الشوق ذاهل

مدخل


لك في ضلوعي يدين الشوق تحطبني
يروق جو المسا مع طيب نسماتك


ماودي اكذب .. خفوقي فيك تعّبني
مدري وش اسمي غرامي في حكاياتك


إن كان هذا عذاب .. ارجوك عذبني
وان كان حبي غلط .. يازين غلطاتك




عمق






ظلم الطريق ومعمعة حرّاسك
وانفاس صدرك والخريف الآتي


عطنى شجاعة وأقتحم أنفاسك
خذني مسافة وأختصر مشهاتي


اخترت اسوّر باضلعي احساسك
واجنيك صرخة من ربيع سكاتي


مامات بردي والعشم في فاسك
والليل موحش واسمعه في ذاتي


اشربك مدري انسكب في كاسك
اسكبك مدري اعتذر ل شفاتي


ان قلت أموتك حاسبوني ناسك
وان جيت ابحيا مالقيت أمواتي


الموت صحوة لاغشاك نعاسك
في عين حيٍ كاتبك فْ وصاتي


شبّيت ضعفي واحْتَرق في باسك
وازريت اجابه سارقين رفاتي


الحب مارد في زجاجة ياسك
لاجيت أبفرك ماقوت نياتي


واحالي اللي هو قنا اقواسك
وا حالك اللي هو سبب مأساتي


وش فرق أسود هالفحم عن ماسك
الا عوامل هي سبب أبياتي


محتاج أطَفّي بالبكا نبراسك
لا صارنورك حالك لْ ظلماتي..


والحين شفني ميت ف قرطاسك
والحرف قبري والمسا زفراتي..



مخرج



تعال.. علّقت النجم مالقيـتـك
وناديت بِ إسمـك صرخةٍِ تهدم جبال ,


تعال" مثل أول " الى من دعيتك
تزعج بِي الدنيا أغــاني ومـــوال !


تعال .. زلزلني غيابــك وبيــــتك
الشوق ذاهـل .. لكـــن الدمـع هّمال ..






لاأرواحكم العذبه