جناح الأشواق

[poem=font="simplified arabic,5,purple,normal,normal" bkcolor="transparent" bkimage="" border="double,4,purple" type=3 line=0 align=center use=ex num="0,black"]
اصبر على صاحبك واصبر على هجره =
الطيب من يعمله يرجع عليه اجره =
واللي جرى لك من الصاحب عليه اجره =
قلبك مدينه وعينك يا علي هجره =
*=
الحب لاتجهل اعداده وتدريبه =
مادمت ياراع الاشواق تدري به =
اللي يداريك بين الناس تدري به =
وانا عيوني تهل دمعي وتدري به =
*=
دقات قلبي توافق عقرب الساعه =
وقلوبنا معشر العشاق وسَاعه =
دروب ضاقت بنا وادروب وسَاعه =
ماننتضر غير يوم الحشر والساعه =
*=
متى بعد تفتكر وتحن يا ناسي =
ومتى تعودون مثل الناس ياناسي =
يانندب الحظ يا نجفاه يا نأسى =
مادام وقت الونس ماعاد يا ناسى =
*=
نامت عيونك وجفني دايمً صاحي =
نصحت قلبي ولكن عاف منصاحي =
من جن من زايد اشواقه ومن صاحي =
والحب ما مات له في القلب منصا حي =
*=
سهرت اهوجس بحبك ليلة البارح =
وضاق من زود شوقي صدري البارح =
وقفت حيران في وسع الفضاء البارح =
ولا قدرت انقل اقدامي ولا ابارح =
*=
جناح الاشواق لهل الشوق وداني =
والحب مايقبل العذَال و الداني =
الحب ميعاد للقاصي و للدَاني =
تبقى ثماره تداعب غصنه الداني =[/poem]كلمات بسيطه عسى ان تنال رضاكم واعجابكم
وكل عام وانتم بخير
كلمات /رفيق الأحزان