البارحة يوم اكثر العالم رقود

تعبت اقول لضيقتي سهود ومهود
الى متى هالعذر بيكون عذري
البارحة يوم اكثر العالم رقود
عادت علي اللي تجي منين مدري
الضيقة اللي كل ماراحت تعود
مكانها مابين قلبي وصدري
ناسٍ تنام مدهنة في دهن عود
وناسٍ تنام مدهنة بزيت مقري
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
ماهوب مثلي من اقرب الناس مجحود

الله يسامح من طعني بظهري
من راح ماكنه على القاع موجود
مايدري انه اول اسباب كسري
كل ماطرالي قلت من قلت الفود
ياليت منهو راح ماعاد يطري
لو تستحي من فعلها ايامي السود
كان استحت مبطي ولا طال صبري
قدمت بالموجود لخاطر الجود
لين التفت ولابقى شي حدري
عطيت من عمري ولا شفت مردود
ياللأسف للناس ضيعت عمري
واذا افرحوا واجد على طيحة العود
هذا دليل انه فعل شي يغري
بوقف لحالي واتبع الطيب والزود
اشره علي ان صغر الوقت كبري
ماني على بعض المخاليق محدود
اموت مانزَلت للناس قدري

لو تستحي من فعلها ايامي السود
كان استحت مبطي ولا طال صبري
قدمت بالموجود لخاطر الجود
لين التفت ولابقى شي حدري

الله الله
صح لسانك ولسان شاعرها
قصيده ولا اجمل من معناها
والكرامه الا الكرامه

روعه

شحوح
صح لسانك ولسان من كتبها ونضمها
والنفس قيمه وماعاش من يهز قيمتها
نقلتي لنا شي راقي

طلاق اني لاصلي ورقد سهرتينا بروعة طرحك
غدا لنا تواجد بإذن الله

حتى انا قسم دايخه

بصلي وانخمد

فديتكم

صح لسسآن شاعرهـآ , ونـآقلهــآ


قصيدة رآئعه بمعانيهـآ الجميـلـه , كل الشششكر لـ طرحهـآ ..


ودي

يعطيك العافية طرح في قمة الروعه و نال الاستحسان
وعم الجميع بالقائده

نجم

حياكم ربي يسعدكم

طرح رائع قلبي

صح لسانك ي عسل ولسان كاتبها

سلمت يدآك على جميل طرحك وحسن اختيارك
يعطيك ربي ألف عافيه..بإنتظار جديدك بكل شوق.
لك مني جزيل الشكر والتقدير..