عاشق زمانه رفيق الأحزان

من زمانٍ فـات وانـا خاطـري مرتـاح سالـي=لا يسهـرنـي غــرام ولاتجرحـنـي اهـانـه
شاعـرٍ مرتـاح بالـه لا يـضـام ولا يبـالـي=وان زعـل فكـك زعلـه بنغمـةٌ مـن ليلدانـه
اعشق ابيوت الشَعر والبـن فـي صفـر الدلالـي=واجتماعـات الرجـال الـي لهـم قـدر ومكانـه
وان بغيت اعشق رسمت اجمل حبيبه مـن خيالـي=واقعد اوصفهـا بشعـرٍ كننـي عاشـق زمانـه
خطـةً سويتهـا لجـل استريـح مـن الهبـالـي=لكـن العشـاق يقلـون انهـا خـطـه جبـانـه
لين جانـي صدفـةٍ ماعمرهـا خطـرت ببالـي=شفت فيها الموت الاحمر والعـذاب علـى هوانـه
جتني الـي بالجمـال اعدهـا الشخـص المثالـي=قاصده مستقصده تكسـب مـن الشاعـر رهانـه
قالت انـت الـي تقـول الحـب قهـار الرجالـي=وانته الي قلت سيدي غـاب وانـا ابكـي عشانـه
قلـت عـز الله وصلتـي يامكمـلـة الـدلالـي= َيا الهنوف الي نقـش حنـاه فـي عالـي بنانـه
كلمينـي بالهـداوه ماابـي هــرج العجـالـي=وانزعي مـن فمَـك المرسـوم علكـات اللبانـه
واسمحيلـي بالسـوال وجاوبينـي عـن سوالـي=قالت اسأل وش تريد اب يفضح الشاعـر لسانـه
قلت ودي اعرف ديارٌ عـاش فيهـا ذا الجمالـي=الجمـال الـي يهـد ويفقـد الـرجـل اتـزانـه
قالـت اديـاري بعيـد والـدروب لهـا طوالـي=وانت تعرف دارنـا ذا كـان تذكـر بـو فلانـه
ما عرفـت الـدار لكنـي سكـت علـى خبالـي=ماابغي ابين لها اني مـا اذكـر الوقـت ومكانـه
حملتنـي مـن هواهـا عشـقٍ اِهـد الجبـالـي=حمل(ن) اثقل ما الجبال وزاد عـن ثقـل الامانـه
وابتديت اسهر واعاني واعشـق الجلسـه لحالـي=وانضم اشعـارٌ رخيصـه مالهـا ثقـل ورزانـه
وصفها معدوم والوصـف المزيـف مـا يقالـي=وان وصفت اب وصف ناقص ما اعتبرها الاخيانه
ناعسة طـرف وكحيلـه عنقهـا عنـق الغزالـي=والشعـر ليـلٍ تسـدل والقمـر زاده رصـانـه
والكـلام الـي تقولـه مـن شفيايفهـا الزلالـي=قبل يطلع من شفاهـا يشعـر القلـب اب حنانـه
كل ما اذكرها تمـل العيـن مـن طـول الليالـي=كننـي مثـل السجيـن الـي يقـاد بـلا ادانــه
ويش طاح الجازيه في عشق بـو زيـد الهلالـي=وابن غانم يـوم شـاف الجازيـه هـزت كيانـه
قد جمح قلبـي لهـا جمـح الجـواد بـلا حبالـي=لي ثلاث اشهور وانا ما قـدرت ارخـي عنانـه

كلمات/رفيق الأحزان

طرحك رائع ويستحق الوقوف
لاختطاف نظرة على ما ابدعت به
تــــحــــيــــ اااااااااا تــــــــي

صح لسانك
يسلمووو

يعطيك العافيه

ويش طاح الجازيه في عشق بـو زيـد الهلالـي
وابن غانم يـوم شـاف الجازيـه هـزت كيانـه

من خلال عشقي لقراءة التاريخ
ارى ان بيت السابق غير متناسب مع تاريخ بني هلال
فالجازية هي عمه ابو زيد الهلالي
وهي خاله ذياب بن غانم
لم يكن بينهم اي عشق
فهي كانت تحب زوجها الشريف شكر
رغم انها تركتك وسافرت مع بني هلال
هذا اللي بدا لي ان لم تخني ذاكرتي في ما قراته

صح لسانك ياولد زهران

فصيده جميله وواضحه وانا من الناس اللي احب
أقرأ شي واضح غير مبهم

قصة عشق لم تكتمل كتبها الشاعر ومعاناه
من اجل ذلك المحبوب وحرمان
ابدعت في التدرج واتقنت فيه
اتمنى تاخذبكلام اليتيمه لو كان صائب
حتى تكتمل تحفتك عزيري


راقي وسامحني على الاطاله يالذيب

لله درك من شاعر
صح لسانك ملايين
رفيق الاحزان
دمت ودامت كتابتك

يعطيك العافية على الطرح الراقي والجميل

الله يسعدكم جميع
اسعدني تواجدكم الرائع
الف شكر على مروركم الطيب
تحيااااتي
رفيق الأحزاااااان