الزبده

إرشيفيه للتواصل

الزبده اني انا بالحيل محتاجك***اسمع كلامي وعقب اللي تبي سوّه


ماجيتك العب ولا بسبب احراجك***جيتك وانا اشوف كلك طيب ومروّه


امرن طبيعي تبي تحتاج واحتاجك***طبع البشر كلهم من آدم وحوّه


لكني اشوف همك كيف مخراجك***والله هو اللي يعرف الناس من جوّه


مافيه داعي تضيق وتعقد احجاجك***الحب ياهيه توه فأوله توه


لاصار منهاج خلك غير منهاجك***قله بوجه وجمّد قلبك وقوّه


اليا متى امري حبيس بداخل ادراجك***واجيك واقول لك وارد وانوّه


الهم والغم والضيقه من انتاجك***وصاحبْك من كثر حزنه اختلف جوّه


غرقت في ساحلك قبل آصل امواجك***وجرحتني جرح ياكبره وياقوّه


ان كان في غيبتي راحتك واعلاجك***ابشر ابصبر واصد لخاطر الخوّه


وان كان عني نويت اتطفي اسراجك***وش ينبغا بالهوى اذا طفت ضوّه


لاكن عوافي وانا آسف على ازعاجك***مافيه حبن يجي بالغصب والقوّه




ودي للجميع

مافيه داعي تضيق وتعقد احجاجك***الحب ياهيه توه فأوله توه


لاصار منهاج خلك غير منهاجك***قله بوجه وجمّد قلبك وقوّه



صح لسانك

تبعات قراءة هذا البوح

دهشه وإعجاب وتكرار إطلاع

تعلم كيف تصل لمقتل من تحادثه

رائع دائماً يابراق وشهادتي فيك مجروحه

ي جمال حسك اخي
الله عليك يا السبيعي
صح لسانك واعتلا شااانك
وسلم نبض قلبك

غرقت في ساحلك قبل آصل امواجك***وجرحتني جرح ياكبره وياقوّه


ان كان في غيبتي راحتك واعلاجك***ابشر ابصبر واصد لخاطر الخوّه


وان كان عني نويت اتطفي اسراجك***وش ينبغا بالهوى اذا طفت ضوّه


لاكن عوافي وانا آسف على ازعاجك***مافيه حبن يجي بالغصب والقوّه
روعه روعه يشاعرنا كلمات على الوتر تعزف اللحان
كفت ووفت هالجواهر
رائعه وابصم بالعشر ومايكفون
ولكن ماذا يقال في شاعر يعزف ويشدو باجمل الكلمات
غير لله درك يالرائع يارب عن سمانا ماتغيب

والزبده انك جداً مبدع اخووووي براق
ربي يسعدك وين ماتكون
احترامي

الزبده اني انا بالحيل محتاجك***اسمع كلامي وعقب اللي تبي سوّه


ماجيتك العب ولا بسبب احراجك***جيتك وانا اشوف كلك طيب ومروّه




ياسللام عليك برااق صح لسااااانك ملايييين وأعتلى شانك
من زمان عن قصايدك سلم لنا فكرك ونبض قلمك
يسعدك ربي ويحقق أمانيك

انشهد
مافيه حب يجي بالغصب والقوه
والزبده في هذا الشطر ياصاحبي

شاعر كله احساس واحساسه مايشبهه احساس
بيض الله وجهك

قصيده كيفت راسي
وطبع البشر مصالح
وانت اعطيت الزبده وريحت راسك
انا اشهد انك فحل

صح لسانك يالسمي

قصيده في العظم اي والله
فيها شموخ شاعر فيه بروز عضلات
فيه شي غير طبيعي

كل بيت اعتبره مطلع لقصيده
من شدة جماله

ارشيف جميل وكنز متواصل لاينضب

الف شكر من القلب

همسه؛

من لايهمه غلاك وفلة احجاجك
توه بعد ماعرف معنى الغلا توه

لاصار منهاج خلك غير منهاجك***قله بوجه وجمّد قلبك وقوّه


اليا متى امري حبيس بداخل ادراجك***واجيك واقول لك وارد وانوّه

صح لسانك يامبدع