حرير الدّيم ، سالم سيار

، توصّي بنفسك وانسي , جُروح الوقت من أمْسك , وكوني بخير ! ترى ما هو عشانك بس , عشان اللي يحبّك من تصِيري بخير , يصير بخير ! ويصبّح من على شَمسك , أو تَدرين ؟! يصبّح من بَعَد هَمْسك , وكُوني انتِ , مثل ما انتِ تنَامي بدفتري وأقعد , أرتّب لك صَباح الخِير , من أوّل نافذه لآخر ضُلوعي وكان , قَلبي طير ! يغنّي لك : أحبّك , بعد ما راحت أوجاعه وكَانت [ أح ] , حَضَن عمرك وكلّ شَي [ بك ] ! وياخذ من حنانك ريش , ويغَنّي لك , وصَارت أح .. أحبّك , أنا للحين فوق الأرض , أمر بين السّحب والغيم , أخَذني قلبك الطّالع من الأشواق ووجهك كان .. من الماس الشّعاع وكلّ حرير الدّيم ..