>>>>>>> جاري انتظار الخط والدمع جاري

قفلي السماعه ياقلبي ماراح يرد

>>> تصب على النار بنزين هههههه






جاري انتظار الخط والدمع جاري
ليتك ولو مره على رقمي ترد

مليت من صبري وطول انتظاري
وزود على صبري تماديت فالصد

والمشكله خابرك بالوضع داري
بس الدلع والغطرسه مالــها حــد

ماكنت اظنك تبتعد عن مسـاري
تقول:ابي ارحل, قلت:بالله من جد

قبل لاتروح ارجوك رد اعتباري
كلمه حنان ولحظة احساس مع ود

أوأعتذاار وينطفي حر نــــاري
ولاأظن جرح القلب يبرى وينسد

دامك جرحته عقب ماكان بــاري
والله ليبطي جرح والحيـــل منهد

دخلت انا في عالمك باختياري
عالمك عالم غير والقــــلب يشهد

يأقرب وصفك من سراب الصحاري
ومشاعرك مثل البحر جزر ومـــد

فاليوم يطري لك ثمانين طاري
تزعل وترضى وترخي الحبل وتشد

حبك ترى ماهوب حتما اجباري
ولاني على وصلك شفوقاً ومنحـد

ان كان تبغى اليوم تسمع قراري
قررت أعز النفس وأنساك وأسعد

وارتاح من همي ونار انتظاري
واحيا وأموت ولا أخضع راسي لحد
*
*
مما رآق لي...