قلتي لي : بليز مالي خلق طفشانه .

. يالساهرة طال فينا الليل وأسهرتك
جعلني الموت لين ألحين سهرانه ! .

. نسيت نفسي بصوتك ثم تذكرتك
وإنتي بعد ماعليك خلاف .. نسيانه .

. لا قلت : أخليك ؟ قلتي : ليش أخرّتك ؟
خلّك حبيبي معي من جد ولهانه .

. وإن قلت لك : زين خلّصتي مذاكرتك ؟
قلتي لي : بليز مالي خلق طفشانه .

. الظاهر إن هذرتي زادت وكدّرتك
أهلي يقولون عني (بنت زنّانه) .

. قلت : إهذري وإملي عروقي بثرثرتك
هذا هو الموت (نبرة بنت نعسانه) .

. تدرين ؟ ياما على نفسي تكاثرتك
ماكنت باقول بس الحين خربانه .

. ياحلوتي قبل أعرفك ماتصوّرتك
كنتي لي المستحيل بهيئة إنسانة .

. حتى قبل ما أعرفك في البال حضّرتك
ركّزت ثم قلت : لا لا تشبه فلانه .

. هدّيت عرش الصبايا بك وعمّرتك
ماتشبهك بنت يا ام عيون خدرانه .

. أحس من كثر ما حاولت جرجرتك ..
للواقع .. الله وهبني إيّاك سبحانه .

. من قبل ترتيبك لمّا بعد بعثرتك
يالمترفة وأشهد إنك صدق فسقانه .

. كلّك مزايا من أولتك لآخرتك
يا أقصر طويلة ويا أنحف بنت مليانه .

. في كل ذرة بجسمي قمت نثّرتك
لين أصبحت كل ذرّة فيك هيمانه .

. شربتك البارحة فتنة وكثّرتك
شوفي عروقي بحسنك كيف سكرانه .

. كنتي سجينة خيال وجيت حرّرتك
وأصبحت أسيرك وأبيك اليوم سجّانه .

. إلا تعالي .. متى تبدأ محاضرتك ؟
طيّب أخلّيك .. شكلك جد تعبانة .

يسلم شعورك
ولاهنتي

عافيه عليك وعلى الطرح الراقي
لاحرمك الله رضاه

لك كل
تقديري واحترامي

مجنون قصآيد

صح لسانك ولسان كاتبها

الله يعافيك

طرح راائع ورآقي

لاعدمناك

.,

القيثاره
نُحِبُّ تَواجُدُكِ الشَهِيَّ لِنَجُوبَ بِهِ عَالَم مُختَلِف مِن الرَوعَة
لِيَمكُثَ فِي مَآقِي العَين

وَعِبَارَات مِن إعجَاب تَنطِقُهَا الأَفوَاه والقُلُوب
واشياء على طرف اللسان سااحتفظ
بها لعذوبة ثانيه
دُمـــتِ , وَتَحِيَّة تُشبِهُك

انتقاء انيق

صح لسانك ولسان شاعرها

جدا مبدعه

فيِض من العُذوبه أغرقتنا بها
نبض يلامس الوجد
وأنسكاب مِدجج بالجمال واللغة وألاحساس

بعيد كل البُعد عن التكلف
سلمت يمناك ياقدير/ ة
وكُونـــ/ ــي بخير وسعادة

مودتي

طرح يعتلي قمم الجمآل
وآبدآع وتميز هو متصفحك
طرحت فأبدعت
دمت ودام عطائك
ودائما بأنتظار جديدك

المشاركة الأصلية كتبت بواسطة نبراااس

يسلم شعورك
ولاهنتي

أهلا وسهلا
ومرااحب بهالطله
نتشرف بحضووورك