سكة الذكرى الحزينه

قصيده جميله للشاعر
فهد المساعد
(إهداء لعيون الغلا أوفــــي)
,,,,,,,,,,,,,,,,,,,,,,,,,,,,,,,,,,,,,,,,,,,,
مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه

قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس هـ..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقـدت الحلم في لمسة يديـنه؟!

مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!

وين ابنسى؟!..وأنت طيفك(صاحبي مأدري عدوي)
مارضي يترك لغيره شـبر واحد في المديـــنه...!

قصيدة رائعة وجميلة


سلمت يداك على الطرح الراقي وحسن الاختيار

يعطيك العافيه

اختيااااااار موفق

ابداع

تستحقي كل الشكر
,,
..
تحياتي
!!

&زهورهـ&

يعطيك العافيه
تحياااااتي
وهج

جهد يستحق الشكر والاحترام

ليس بالغرابه ان أقرأ على منتديات قصايد ليل
مثل

هذهـ المواضيع لان من خلف الموضوع راقي

الله يوفقكـ

ياعسووله يا دمعه

طرحك كلمة رووعه قليله فيه واخاف مااوفيكي حقك

في الرد فاعذريني

صح لسآنك ولسآن شأعرها

قصيده رااااااااااااااااااااااااااائعه بإنتظار جديدك ..

(<>+-&يـــعــــطـــــيــــكـــ الــــفــــ عـــــااااافــــيـــــة&-+<>)