إي والله انّي آخافك وآمنك وانّي - محمد جار الله السهلي

[tabletext="width:100%;background-image:url('http://store6.up-00.com/2017-04/149262955488991.jpg');border:4px groove [color="wheat"][cell="filter:;"]

إي والله انّي آخافك وآمنك وانّي :
احبك .. من اول الدنيا الى آخرها ..

قل للزمن يبتعد لا يبعدك عنّي ،
وقل للمشاوير توقف لا نسافرها ..

وانقذني ارجوك من تخميني وظنّي ،
تعبت اصغّر وساويسي واكبرها ..

اجيك مرهق ومتضايق ومتعنّي ،
واروح ودموع عيني عنك ساترها ..

ودّي اعلمك بـ همومي ولكنّي :
اخاف اعلمك فيها .. ما تقدّرها ..

وانا حياوي وطبعي من صغر سني ،
افارق الناس .. قبل اجرح مشاعرها ..

آحس باحساس تعبّني وجننّي ،
ليت الاحاسيس تتصوّر واصورها ..

ودّي تشوف بعيونك كيف تحزنّي ،
فكرة : لو تصير ذكرى واتذكّرها ..

خذني على قد تفكيري وطمنّي ،
واحلف وكثّر من حلوفك وكررها ..

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟

يمكنّي اخاف لا اخذها ويمكنّي :
ضيّعتها من يدي عشان ادورها !



- YouTube



لـ شاعرها محمد جار الله السهلي





تصميمي وحصري لقصايد ليل

كل الود

تحميل صوتية (هنا)

[/cell][/tabletext]