سالفة في بر الوالدين ...

سالفة في بر الوالدين ...

الشاعر جحيش بن مهاوش ، قال قصيدته المرثية في عياله
حيث دعا عليهم وإستجاب الله دعوته ، والقصة وما فيها أنهم
تنكروا لوالدهم حيث توفيت أمهم وهم صغار، وقام بتربيتهم
حتى كبروا، وكان لهم بمثابة الأم والأب ، يسهر الليالي على
رعايتهم وراحتهم، وفي النهار يذهب لجلب طعامهم ، الخ ...
وعندما كبروا تنكروا له ، وأصبح لا يريد أحدا ًمنهم مراعاته
لخاطر زوجاتهم اللاتي تأففن من خدمته وصار كل واحدا ً
منهم يطرده ، من بيته فما كان من الوالد إلا أن سكن
إحدى (الخرائب) حتى صار لا يقوى على النهوض ،
أو السير وضعف بصره فذهب زاحفا ً يتوسل ويترجى
أبناءه بأن يمكث عندهم حتى يقضي الله أمره فلم
يستجب له أحد منهم ، فقال فيهم الأبيات التالية :

قال الذي يقرا ،، بليا مكاتيب
ياللي تقرّون العمى من عماكم

ياعيالي اللي تشرفون المراقيب
تريضوا لي واقصروا في خطاكم

خذوا كلام الصدق مابه تكاذيب
مثل السند مضمون للي وراكم

ياعيال لا صرتوا ضيوف ومعازيب
ترى الكلام الزين ملحه قراكم

وترى السبابة من كبار العذاريب
وهرج البلايس ما يطوّل لحاكم

المذهب الطيب فهو مذهب الطيب
والمذهب الخايب ،، يبوّر نساكم

ياعيال ما سرحتكم باللواهيب
ياعيال ماعمر ،، المعزب ولاكم

ياعيال ماضرّبتكم بالمشاعيب
ولا سمعوا الجيران لجة بكاكم

ياما توليت القبايل تقل ذيب
من خوف لاينقص عليكم غداكم

وياما شريت السمن من عرض ماجيب
يفز قلبي يوم ،، يبكي حداكم

أحفيت رجليني بحامي اللواهيب
وخليت لحم الريم خالط عشاكم

ياعيال دوكم لحيتي كلها شيب
هذا زمان ،، قعودنا في ذراكم

قمت أتوكا فوق عوج المصاليب
قصرت خطانا يوم طالت خطاكم

عطوني القرضة عليكم مطاليب
عطوني القرضة جزى من جزاكم

لابد يوم ٍ عاوي ٍ ،، دوني الذيب
بالقبر ما أفرق طيبكم من رداكم

ماني بفاضحكم بوسط الأجانيب
بأعمالكم ،، يدرون كل أقرباكم

لو كان تدرون الردى والمعاييب
صرتوا مع المخلوق مثل خوياكم

خوالكم بالطيب تروي المغاليب
ولو تتبعون الجد محدن شناكم

وش علمكم يا تاركين المواجيب
حسبي عليكم هالردى وين جاكم

قصيتكم وأسندت وادي سلاحيب
ولقيت بالصبخا ،، مدافيق ماكم

ياعيال بعتوني ،، بصفر العراقيب
ما هي حقيقة سود الله قراكم

يالله عسى عماركم شمسها تغيب
يعتم قمركم ،، ثم تظلم سماكم

ياعلكم ،، في حاميات اللواهيب
ياللي على الوالد خبيث لغاكم

شفت الجفا والحيف والغلب والريب
بضلوعكم ،، لابيض الله ،، قراكم

عسى نساكم ما تحمل ولا تجيب
ولا احد ٍ من البزران يمشي وراكم

إخسوا خسيتوا يا كبار اللغابيب
إهبوا هبيتوا ،، يقطع الله نماكم

وقد إستجاب الله دعائه في ساعة إستجابة /
ولم ينجبوا أولادا ً، وقيل أنهم تزوجوا مرة ومرتين وثلاث ،
من أجل أن يرزقهم الله ، ولكن أمر الله قد نفذ ، وإنقطعت
من ذلك الزمان ديارهم ( ولم ينجبوا ذرية ) أشهد أن لا إله إلا الله ...

تحيتي وصادق ودي