ستيك الدجاج بالمشروم

نبدا بالمقادير

2 صدور دجاج


مقادير التتبيله:


ملح
فلفل اسود
نص حبه ماجي
قطعه صغيره زبده
ليمونه
فص ثوم
صوص صويا ملعقه صغيره او اقل مو مشكله
روز ماري اذا متوفر عندك
كمون اذا متوفر عندك
رشه اورغيانو بعد اذا متوفره
نص ملعقه صغيره خل
ثم ينقع بالخلطه لمده ليله ويوضع بالثلاجه لحين استعماله



مقادير صلصه المشروم :


مشروم نص علبه او حسب ماتحبين
ملعقه جبن صغيره
صوص نقاط قليله


الطبقه الاخيره جبن تشدر فقط





الطريقه :


- تاخذي صدور الدجاج تقطعينها بالعرض وتفتحينها وبتكون بشكل الفراشه ..


- حطيها على لوح التقطيع ،، غطيها بكيس نظيف ثم بمقلاه صغيره اضربيها عشان تتسطح ضربيتين او ثلاث ،، طبعا في ناس يستخدمون مطرقه اللحم بس انا شفت هالطريقه تسويها ريتشل راي وعجبتني حسيت انها تخلي قطعه الستيك متساويه بشكل افضل ..


- حطي قطعتين الستيك في صحن ورشي عليه قليل ملح وفلفل ،، لاتكثرين لانك راح تتبلينه بالماجي بعدين ..
ابشري عليه الثوم / صبي شويتين خل ، الروز ماري ، الارغيانو والكمون والليمونه والصوص الصويا ،، وبالاخير مرررررررررره امسكي قطعه الزبده الذايبه بحراره الغرفه وليست مذوبه ع النار وامسحي فيها قطعتين الستيك من الجهتين ... مو مشكله لو تكتلت ..


- خذي المقلاه او مقلاه الشوي اذا متوفره عندك .. وحطي فيها قليل من الزبدة المذوبه وبعدها حطي شرايح الستيك عليها وقلبيها لمدة من 5 الى 10 دقائق .. بسرعه راح تنضج فخليها على جنب كم دقيقه بس .


- لما قريب تخلص خذي الماجي وذوبيه في شويه ماء ثم اضيفيه على الستيك وخليه قطع الستيك تتشرب نكهه الماجي ..


- بعدها خذي الفطر وحطيه على جنب في المقلاه جنب قطع الستيك وخليه يتشرب طعم الصلصه وبمجرد تشيلين الستيك تحطينه بالصحن اضيفي الجبنه والصوص على الفطر وحركيهم شوي ثم اضيفي على كل قطعه ستيك كميه من المشروم وابشري عليها كميه من جبن تشدر واضيفيها على المشروم وهو حار عشان تسيج الجبنه فوقه ...



وقدميها لعائلتك بالهناء والعافيه ان شاء الله

تحياتي

ريم الزهراني

حياك ريموه بيننا

طرح مشهي ولذيذ
وبصراحه بدايه جدآ جميلهـ
الى الامام واطالبكـ بالمزيد

ربي يحفظكـ

يم يم يم

والله جوعااااااااااااان

جاء فوقته


يعطيك العافيه

يعطيك العاااااااااافيه ..

بإنتظار جديدك .

مرحباً بك أختي
من جديد
ألف شكر لك
وشكله شهي ..!!
يتم التجريب
ولي عودة للموضوع ..!!
شكراً