ديوان الشاعر : متعب المطلق الركابي

(((الفرقى بليا تلاقي)))

يامصعب الفرقا بليـا تلاقـيلاغاب عنك اللي تعزه وتغليه

يا شينها لا من نحاه الفراقـيثم ابعدت سود الليالي محاريه

لاميت(ن)ينسى ولاحي باقـيعندك قريب وكل يوم تراعيـه

البعد مثل الموت يحرق احراقيوالميت اهون لكن الحي ترجيه

-----

((حزة الضيق))

الله يذكر حزة الضيـق بالخيـراللي تبين صاحبي مـن عـدوي

كم واحدن قبل اصطفاق المقايـراقول ذا جـوه مطابـق لجـوي

واليا رماني الحبل في قاعة البيرقفا وولى مـع صحاصيـح دوي

وكم واحدن ماظن به غير تقصيرويبين بالشـده جزيـل مـروي

الباز هو والبوم كل اسمهم طيروالكلب ينبـح والذيابـه تعـوي

بان الصحيح وفات وقت المعاذيرتوي عرفت الناس يا ناس تـوي

----

((الضحكه الصفرا))

راح الكثيـر ومـا بقـا الا القليليـن

النقـص حاصـل والبدايـه نهـايـه

ياقلهـم لـو هـم بعينـي كثيريـن

ياقلهـم ياكثرهـم مــن ورايــه

لو الليالـي علمنـي هـاك الحيـن

رفعت في وجـه الشماتـه عصابـه

اروي عطش واظمأ فرح بس من وين

والبخل من طبع السحـاب وسمايـه

اخفي الحزن تفضح معاناتـي العيـن

الظحكـه الصفـرا تبيـح الكمـايـه

جرح وصبر والحظ هو ثالـث اثنيـن

ابطال فـي قصـة مسلسـل شقايـه

-----

(( اسولف على نفسي))

انـا لا نعسـت وجيـت لنـوم تالـي الليـل

غدا النوم في عيني ثم ضاق بي واسع الفرجه

طرى ما طرالي من همومـن تهـد الحيـل

اسولف على نفسي ونـوب اغـدي الهرجـه

تواما الظلوع وكـن بالصـدر رجـد الخيـل

من الهاجس اللي ينعرج بـي ميـة عرجـه

ادور حـلـول لعـقـدة مالـهـا تحلـيـل

طويله عريضـه والبخـت مايلـن سرجـه

دورت بالابـراج فزعـه وهــي تمثـيـل

اثر برجي اقشـر يـوم كلـن قـرا برجـه

عسى الله يسويهـا عقـب منجفـت بالميـل

ويحل العقـد فـي حـزة اللحظـه الحرجـه