وسهمه وقّعه وردة الجوري ونسناسة الجو الرهيب والندى من فوقها والشذى اللي تبدعه كنها بالحسن مبسمه لاشك وريب يوم ينطق كل جوري بسحره تطمعه والخدود وحسنها اه يا خدٍ عذيب تعجز الابيات عن وصفها في مطلعه واديٍ فج وسيع زهى غصن رطيب والورود اشكال وانواع به متجمعه ما سقاها غير شلال ينزل من قريب يسقي وروده سنين ولاهي تشبعه ما يمل الورد من شرب والوادي خضيب دامها تسقيه عين ومنها مربعه والنحل حزة غزا ديرته عود صويب زلزل الوادي وحول ظلام يقمعه ليلتين تحمي الصبح من عين الرقيب الرقيب اللي نوا الصبح شيٍ يلفعه واحدن قوّى عزومه وهو وسطه غريب روحوا ربعه وخلوه يلقى مصرعه مات من بين الزهر واندفن تحت الشعيب وزان من زينه وحلاه منظر مهجعه صار قبره من مزارات شبان وشيب ساحر يسبي عيون البشر في ملمعه والله ان احلى الوصايف تخيب وما تصيب لكن ان ما طاعك الوصف يا فكري طعه ويل قلبن من ردى الوقت عنه في نحيب سلوته شوف النقا والمسافة تمنعه اجمل من البرق في روض ونبته عطيب من سنين ما تهنى ف برق وقعقه ذابل ضبحان والنخل في شكله شحيب شح عنه الما وكثر التجافي اوجعه راح عنه الساقي وهدّ جدران القليب ومال كنه يطلب الارض شي يبلعه واصدق من اللي بقلب الجليله للنديب يوم صدت عن كنوز اليماني والسعه وجّهوها سهيل والعين تنظر في كليب والدموع بعينها والخواطر مولعه وانتهض من شانها رجلٍ وبالوصف ذيب هدّ في ديرة سهيل وتعشا تبّعه ارهف من الريش في عاصف يقنب قنيب وارحم من ام تداري رضيع ترضعه اه يا هم المسافة غزا بالراس شيب واه يا قلب المولع تزايد مدمعه خاطري نظره وراضي بها حظ ونصيب واهتني دنياي واسلى مدام اني معه والله انها تطفي اللي بقلبي من لهيب ثورة البركان مزن المخايل تخضعه لكن البعد القوي حال من دون الحبيب صار خصمي اه منه عسى الله يقلعه الصبر تاليه خيره وهالدنيا نصيب والفرج نلقاه من بعد مر نجرعه ***** مما رااق لي : وعسى أن ترووق لكم وتحوز على إعجااابكم ..؟؟