ذاك من غيره .. ؟ ينسّيني عناي

حيْ من أغلب تفاصيله | معاي
________ و حيْ من لبّى نداي بْ ضحكته


لو نويت أحكي عن الحب وهواي
________ مستحيل أنسى .. غلاه وسيرته !


ذاك من غيرره .. ؟ ينسينـي عناي
________ ويمحي ظلم الوقت ليْ ، وْ قسوته !


خاطري ألمح " وجوده " في سماي.
________ وآتأمّل سحر عينه و بسمته .. .


يا حبيب العمر .. يا معنى هَناي.
________ لأجلك إنتَ الفَرْح يسبق خطوته


تستحق العشق | تستاهل " وفاي "
________ ويستمدّ القلب منّك .. . طيبته !


علّق الآمال يا عمري بْ فضاي
________ يا وطن قلبٍ تعب . . من غربته !


عطّره صبحي ... وزيّن لي | مساي.
________ نوّره يومي .. . و زوّد فرحته .. !


لك يزيد الشوق .. فيني يا غلاي !
________ ولو بعدت ؟ الكون أحس بْ ضيقته


لو تزعّلني ؟ أنا مابي ( رضايْ ) .. !
________ شفت كيف العقل ضيّع .. حكمته !