يبه وينك ..!

[ALIGN=CENTER][TABLETEXT="width:70%;background-image:url('data:image/png;base64,iVBORw0KGgoAAAANSUhEUgAAAS0AAACoCAMAAAC CN0gDAAAAA1BMVEUAAACnej3aAAAASElEQVR4nO3BAQ0AAADCo PdPbQ43oAAAAAAAAAAAAAAAAAAAAAAAAAAAAAAAAAAAAAAAAAA AAAAAAAAAAAAAAAAAAAAAAAA+DMYwAAEA3TQ0AAAAAElFTkSuQ mCC');border:4px double gray;"][CELL="filter:;"][ALIGN=center]

يبه وينك !
تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !


يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..


يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..


يبه ... تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
لـ أيام الشقا حنّيت ..
لدروب السهر و الحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..


يبه ... ودي أنا أحكي لك ..
عن أسراري ..
عن اللي صار بـ / أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..


وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..


يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..


بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..


يبه .. تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..


وأصوّت لك ..
وأنا عندك ..
وأنا جنبك ..
يبه : تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..


يبه برحل ..
وبترك لك معاك حروف ..
إلى من جيت في بالك ..
تذكّرها ..
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !
ترى هالبيت من دونك قصر فاضي .. مع إنّه ممتلي بالناس !​

..

[/ALIGN][/CELL][/TABLETEXT][/ALIGN]