يا مقسى قلب الخل لي صار جبار

[align=center][tabletext="width:80%;background-color:darkred;"][cell="filter:;"][align=center]

[align=center][tabletext="width:70%;background-color:black;"][cell="filter:;"][align=center]

يا نار شبي بين لضلوع حرايق


حرقي أثر مشاعر القلب يا نار


يكفي أعيش العمر مهموم ضايق


و الناس معيشتها بالأفراح أعمار


ما هو حسد مني على قلب رايق


الله يكون بعون كل قلب محتار


يا للأسف مستكثر (ن) خلي دقايق


و إنا على خلي حليم (ن) و صبار


خايف عليه من عين كل الخلايق


أخاف يجرح بشرته الريح لي دار


كلما تقاربنا طلع باعذار و عايق


يا مقسى قلب الخل لي صار جبار


يوم بدلع و الغنج و بالدلال سايق


ويوم يستوي قلبه علي مثل الاحجار


من ضيقتي لحروف صارت وثايق


جمعت كل حروفها وصغت لشعار


أحس أني لأمور العشق مب لايق


عصفور شبابي من فوق غصنه طار


صرت أنا و حرقة المشتاق شقايق


ما تم لي نديم (ن) غير عود و أوتار

[/align][/cell][/tabletext][/align]

[/align][/cell][/tabletext][/align]