المفارق عنْك .. لا يعنـي ضياعـي

المفارق عنْـك لا يعنـي ضياعـي
والمعيشه معـك لا تعنـي متاعـي

في كِلا الحاليـن مـا تفْـرق لأنّـي
واعي ٍ لا رِحْت .. ولاّ جيت واعـي

أدري انِّي حيّ بِـك .. والاّ بدونـك
وانت جزء من الحياه ولِك دواعـي

بس ما يعني وجـودك فـي حياتـي
إمتثالي دوم لامْـرك.. وانصياعـي

لي طريقي.. وانت والله واختيـارك
يا ابتعادك عن طريقي ..يا اتّباعـي

إقتنع في كـل مـا اسـوّي واقولـه
عقبها شوف انطباعك .. كانطباعي؟

ولو تحسّ الإختـلاف بـردّ فعلـك
لك طباعك يا عزيزي .. ولي طباعي

يعني لو إنت اندفاعي في شعـورك
في شعوري ما ني مثلـك إندفاعـي

باقتناعي لا عشقت اعشـق وطبعـاً
لا كرهت اكـره بكيفـي واقتناعـي

هذا أنا من يـوم مـا ربـي خلقنـي
فطري باحساسي ولاَني باصطناعـي

عاطفـي جـدًا .. وكلّـي شاعريّـه
وانطوائي كثير وشـويّ اجتماعـي

وانت بس ارجوك لا تزعـل وقـدّر
مثل ما اراعي.. لزوم انّك تراعـي

يعني لو ما كنت احبك .. لا أهـزّك
خلك أقوى من كلامي.. وامتناعـي

كلمتين .. وقلتها لـك ألـف مـره
بس شكلك ضقْت من كثرة سماعـي

قلت: "لو أقدر أحبك كـان احبـك"
البلى انّ الحب ماهـو بْمُستطاعـي

ليت والله تطلـب اللـي أستطيعـه
لجل تبقـى دوم مسموعـاً مُطاعـي

فالسموحه كـل شـيّ الاّ شعـوري
مو لأيّ انسـان شفّـي والِتياعـي

وانت أكيد انّك بتلقـى فـي حياتـك
من ينسّيـك بوصالـه .. إنقطاعـي

والحيـاه بتستمـرّ وشـي طبيعـي
لو تجي تسحب ذراعك من ذراعـي

ما أموت من المفارق وانت تـدري
وش بقول انْ جيتني ناوي وداعـي

بختصار انْ غبْت يالطيّـب.. تأكّـد
المفارق عنْك .. لا يعنـي ضياعـي



أتمنى تصل لذوق قارئها


منقوله

يعطيك العافيـــــــه

لنقـــــــلك الرائــــــــــع

تحياتي

في كِلا الحاليـن مـا تفْـرق لأنّـي
واعي ٍ لا رِحْت .. ولاّ جيت واعـي

صح لسانك ولسان شاعرها

قصيده جميله تومه

لك مني الاحترام والتقدير

موسيقار خالد
مشكوووووور
عالمرووووور

عوووود الليل

انرت متصفحي
مشكووووور عالمروووور

الله عليك ياتومه
امتعتيييييييييييييييييييييني

روووووووووعه

يعطيك العاااافيه

صح لسانك ولسان شاعرها ..

سلمت يمناك ع الطرح يالغلا..

ليتني طفلة

رور الحلوه

ريحانه غلا

مشكورات عالمروووووور

قصيده رائعه سلمت لانامل يالغلا