أحمر الورود

أحمر الورد أجمل شي بالبستان
بين صوت الطيور وخضرا الاغصاني

والمشاعر لو تجرد من الانسان
كيف يعرف شعور اخو الانساني

والمحبة من الايمان والايمان
شي وسط الضمير وشي براني

وإنت يا الانساني إلي كنك من الجاني
إختر الشكل الاول وافهم الثاني

لك سنة وإنت لا راضي ولا زعلان
نفسك تذلني ولا تحداني

سامح الله سطوة رمشك الفتان
يوم خدني على غفله ووداني

سامح الله قلبي يوم شافك لان
لين حبك تمكن وسط وجداني

وسط وجداني إلي لك بنا وجدان
كلها تشكي فرقاق وتعاني

إنت جاني علي بالهحر والحرمان
والجروح الجروح اشكال والواني

جرح دمعته ما تنشاف بالاعيان
وجرح دمعته منضوره بالاعياني

وجرح مجراه مجرى الدم بالشريان
وجرح كانه طعون سيوف عدواني

وجرح يقتل شعور العاشق الولهان
لو بغيت اشرحه ما قدر لساني

وجرح في الذاكره مايقبل النسيان
أتذكره دايم رغم نسياني

اه يا مكثر جروحي لكن غلطان
كان ما تعرف المجني من الجاني

كل إنسان يملك في الحياه انسان
من معانته يقدره ويعاني

ودامه ماتسلي كثره الخلان
خلهم في سلام وعيش وحداني

يا زمن لا توصي صاحبك حمدان
قبلك محمد ال مكتوم وصاني

صاحبك لا وقف يصهل صهيل حصان
يتحمل طعون فلان وفلاني

ومن يعامل جميل الناس بالنكران
مستحيل احشمه لو هو من اخواني