يالسحاب

يالسحاب اللي تهل من الصباح مزونك
ماتطفي جمري اللي في ضميري لاضي
ويالمكان الفاضي العالم ماهم يملونك
ماملاك الا الذي من راح صرت الفاضي
لو بينبت للبشر جنحان ماياتونك
انت قمه تحقر جبال السبع الأراضي
القوافي كلها لك واللحون لحونك
ياقريحت شاعرك لامن طريت وهاضي
اكتبك في وسط قلبي واحفظك واصونك
ومن محال الواقع اسرح معك بـ فياضي
من غلاك اقول مابه من شكلك ولونك
فالحياه اللي مناكبها طوال اعراضي

ياحبيبي من تعباسك لـ ضحك سنونك
احفر قبري واجهز لـ الرحيل اغراضي
اردك لو ان تمايل للفراق غصونك
مثل منهو يارد لموته ورود حياضي
يالحبيب اللي رحلت وصرت انا مجنونك
فيك لو اعيش عمر ادم ماني معتاضي
انت مثل القاضي اللي منظلم مسجونك
طال صبره فالسجون وسج منه القاضي
اتظاهر بالرضا من شان مايوحونك
ولا انا بالصدق ماني ياحبيبي راضي
كل مااذكر صوتك الخمري وسحر عيونك
ناض شوقي مثل نوض البرق لامن ناضي
عاشق الماضي وكاره حاضري من دونك
ويش ابي فـ الحاضر اللي منك ماله ماضي